DUNGWVNC 21:6 - ASII LAKDAP Bible (BSI) atijongwe raq apaiq ka noqku chang ba kiijaq misheaho. Raüta apaiq ka kiijaq kilamchong tiinap na lo kilamchong pumpat na tiininsaq tiichap chang. Raüta anilok ka tiipu thot chang. Raüla apaiq ka rilung pattup atijongwe dise miili she misi. Hawa Naga Bible 2001 nawk palx juing baung nuex vjiyungx waz rueq shvlc lvy rax. Kvruex dax waz kuex kaluix rvmuq ngoz ruiux, kaluix daungx htung nuex tvjvp vtueq, piq nac kuex shuiuq maq htut tvpuc rax. Piq kuex jiyungx waz kox nuex rullungx pattup dax muex yaungc kuy juing. |
Kiijiishe tsangshiq raq treto, “Ümniiraq ara mungmaiqse ka aheawiq maq peng wan lungwii tlaü jiila, tsangshiq raq ümjaq wa jamlai wa tiipaiq nea raüta jaütlaq kriika bomhea maq trelaq. Kra riihaüla tsangshiq ka wranaiqshe ümwokhong na aheawiq ümniika mishli.”
Shiikeawe ka ramungtan rung na ngongwe; tisho kong thungtlaq kiijaq apaiq raq tri akha tantlo:
“Kra rawa Ngi ka Ejip mung tlotli na mikiha. Lata chhikhuse maiqwe sere angu ka kiimaq jam nyamse chhikhuse thun ka kunli mijiip baiqha. Kiimaq Ejip mung wa phra kong thun ka wiita mitsat baiqha. Ngi ka Tatiwe.
“Kiimaq maiqwere wiijam ka tatso rai. Raüta maiqnyung wiihan kra tangrat raüta, ase ka mase ma tiijabaiq raüla, shatmaq anyung ka mitsi mak ahea jiila, kriinyung dü na jaq miiqtiwe kriika awese raq ümchuwa jaütlaq kra phan phan atsa chang. Kiitiina phowebi raq tri ka tanke chang.
Shatmaq kra diwe raq atsan tsü maq apaiq raq atijongwe ka lungwiitlaq kiimaq tsang nyung nai asetiim ka lungwiitlaq jiika, kiimaq apaiq ka wase ma jaho romak jiila,
“Kiimaq maiq weshi ra raq ase jechakse ka maiq ma di miila shabaiq raüla, kriinyung ka maiqwe dise tiidongbaiqtlaq kiikha wase ma tiidong baiq ka raamak she.
Ngi raq ümniima ümmung pengti tuwe jongbi nai ümniima taksu tsü chongketi ka, man na rathup raphaji na ümniiraq jamkho riimwan laü kiikha hali mishong kuq wan nongkang. Kiijiishetiq Jerusalem ka kechu chela kiimaq tsapsaü kapse chela nguta mingu wan.”
Namshiq hiq ka pattup miitu shabaiq raamak. Jamkhano ngukla kra namshiq hupsam riimak. Kriika Shiikeawe hiq. Namshiq ka pong mungti wanshawe ma tiishamsiqtlaq ikhli shamsiqtlan.
Apaiq ka ümwokhong na ningchang tham phaqtiwe ikha jai na Ajangke Rawii akhing na saüli apaiq raq ümjaq ka misham kuq.
Apaiq sengi aki miikiimbi ka, hangsikong ikha ahok aho watrangli. Aphowebi ka shekong aramtsi khumtlaq ikha, süramhea ngamrii ka, anap ranap miitu min tiichong mak she phaqtlo.
“Kra akhing na ngi raq tsangshiq ma tsii ka akha chongkuq kang, ‘Namshiq sengi liipan na jamlai mra wa pintlaq, kra samhea tiitsang tai wan lili ronglaq. Lanta kha dongtlaq aweatek ka riikhaqli kappe maq shin lanta phokuq ronglaq. Kra kha thun ka namshiq maiqmiinokti liipan na lo, riimakla namshiq rai shongti pongmung maiqsetiim khü akha lo,
“Shatmaq ümdise riika üm wokhong wa wawan romak moraq miraq. Apaiq raq ümniika kai lungwii hea kiimaq ümjamti ka kai lungwii hea moraq miraq. Krai mren, apaiq ka üm wokhong niili siro moraq miraq.
Kriishe ngu raüla, apaiq ka rin kilamchong kiina sheaholaq. Laüta kiijaq anilok ka tiipu thotlaq. Kriishe ngu raüla apaiq ka arilung pattup ümdise lishe miraq. Ümdise jechak nyung kriimin kiikhiisii tri raüshi maq shin laüta rümlaq.
Mosheq raq Israilnok ma mung ka riikhaqli peng ra nguta chongto, “Tatiwe namshiq Shiikeawe raq namshiq ma mung kuqtlaq kiijaq chelatek na tuwebi nai siihiipbi ka mung peng wan miitu shong ronglaq. Ara welabi thun raq mungmaiqse ka tingting kappe maq shin raüta peng wan ratlo.
Shatmaq ara akhing na Hanna ka kimak dea. Apaiq raq tsangwe ma akha nguto, “No ka püpan shela ja raüla, ngi raq apaiq ka Tatiwe jam na sheaho lata mithükiha. Kiijaq apaiq ka rilung pattup misi.”
Shatmaq Achish riika Dawit ma kai kamto. Raüta atsan mong na akha tiima wanlili riito, “Anok abin Israilnok raq, apaiq ka atinkhan shulii tlaq arkha na, apaiq raq ngi ka arilung pattup shiili raütli she misi.”
“Tengto arka. Ngi ka ümjaqshise dea. Kiimaq ngi ka nola ashi dea nguta ümniiraq ümmak maq michhi haü,” nguta Dawit raq treto. Kiijiishe Achish raq treto, “Riikhaqli! Ngi raq ümniika pattup miitu ikhum kheti nolawe miishe mishongha.”