NEHEMIA 9:37 - ASII LAKDAP Bible (BSI)

³⁷ Naishiq minshiiq hunnii wankai, hokhambi ma tijong hihi kuq wan kai. Arka naishiq ngarai tang wan kha na, ümniiraq naishiq ma, dise kharü li she tiiho kuq laü. Tsangshiq raq naishiq khuthaq na, naishiq nyamse khuthaq na, ji maq nishishi lishe, tiichamchao wanto. Naishiq ka pinthum pitlang pitthea, chamchao kharü mong na, sitiikai!”

Hawa Naga Bible 2001

³⁷ Nuiyshiq kuex mvrax yaq wuez tiq ningkhvnc nuex nuiyshiq muex mnoz rueq tvguimz tvlawc phux hokhvmx bix kvraq dvyx shex lvp luz wuez yaq. Kvruex hez rueq nuiyshiq nuiyc nuiyshiq suiux vmanx htenc kuex tsuingshiq rueq tvmaung shuex kvkhoc nvr wuez yaq, kvkhoc rvtueq nuiyshiq kuex pinhtumc htemrvmz wvnc vtix!”

NEHEMIA 9:37 Referencias Cruzadas

EJRA 4:13

Riita, Ajongwe lei, tsangshiq raq ara chela tro wa longperuk kriishe hai lot raü jiika, mungmaiqse raq ümniima phunta kuq tlaq kriimin kuqmak she miraq. Kriishe nguraü ka, hokhamwe raq mungmaiqse jaq wa hirii wan tlaq phunta ka akom she mirki.

EJRA 6:8

Ngi raq ara aming lak kuq tiipha ara, ümchaü ümniiraq tsangshiq ka Shomjam tiihea hai na khrum kuq wan laq. Tsangshiq ma khorosha ümtinkhan wa raa wan tlaq kra, ümniiraq hokham kampho tek wa lam laüta, kiimaq Euphretis Jürai maq Shenyap Nü Wang na siti mungmaiqse jaq wa, phunta hiwan tlaq kampho kriiwa tlothit maq tiidongdii kuq wan lili riilaq. Krai mren, kra jaqsham tiibanbi min ahü maq Shomjam hai wan kra tlot wan chang raa tlo.

EJRA 7:24

Namshiq raq ramwebi, Lewinok, Shomjam na ashitibi, Shomjam kheti petabi, jaqsham wantibi, lo maiq ahinti juwa Shomjam na jaqsham damti sitlaq, kra thun jaq wa phunta hirii maimak.

NEHEMIA 5:8

Latiishe, welabi ma, “Naishiq welabi raq Jehudinok phunai notiim, tsangshiq thüm alit tsi ma, maiq ümchu riiwa maiqmii khum ka pongmung maiqsetiim jaqkhon na, di ma tiisha wantaq, kriiti ka, naishiq raq atangtang dokda wan kai. Ümchaü namshiq riishea, maiqmii Jehudinok phan riilantiitiq, namphu namnotiim, Jehudinok kra namdisetiim ma tiija lanta rüm wan tlan!” nguta tsangshiq ka son kang. Kiimaq tsangshiq phukhu welabi ka poshi min bommak kaiqshak li riito.

AJONJÜ 5:5

Naishiq ka kumtoqkong ikha, riimakla kumtsong kong ikhli she. Maiqse raq sintsang doshat miili she jotlo, raüta jaqtiisham jamshatlo. Naishiq ka niitsi makaiq sitiikai. Shatmaq niitiitsak min tiinga mak.

LEWI 26:17

Ngi ka namshiq ma wesang miishe mijakiha. Krai mren namshiq ka re raq khat raüta mitang. Krai mren namshiq ngengtinok raq namshiq khuthaq na nga raüta mung ka mipeng. Namshiq ka phiip ajiiptsi raq tsai lanta, maiq raq ajo wanti ahü li ngu raü min namshiq ka tsaihü jihüshe miju han.

John 8:33

Kra tai raütiishe tsangshiq raq apaiq kiq ka akha khiito, “Naishiq ka Abraham lai ala setiim. Naishiq raq maiqti jong ka ümtiikiimin howan mai dongdii. Ümniiraq naishiq nangnga, ‘Wasetiim ma mitiija wan,’ nguta ngutlaü kriika, jamlai ngo wa ngutlaü?” nguta apaiq kiq ka khüto.

TRI CHONGKE 28:33

Maiq pong mungti raq ümniiraq riingoq ra ra minshiiq anü haü kriiwa tü atsam thun kra mijut siq. Shatmaq ümniiraq lap chang ka jammin ahü miraq. Shatmaq wranaiqshe ümniika maiq jaq khon mong na ji maq nishishi raütli mihaihii.

TRI CHONGKE 28:39

Ümniiraq spiqro ka michhi haü. Laüta kai michhin tsii haü. Shatmaq ümniiraq spiqtsi ka pansiq lumaü mirhaü. Riimakla kriiwa spiqtai kiimin nyanglu maü mirhaü. Jamkhano ngukla ajong raq spiqtsi ro ka wiita miphaq baiq.

TRI CHONGKE 28:48

Kra ningkhan she, Tatiwe raq üm khuthaq na chiqse rewenok tiikitlaq kriishe mishomnoq wan haü. Ümniika ramtsi, kham nyangtsi, kiimaq kheahü, phanrap na athüm alit she misi wan haü. Tatiwe raq ümniika nyat shat shat not shot shot lishe chongthum ma mija haü shaq wiiwii mitiicham chao wan.

TRI CHONGKE 28:51

Tsangshiq raq üm nyamsekong ka mitaa phaq. Kiimaq ümtü ümtsam ka miphaq siq. Kra ningkhan ümniika ram raq mitsai haü. Tsangshiq raq ümniima üm bunwong, spiqtai, olip tai, jam nyamse kong riimakla, sku kong ka ümniima jamlai min tiichong kuq mak miraq. Kra ningkhan ümniika atsai she mirhaü.