DUNGWVNC 21:6 - Hawa Naga Bible 2001

⁶ nawk palx juing baung nuex vjiyungx waz rueq shvlc lvy rax. Kvruex dax waz kuex kaluix rvmuq ngoz ruiux, kaluix daungx htung nuex tvjvp vtueq, piq nac kuex shuiuq maq htut tvpuc rax. Piq kuex jiyungx waz kox nuex rullungx pattup dax muex yaungc kuy juing.

ASII LAKDAP Bible (BSI)

⁶ atijongwe raq apaiq ka noqku chang ba kiijaq misheaho. Raüta apaiq ka kiijaq kilamchong tiinap na lo kilamchong pumpat na tiininsaq tiichap chang. Raüta anilok ka tiipu thot chang. Raüla apaiq ka rilung pattup atijongwe dise miili she misi.

DUNGWVNC 21:6 Referencias Cruzadas

1 HOKHVMX 12:7

Tsuinghez rueq, “Mnoz rueq kvruex miq hez kvmac vhvlx shuimc kuy roc ngoz ruiux kuex, tsuingshiq rueq thoz yaq kuex vhvlx maq tay kuq shuiuz, kvkaq tsuingshiq kuex mnoz nuex tvmtuing httax vtueq mkaq muinz shuimx lvmz kuq kv-phux,” ngoz tueq tvralc tueq.

Tvtsvmc 82:1

Tishox rueq raungmungx wawc suingdaungx muingdaungx kuex shunshvlx yaq; tishox htenc rvtuimx yaq nuex vpiq rueq htvp htaz yaq lvmx kuex jungx kuq yaq:

DUNGWVNC 12:12

“Kvruex raungwvrx ngaz kuex Ejip mungx kvmaq lvy wvnc vtueq, pekhux miqwaz sahez nuiyc nyvmx saz jawc khux vlaz htenc kuex thvt gay ruiux, Ejip mungx wawc tishox lotlaz muex murx tvgurc shaungx, ngaz kuex Yehowa rvtauk.

DUNGWVNC 21:22

“Miqwaz rulx thaungthux vtueq wvgvnz nyuiuz kuex tungtec wungc gay ningkhvnc nuex, vmac vtsac kuex lvp muq, yuq muinz nox bac kay ningkhvnc nuex, yalxjuik nyuiuz kvruex taungx waz rueq thoz shuex rulc rv-ngvlc, phoc waz rueq htvp htaz kuq shuex kvkhoc, tvthuiuz sac jix waz rueq htuimc kuy rax.

DUNGWVNC 21:5

Yuq muinz dax waz piq rueq vjiyungx waz nuiyc vtaungx nyuiuz vsaz hez kuex lungwawx vtueq, dung kaz roc muq ngoz ruiux kuex,

DUNGWVNC 21:7

“Miq washiz rueq vsaz yalxjuik saz kuex miq dax yaungc tvkoc shaung gay ruiux yuq, dax nyuiuz kuex dax waz ikhoc dung wvnc lvp tuex rvmuq.

DUNGWVNC 22:28

“Tishox muex layx vbac kvjaz nauk kvjak kaz, mmiqsaz htenc wawc walaungx waz muex mvnhttonc mvy muq.

ISAIA 1:26

Ngaz rueq nuimshiq kuex mvnnuex nuimshiq nuex httax wvnc tueq ikhoc guimz lawc jix bix nuiyc tharc rvjungc walaungx bix kuex kuq phaungx. Kvruex yimaq Yerusalem kuex tsuingrux, tvmtuing vhttax ghaqyungx ngoz tueq ngoz shuex.”

LEWI 25:23

Ghaqphux kuex pattup guimz tvy tvkoc shaung mvy muq, yvmx khoc lac ngoz ruiux lec ghaqphux kuex ngaz rueq guimz yaq, nuimshiq kuex ngaz nuex kvwungx httaz jix wuinz waz dvyx rvtuit.

LEWI 25:40

Nvrc waz ikhoc mnoz kox nuex piq httax vtueq, httuiuc wvnc yaq Tvyez kuy Raungwawc nuex httuiuc laz mnoz muex shuimc kuy rax.

JEPHANIA 3:3

Kvruex wawc vyungx vlaungx bix kuex vhuk vhex khuemx yaq hangsic ikhoc, phoc waz bix kuex vrvmc thuiuz muex raungnvp nuex httuiuc laz vrawz vshiz muinz tvjungx taq muq shoalx htenc ikhoc yaungx yaq.

TRI CHONGKE 1:16

“Kvkaq ngaz rueq tsuinghez muex ngoc, ‘Nuimshiq miqmac phvnx nuex rv-ngoc rv-ngac rvthoz rvthvy khuec vkhac htenc tay kuq shuinz. Kvkhoc rv-ngoc rv-ngac rvthoz rvthvy kuex nuimshiq miq nuex dvyx seng yaq, nuimshiq rulc httax naungc jix pungnuk miqsaz htenc nuex seng yaq ngoz ruiux muinz, kvruex khuec vkhac phvnx ruip saz kuex tvrac rulc rv-ngvlc phox kuq shuinz.

TRI CHONGKE 15:16

“Yuq muinz dax piq rueq mnoz nuiyc m-yuimx wuinz kuex lungwawx vtueq; piq thuinz suing ningkhvnc nuex kaz roc muq ngoz ruiux yuq,

TRI CHONGKE 15:17

piq kuex m-yuimx kaluix nuex shvlx laq vtueq, piq nac kuex shuiuq maq tvpuc htut rax; kvkaq piq kuex mnoz kox nuex rullungx pattup dax muex yaungx tuex. Dax yalxjuik ngoz ruiux muinz kvkhoc jvnc ruec juing.

TRI CHONGKE 16:18

“Yehowa nuimshiq Tishox rueq kuq kv-phuinx miqghaq tek nuex phoc waz bix nuiyc vganc walaungx bix htenc kuex tvhungx tvy rax. Kvruex hez rueq miq htvlx phawc thvl muq maq phoc kuy rax.

1 SAMUEL 1:22

Yuq muinz majuiuc lauk kuex Hanna kaz naungx muq doc. Piq rueq vtaungx waz muex ngoc, “Nox rueq puix puinz shuex kvkaq lvmx lvy, piq kuex Yehowa yuimx nuex httaz tvlanc tvhttaz tvkoc ngaz rueq shvlx laq shaungx,” ngoz tueq jungx tueq.

1 SAMUEL 27:12

Yuq muinz Achish kuex Dawid muex tvluimc vtueq piq rueq, “Vruex waz kuex piq Israel miqsaz shauk htenc ningkhvnc nuex pinhtumc shuiuc pac rvhumc vtueq, piq rullungx wvlex ngaz muex dvyx mshuimx lvmz kuq phuex,” ngoz tueq rvwvl tueq.

1 SAMUEL 28:2

Dawid rueq, “Quex vhvlx. Ngaz kuex mnvrc waz rvtauk, mshauk pumz tvkoc ngaz rueq yvmx lac rvkuq phaungx kuex mnoz rueq khiz shuiux,” ngoz tueq tvralc tueq. Akhish rueq muinz, “Vhvlx! Ngaz rueq muinz mnoz kuex mkaq muinz ngvy rullungx bvmc jix muex tvyaungc phaungx,” ngoz tueq.