JOSHUA 4:6 - Hawa Naga Bible 2001

⁶ Kvruex lung htenc kuex Yehowa rueq shuimx wvnc tueq phvnx kuex mungx miqsaz muex tvrvwvl yek shuex rvtueq. Yix maq nuimshiq saz tamx rueq, ‘Lungpoz htenc vruex vlvmz kuex yvmx khoc lac,’ ngoz rueq wiz ruiux yuq,

ASII LAKDAP Bible (BSI)

⁶ Ara longkaü thun arka mungmaiqse ma Tatiwe raq jamlai jaqwa shamkuqtaq kra tiitsang wan miitu miraq. Rawiichii ji na namsetiim raq ara longkaü phong arka jamlai miitu athü wa nguta miwai.

JOSHUA 4:6 Referencias Cruzadas

Tvtsvmc 44:1

O Tishox lex, nuiyshiq nac htenc maq kvruex lvmz kuex nuiyshiq rueq tay wvnc tiq, nuiyshiq jix vwaz tamx rueq muinz lvy wvnc tueq raungnuiyq htenc ngoz yaq, tsuingshiq vkhing nuex mnoz rueq shuimx wvnc toq yunghvlc yauk shuimc htenc ngoz yaq:

Tvtsvmc 71:18

Majuiuc ngaz kuex nyuiuz waz ngvy khux shex puix wvnc vtuex, O Tishox lex, ngaz kuex nauk tuip gay vkueq! Httuiuc wvnc yaq miq pat lotlaz muex mnoz luimc vkawc nuiyc hungc vlaungc kuex ngaz rueq jungphvnx ruiux yuq, ngaz rulc vdvmz httax kuiuz.

DUNGWVNC 12:14

Ngaz Yehowa rueq shuimx wvnc tauk kuex tharc tvsvmz tvkoc vruex raungnuiyq kuex nawk palx kuiuq vmoalx raungnuiyq muex tvyaungc rax. Moalx vruex kuex httuiuc wvnc yaq ruip rawx nuex muinz moalx wuez shuinz,” ngoz tueq jungx tueq.

DUNGWVNC 13:14

Yimaq msaz rueq, yvmx ngoz tueq lac vkhoc ruez vshix ngoz tueq wiz ruiux yuq, mnoz rueq piq muex, ‘Yehowa luimc vkawc yunghvlc maq naungshiq kuex dax muex yaungx tiq Ejip mungx kvwawc tvdung shvlx wvnc phuex.

DUNGWVNC 13:9

Yehowa vpiq luimc vkawc yunghvlc maq nuimshiq kuex Ejip mungx wawc tvdung wvnc phuinx ningkhvnc nuex, nuimshiq rueq Yehowa Tvrac kuex mkaq muinz wvlc lawc tvkoc, moalx vruex kuex nuimshiq yauk nuex, rvmuq ngoz ruiux khaungkuimx nuex menc taq vshuinx tvtsuingc juing hakhix ikhoc nuimshiq muex honc tvsvmz kuq kv-phuinx.

DUNGWVNC 31:13

jungc kuy tvkoc Moshe muex, “Vguilc Raungnuiyq ngoz yaq ngvy nyec tvkuiyq raungnuiyq kuex phvnx shuiuz, yvmx khoc lac ngoz ruiux lec kvruex kuex nuimshiq nuiyc ngvy hvlwvl nuex patshiz maq patshiz hakhix yaungx vtueq, Ngaz Yehowa rueq nuimshiq kuex ngvy miqsaz muex tvyaungc phaungx kuex tvkhic tvkoc muinz rvtueq.

ISAIA 38:19

Majuiuc mnoz muex ngaz rueq tvtsvmc phaungx kvkhoc, Vtvraungx httax yaq jix rueq mnoz muex tvtsvmc wuez yaq. Vnyuiuz vwaz rueq mnoz mtanc lac tvmtuing httax vtuiux kuex tsuingshiq sahez muex jungx kuq yaq.

ISAIA 55:13

Majuiuc shuiuq htenc kemz yaq baung nuex ruenx jungx htenc kemz yaq; Shuiuq rumz httax yaq baung nuex murra jungx htenc kemz tuex. Kvruex kuex ngaz, Yehowa rueq vshuimx kuex rvwvlc tvkoc, pattup phaungx ngaungx yaq vmal tvwaungc rvtuex,” ngoz tueq.

EJEKIEL 20:12

Tsuingshiq tvsawc nawc jix ngaz, Yehowa rvtauk kuex tsuingshiq rueq helc wvnc laz juing, naungshiq hvlwvl nuex vrungx vraz lvmz mv-httarc m-yaungx kueq, Vguilc Raungnuiyq kuex phvnc tvy tvkoc ngaz rueq tvhungx tauk.

EJEKIEL 20:20

Vguilc Raungnuiyq kuex vsawc raungnuiyq tvyaungc shuinz, kvruex kuex naungshiq rueq tvhungx tiq bomkhvrc mv-httarc rvtueq, ngaz kuex Yehowa nuimshiq Tishox rvtauk lvmz nuimshiq muex tvhelc vphaungx.

WEAWEA 16:38

Yehowa shomrawx nuex vhomc vshot jauk ruiux yuq, wvr kuinx jungc juing tuik kuex shuimc juing ningkhvnc nuex kvruex kuex vsawc hup svmx rvtueq. Kvkhoc rvtueq miqmac mvrax ningkhvnc nuex thueyc kaz tueq jix hez kox wawc wvr diq jungc juing tuik htenc kuex lvmz vtueq, tv-pherx jek ruiux shomrawx kuex puingc shuiuz. Kvruex nvyrvyx phawc kuex Israel miqsaz muex honc tvsvmz kuq shuex,” ngoz tueq jungx tueq.

Acts 2:39

Yvmx khoc lac ngoz ruiux lec Tishox bomkhvmc vruex kuex nuimshiq muex muinz, nuimshiq sahez muex muinz, lvmx luz nuex httaz jix muex muinz, naungshiq Taungjix Tishox rueq vgvl miqsaz lotlaz muex muinz rvtueq,” ngoz tueq jungx tueq.

TRI CHONGKE 11:19

Nuimshiq suiuz vsaz hez muex muinz tvluing kuq shuinz. Nuimshiq kuex yuimx nuex httax tuinx nuex rvmuq ngoz ruiux wuinz ghaq khuemc lvmx maq, nyec tvkuiyq shuinx nuex rvmuq ngoz ruiux yauk shuimc lvmx maq vruex kvjaz kuex rvjungc phvnc wuez kuinz.

JOSHUA 22:27

nuiyshiq miqsaz htenc nuiyc nuimshiq miqsaz htenc tvkoc muinz, yix maq pat vjat wawc naungshiq miqsaz htenc tvkoc muinz hakhix mvhttarc yaungc tvkoc dvyx rvtueq. Naungshiq rueq wvr maq jauk shomc kuy nuiyc lux rvyaungc shomc kuy juing kuex shomc nawk ruiux yuq vpiq vsawc Tap kvlc nuex Yehowa muex nawk palx kuq shix lvmz vruex shomrawx kuex hakhix yaungx tuex. Vkhoc maq raz tueq nuimshiq suiuz vsaz hez rueq nuiyshiq muex nuimshiq kuex Yehowa rulc yvmx muinz seng muq ngoz tueq ngoc juing vguez mruez kueq.

JOSHUA 4:21

Piq rueq Israel miqsaz muex ngoc, “Yix maq nuimshiq saz tamx rueq lung htenc vruex vlvmz kuex yvmx khoc lac ngoz tueq wiz wuez ruiux yuq,

JOSHUA 4:5

“Nuimhez kuex Yehowa nuimshiq Tishox Bomkhvrc Jep max kac Yodan ruilx kvyuq svt kuinz. Israel phvnx ruip rawx laung lung vshiz phok miqmac phauk luimx nuex pic wvnc wuez shuinz.