ISAIA 1:26 - ASII LAKDAP Bible (BSI)

²⁶ Ngi raq ümniima ümmung pengti tuwe jongbi nai ümniima taksu tsü chongketi ka, man na rathup raphaji na ümniiraq jamkho riimwan laü kiikha hali mishong kuq wan nongkang. Kiijiishetiq Jerusalem ka kechu chela kiimaq tsapsaü kapse chela nguta mingu wan.”

Hawa Naga Bible 2001

²⁶ Ngaz rueq nuimshiq kuex mvnnuex nuimshiq nuex httax wvnc tueq ikhoc guimz lawc jix bix nuiyc tharc rvjungc walaungx bix kuex kuq phaungx. Kvruex yimaq Yerusalem kuex tsuingrux, tvmtuing vhttax ghaqyungx ngoz tueq ngoz shuex.”

ISAIA 1:26 Referencias Cruzadas

ISAIA 1:21

Kra chela ka man na tsapsaükapse maq siti riito. Shatmaq ümchaü sanha mephe nyung ikhiishe sitlo! Akhing ashi na kra chela na siti kechu maiqse tonglong riito. Shatmaq ümchaü ka maiqtseati matwe tsawe tonglongli she sitlo.

ISAIA 2:3

kiimaq tsang mungti raq mingu, “Nashiq ka Tati kin kiina warongpha, Israilnok Shiikeawe Shomjam na warongpha. Apaiq raq nashiq ma atsanroro jaqsham kra mishrinkuq, nashiq ka apaiq raq tsea wantaq kra lam phan phan khumlaita mishong nga wan rong i. Jamkhano ngukla Tati tsiichong bomtsi ka Jerusalem maq chongkuqtlo; apaiq raq Jajon maq asengi ma tsü chongkuqtlo.”

ISAIA 33:5

Tatiwe ka pinthum jonglu! Apaiq raq phanrap kunli pengtlo. Apaiq raq Jerusalem ka tingting jaqsham kaiwa maq nai athuk atsom jaqsham maq mitiima wan.

ISAIA 54:14

Tingting tri kappe shamtlaü kriiraq kiimaq tri khaqkhaq shamtlaü kriiraq ümniika achet alet ma mitiija wan. Ümniika mungtsing miishe misihaü kiimaq notshotshot tiiphiipjiip mak she miraq.

ISAIA 60:14

Ümnaq ji maq nishi haihiiti setiim thun misaü wan, Raüta ümji chong na bum raüta ümnaq mishreng. Man na akhing ashi na ümnaq saisiti raq ümjichong maq ümnaq mishomnoq, Tsangshiq raq ümniika, ‘Tatiwe chela’ nguta mingu, ‘Jajon ka, Israilnok asii Shiikeawe chela’ nguta mingu.

ISAIA 60:21

Ümsenginok tarü raq riikhaqli kli misham. Kiimaq tsangshiq raq nam mung ka pattup pat-sa she misiq wan. Ngi raq tsangshiq ka hiq na chhi wan kang she. Ngi raq tsangshiq ka phansang kang she. Arka Ngi jonglu kra maiqse kunli ma tiichhike miitu klokang.

JEREMIA 31:23

Tati Ningkun Ajongwe, Israilnok Shiikeawe raq ngutlo, “Ümtiikiiwa Ngi raq mungmaiqse tsangmung niishe mitiishong wanha, tsangshiq raq Juda mung maq nai Juda mung na chela thun kiimaq akha mingu, ‘Tatiwe raq asii Jerusalem hiq lam ka mishman kuq laq, apaiq sichang asii hiqshong ba kra.’

JEREMIA 33:11

Chojong chise agi asii watrang kiimaq wiinum shewa maiqlam poi polo watrang poi klo she mitai wan nong haü. Ümniiraq nokmaiqse ka I Shomjam na kechutum honglu thun howan raüta kra kewa lam maq ashi ange watrangli she mitai haü. Tsangshiq raq akha mingu, ‘Tati Ningkun Ajongwe ma kechu tum ronglaq, jamkhano ngukla apaiq ka ahea kiimaq apaiq lungwii tsii ka pattup pat-sa thum mak.’ Ngi raq armung ka man na jamkho rongboq sitaq kiikha, arong awin hali mitiija wan nongha. Arka Ngi, Tatiwe raq toqtan tiikang.”

JEREMIA 33:7

Ngi raq Juda mungti nai Israil mungti ka rongboq she mitiija wanha. Kiimaq Ngi raq tsangshiq rilung ka man na jamkho arong awin siwantaq kiikhali mitii chhanchhi wan nongha.

EJEKIEL 45:8

Ara binwiiq arka Israil mung na mung pengtiwe hokhamse sitlaq kra rii athiiq miraq. Krai mren apaiq raq asenginok ka jamsha raa mak she. Riishatmaq kriiwa chantlaq mung wa hiq thun ka Israilnok mungmaiqse maiq phan ümchuwa kra miitu she miraq.

Mikha 4:8

Kiimaq Jerusalem lei, Shiikeawe ka kiijaq ngaraüta, asenginok ka skusekong ikha rüm wan tlo, ümniika man na jamkhiiwa silaü, kiikha mungtan nyungchong miishe mija wan nong haü.

JEPHANIA 3:13

Tiichongtaq Israilnok raq, jumiimin ajiq kiimung mak she miraq. Arot min chong mak she miraq. Kiimaq lapphaq lusiq lule tsii, thü mak she miraq. Tsangshiq ka arong awin she miraq. Kiimaq jurmin tiitsüngii mak she miraq. Ahaisong chang min ahü she miraq.”

JEPHANIA 3:9

“Kra lata ngi raq mangjong maiqse kunli, tsan nai tsii kra wiita miklai wanha. Tsangshiq kunli raq ngi li she mishom noq wan. Ahin phra ka shomnoq wan mak she miraq. Tsangshiq tarü kunli, iwokhong niishe misi wan.

JEKERIA 8:3

Arningkhan ngi ka Jajon na hali mijangki nongha. Lata asii Jerusalem na misiki nong ha. Kra chela ka tsapkapkap chela nguta mingu. Kiimaq Tati Ningkun Ajong Pinthumwe asii pum nguta mimang wan.

JEKERIA 8:8

Lata raq tsangshiq ka shedong mung maq riita shenyap mung na saüli atsuq wan kiiwa Jerusalem chela niishe mitiisi wan ha. Tsangshiq ka isengi ma mija. Kiimaq ngi ka tsangshiq Shiikeawe ma mija ha. Lata ngi raq tsangshiq ka tsapkapkap miishe kiimaq tingting tri sham lata mirüm wan ha.

WEAWEA 12:3

(Mosheq ka tsan nin heawe, mangjong hiq na apaiq khan tsan nin pinthum ka maiq ahü.)

WEAWEA 16:15

Mosheq ka atsan khiqto. Kra ningkhan Tatiwe ma nguto, “Arwetiim raq honglu kuqtlaq thun ka ashi min naq taokiq. Ngi raq tsangshiq phong wa ju miimin ashut klomang. Ngi raq tsangshiq kumtoq kong wa kaüshi ra dongdii min lamho mang.”

Revelation 21:27

Ashe ashi ngarai thun ka ara chela na tiinyap mak she miraq. Kiimaq, jurwa jeasi chang sham tlaq kiimaq jurwa arot akiq chong tlaq, kriiti thun ka ara chela na walot mak she. Ju mang wa Skuse atra rilung lakdap na waiqje asi, kriiti thun kli she ara chela mong na miwa lot.