NEHEMIA 10:1 - ASII LAKDAP Bible (BSI)

¹ Riita ara tongshong tri lakjaq na apha shaqshaq mangkhat wanti ka Hakalia se Nehemia wanghuptiwe raq suhito. Kiimaq apaiq jai niika, Jedekia raq suhito. Tsangnai jai niishetiq mung rüm damti welabi ariiraq suhi wanto. Tsangshiq mang thun ka ara:

Hawa Naga Bible 2001

¹ Vphaungc shauk shauk sohic htuing jix kuex Hakalia saz mungx walaungx waz Nehemia rvtueq, kvruex yimaq Zedekia rueq sohic htuing tueq. Kvmaq hulawx sohic htuing jix hez kuex: Seraia, Azaria, Yeremia, Pashhur, Amaria, Malkhija, Hattusha, Shebania, Maluk, Harim, Meremot, Obadia, Daniel, Ginnethon, Baruk, Meshulam, Abija, Mijamin, Maazia, Bilgai nuiyc Shemaia. Azania saz Jeshua, Henadad taungx wawc Binnui, Kadmiel, Shebania, Hodia, Kelita, Pelaia, Hanan, Mika, Rehob, Hashabia, Zakur, Sherebia, Shebania, Hodia, Bani nuiyc Beninu. Parosh, Pahat Moba, Elam, Zattu, Bani, Bunni, Azgad, Bebai, Adonija, Bigwai, Adin, Ater, Hezekia, Azur, Hodia, Hashum, Bezai, Haripha, Anathot, Nebai, Magpiash, Meshulam, Hezir, Meshezabel, Zadok, Jaddua, Pelatia, Hanan, Anaia, Hoshea, Hanania, Hashub, Halohesha, Pilha, Shobek, Rehum, Hashabna, Maasea, Ahia, Hanan, Anan, Maluk, Harim nuiyc Baana.

NEHEMIA 10:1 Referencias Cruzadas

2 HOKHVMX 23:3

Apaiq ka Shomjam mong na hokhamwe toqpum kham tho na chapto. Raüta Tatiwe rai apaiq wokhong na silata abom mitaiha, apaiq tri raütu thun kra milangha kiimaq apaiq aming thun kra tsan nai mongjii wiita kuq lata milangha nguta tongshong wanto. Kiimaq kra lakdam na waiqtlaq kra phan phan aming thun kra milangha nguta tongshong ramkham tiibok wanto. Krai mren mungmaiqse kunli raq tongshong tri wokhong niidea misi rong i nguta kiqkham wanto.

EJRA 10:3

Riita ara chongtiikai lamlu ka ara. Ümchaü nashiq raq Shiikeawe man na pongnok phan nyungre nai tsangsetiim ka nashiqnok phong wa, ajoshe mirbaiq rong i nguta sinkiitiq kiqkham wan chang she saüto. Naishiq mungmaiqse riika, ümniiraq nai nanok ahinti Shiikeawe aming shreng wantibi raq jamlai aming wa mikuq, kra mitaikai. Shiikeawe tri raq jamlai wa aming kuq tlaq, kra phanphan she misi wan kai.

EJRA 2:63

Kiijaq siti Jehudi phan wanghuptiwe raq, tsangshiq wa ramwe weshi dong raüta, asii phaqsea kra lomdam miitu, Urim nai Thamin maq lang lii raüta lang raq thaü hümaq, Shiikeawe ma honglu na akuq kra phaqsea mai mak nguta wanghuptiwe raq tri thüto.

NEHEMIA 1:1

Arka Hakalia se Nehemia raq mung peng wantaq kra jaqsham manphan. Kra akhing na ngi Nehemia ka Parsia mung nyungchong Susa chela na riikang. Kra bala ka Kisleb lü bala riito. Kra akhing na Parsia mung langwantiwe ajong hokhamwe Artajarses riito. Apaiq raq mung lang wanli maq rawii wiiroqnai she riito.

NEHEMIA 10:2

Ramwebi wiika: Seraia, Ajaria, Jeremia, Pashur, Amaria, Malchija, Hattush, Shebania, Mallukh, Harim, Meremoth, Obadia, Daniel, Ginnethon, Barukh, Meshullam, Abija, Mijamin, Maajia, Bilgai, kiimaq Shemaia thun raq suhito.

NEHEMIA 10:30

Ümchaü sanha, pongmung maiqse namung na siti rai sikherü riija mai she.

NEHEMIA 7:65

Riita Jehudinok phan wanghuptiwe raq tsangshiq ma ramwe weshi raq Shiikeawe tiima tsantsii sap wan chang Urim nai Thummin (Piq maq) maq langlii hümiika, tsangshiq raq Shiikeawe ma honglu na akuq asii thaq niimin asii tü-adung ka phaqsea wan dam maimak nguta aming kuqto.

NEHEMIA 7:70

Kiimaq mungmaiqse pahea raq, Jerusalem Shomjam kra tiihea hai miitu chiirit chiikha ümchuwa raa tlaq, kra thun ka khumkhum khrum kuq damto. Kra khrum kuqtaq ka arthun ara riito: Wanghupti raq chaq tok 8 asii winpinthun 50 ramwebi miirii 530 Aweraü welabi raq chaq tok 168 kampho 1, 250 Mungmaiqse raq chaq tok 168 kampho tok 140 ramwebi miirii 67

NEHEMIA 8:9

Riita, mungmaiqse raq Thungtri na maiqse raq kamasham lamphan ka jamkhii shiiting rai raüta lang chang wa, kra bomtsi ka tai raüta, tsangshiq tsan nai mongjii ka tiininta she riito. Krai mren, tsangshiq ka aho anyi walishe riito. Kra ningkhan, wanghuptiwe Nehemia, Ramwe, kiimaq Thungtri raü rümtiwe Ejra, kiimaq Thungtri chongketi Lewinok raq, “Ümchaü ranaiq ka namshiq Tatiwe, Shiikeawe ma asii ranaiq. Kra ningkhan, namshiq ka naq shiri rongkiq. Kiimaq naqhoq rongkiq,” nguta nokwe ma nguto.

NEHEMIA 9:38

Arthun chamchao riihum wan kai kha maq, naishiq Israilnok raq, kiqshi maq jaq phak na riihan laita, tri raü ka akhii she waiq thü kai. Krai mren, naishiq shunsheati mungtubi, naishiq Lewinok raq, kiimaq naishiq ramwebi raq, tsangshiq jaq maq ara tri raütu lakwaiq wankai arjaq mangkhat wanto.

DUNGWVNC 24:4

Kiimaq Mosheq raq Tatiwe raq akuq aming thun ka wiita waiq thüto. Kriimaq nap jai ranap chu maq apaiq raq kra pumji na berong-wacha ashi haito. Kiimaq longkaü roqshiri kaünai, Israilnok maiq phan phan roq shi ri phan nai kra miitu maiq phantek miitu kaüshi shi shongto.