NEHEMIA 9:38 - ASII LAKDAP Bible (BSI)

³⁸ Arthun chamchao riihum wan kai kha maq, naishiq Israilnok raq, kiqshi maq jaq phak na riihan laita, tri raü ka akhii she waiq thü kai. Krai mren, naishiq shunsheati mungtubi, naishiq Lewinok raq, kiimaq naishiq ramwebi raq, tsangshiq jaq maq ara tri raütu lakwaiq wankai arjaq mangkhat wanto.

Hawa Naga Bible 2001

³⁸ Vruex lvmz lotlaz yaungx wvnc tueq ningkhvnc nuex, naungshiq Israel miqsaz rueq rungx raz vtix lvmz bomkhvmc vshiz wuiyq vshix, naungshiq walaungx bix, naungshiq Lewi miqsaz htenc nuiyc naungshiq shomc waz bix tsuingshiq rueq kvyuq sohic htuing wuez tueq.

NEHEMIA 9:38 Referencias Cruzadas

2 HOKHVMX 23:3

Apaiq ka Shomjam mong na hokhamwe toqpum kham tho na chapto. Raüta Tatiwe rai apaiq wokhong na silata abom mitaiha, apaiq tri raütu thun kra milangha kiimaq apaiq aming thun kra tsan nai mongjii wiita kuq lata milangha nguta tongshong wanto. Kiimaq kra lakdam na waiqtlaq kra phan phan aming thun kra milangha nguta tongshong ramkham tiibok wanto. Krai mren mungmaiqse kunli raq tongshong tri wokhong niidea misi rong i nguta kiqkham wanto.

2 KAÜWA WERAÜ 23:16

Ramwe Jehoiada raq Hokhamwe Joash nai mungmaiqse ka apaiq rai pong raüta tsangshiq ka Tatiwe sengi dea nguta tongshong kiqkham raütu khawanto.

2 KAÜWA WERAÜ 29:10

“Riita ümchaü ngi raq Tatiwe Israilnok Shiikeawe rai tongshong wan ratlo nguta thapthi wankang she. Kra riihai jiitiq apaiq ka nashiq ma atsan tiikhiq mak she miraq.

2 KAÜWA WERAÜ 34:31

Apaiq ka hokhamwe toqpum kham tho na chapto. Raüta Tatiwe rai apaiq wokhong na misiha, kiimaq apaiq tri raütu nai aming thun kra tsan nai mongjii kiimaq tsaiji wiita kuq lata mithüha kiimaq kra lakdap na waiqtaq kra phan phan tongshong tri raükha thun kra milang wan ha nguta kiqkhamto.

EJRA 10:3

Riita ara chongtiikai lamlu ka ara. Ümchaü nashiq raq Shiikeawe man na pongnok phan nyungre nai tsangsetiim ka nashiqnok phong wa, ajoshe mirbaiq rong i nguta sinkiitiq kiqkham wan chang she saüto. Naishiq mungmaiqse riika, ümniiraq nai nanok ahinti Shiikeawe aming shreng wantibi raq jamlai aming wa mikuq, kra mitaikai. Shiikeawe tri raq jamlai wa aming kuq tlaq, kra phanphan she misi wan kai.

NEHEMIA 10:1

Riita ara tongshong tri lakjaq na apha shaqshaq mangkhat wanti ka Hakalia se Nehemia wanghuptiwe raq suhito. Kiimaq apaiq jai niika, Jedekia raq suhito. Tsangnai jai niishetiq mung rüm damti welabi ariiraq suhi wanto. Tsangshiq mang thun ka ara:

NEHEMIA 10:29

ümchaü ranaiq na, naimung shun shea wanti welabi rai adam maq, Shiikeawe raq, adise Mosheq lümaq naishiq ma Thungtri kuqtaq, kra lang wan laita, Thungtri khong niishe mishong nga wan rong i nguta, kiimaq apaiq tri ka jin wan hai jiila, manson miho wan rong i, nguta atum riiwan laita, ara kiqkham raüpot ara kha wan tiikai. Riita, ümchaü sanha, Tati, nashiq Tatiwe raq nashiq ma aming ümchuwa kuqtaq kra, lang wan laitiishe mishong nga wan rong i. Kiimaq Tatiwe thung tri ka, tsapkapkap maq lang wan laitiishe, mishong nga wan rong i, nguta ara kiqkham raüpot kha wan tiikai.

ISAIA 44:5

“Ashishi maq, maiq raq akha mingu, ‘Ngi ka Tatiwe rii.’ Tsangshiq ka waraüta Israilnok rai mipong wan. Maiq loweatek raq ajaq phum na Tatiwe mang mikhat thü, raüta apaiq kiimin Shiikeawe sengi weshi nguta mitiichong.”

Matthew 27:66

Krai mren she, tsangshiq ka kiraüta makho longsha kilü ka thep tiisan shaqto. Raüta kilü thaq na tsangshiq raq sil maq lo raüta thüto. Raüta phenlanok ma tiikhe thüto.