1 SAMUEL 1:22 - ASII LAKDAP Bible (BSI)

²² Shatmaq ara akhing na Hanna ka kimak dea. Apaiq raq tsangwe ma akha nguto, “No ka püpan shela ja raüla, ngi raq apaiq ka Tatiwe jam na sheaho lata mithükiha. Kiijaq apaiq ka rilung pattup misi.”

Hawa Naga Bible 2001

²² Yuq muinz majuiuc lauk kuex Hanna kaz naungx muq doc. Piq rueq vtaungx waz muex ngoc, “Nox rueq puix puinz shuex kvkaq lvmx lvy, piq kuex Yehowa yuimx nuex httaz tvlanc tvhttaz tvkoc ngaz rueq shvlx laq shaungx,” ngoz tueq jungx tueq.

1 SAMUEL 1:22 Referencias Cruzadas

Tvtsvmc 110:4

Tatiwe raq asiq areng akha kiqkhamto kriika janghomak she; “Ümniika pattup pat-sa ramwe mijahaü, arka ramwe Melkijedek pumsong she.”

Tvtsvmc 23:6

Ngi raq asapha ümnaq thuktsom kiimaq üm lungwiitsii ka ngi rai irilung pattup misi; kiimaq ümjam ka ngi atra sitiikang wiiwii ijam miishe mija wan.

Tvtsvmc 27:4

Ngi raq Tatiwe jaq wa phanshi jaükang; phanshi se lamlam kli ngi ma ratlo: Tatiwe jam na irilung pattup siwan kli rotiikang; lata kiijaq apaiq thuktsom kra maosea ma kiimaq apaiq tsii chong kra jaü ma.

DUNGWVNC 21:6

atijongwe raq apaiq ka noqku chang ba kiijaq misheaho. Raüta apaiq ka kiijaq kilamchong tiinap na lo kilamchong pumpat na tiininsaq tiichap chang. Raüta anilok ka tiipu thot chang. Raüla apaiq ka rilung pattup atijongwe dise miili she misi.

ISAIA 9:7

Apaiq hokham ningkun ka jong wan ruqli miraq; apaiq mungtan ka wranaiqshe mungtsing miraq. Apaiq ka Dawit Hokham pumsongtiwe miraq, apaiq raq tri kappe ka tingting kiimaq riikhaqli maq milang wan, ümchaü ranaiq maq pha wan raüta, phangthum ranaiq na saüli. Tati Ajong Pinthum raq arka mishamha nguta atoqtan wanwi she dongdii.

LEWI 25:23

Namshiq hiq ka pattup miitu shabaiq raamak. Jamkhano ngukla kra namshiq hupsam riimak. Kriika Shiikeawe hiq. Namshiq ka pong mungti wanshawe ma tiishamsiqtlaq ikhli shamsiqtlan.

Luke 2:22

Joseph nai Meriq ma, Mosheq Thungtri maq no khum kra tiisii wan poi klo akhing rahiq she saüto. Kriikha miishe, tsangnai raq no ka, Tatiwe ma kiinongke miitu, Jerusalem na boqhoto.

TRI CHONGKE 16:16

“Nam mungti maiqwere thun tarü ka wiishi na jangtsam noqku chang hiq bashi Tatiwe raq atsea thü kiijaq kilili raüta Tatiwe ka shomnoq kai ratlo. Arka Tiichhiiwan Poi, Tsamwi Poi, kiimaq Jolitiip Jap Poi akhing na kai lili riichang. Maiqwere loweatek raq kongphiq lamho raüta kaichang.

JOSHUA 4:7

Namshiq raq tsangshiq ma, Tatiwe Tongshong Tek raq Jordan rai jin wan kiita, Jordan rai kham ka süroq rükito nguta michongkuq han. Ara longkaü phong arka Israilnok ma pattup miitu ümchaü akhing na Jordan rai ka jamkho jin wantaq kra manphan tiitsang chang manphan miraq.”

1 SAMUEL 1:11

Hanna raq sinkhamto. Raüta akha achu jaüto: “Ajong Pinthum Tatiwe lei, ngi ümdise ara liilaq! Ngi chamchao ara liilaq laüta ngi ka ümtsan mong na thülaq! Ngi naqlaqkiq! Ümniiraq ngi ma maiqwe se la kuqhaüla, ngi raq apaiq ka rilung pattup ümnii miitu mikiinong kuqha. Krai mren apaiq raq rilung pattup akhu sihü maq misi.”

1 SAMUEL 1:28

Kra ningkhan ngi raq apaiq ka Tatiwe miishe kiinong kuqtiikang. Apaiq atra sitlaq wiiwii, apaiq ka Tatiwe rii she miraq.” Kra raütiishe tsangshiq raq kiijaq Tatiwe ka shomnoqto.

1 SAMUEL 13:13

Kiijiishe Samuel raq, “Ümniiraq ashut pinthum klo laü,” nguta treto. “Ümniiraq, Tatiwe üm Shiikeawe raq akuq aming lang maüdea riilaü. Ümniiraq aming ka lang haüjaq, apaiq raq ümniima nai ümsaü ümsetiim ma pattup pat-sa miitu Israil mung ka mitlang wan chang wa.

1 SAMUEL 2:11

Raütiishe Elkana ka jam na Rama chela niishe jang wanto. Shatmaq nono Samuel ka Shilo niili sikito. Raüta ramwe Eli wokhong na siraüta Tatiwe ka shiilito.

1 SAMUEL 2:18

Kiimaq anü na nonose Samuel ka asii müsaisai raihi-nairai samtong jong se sam raüta Tatiwe ka shiililii wantlo.

1 SAMUEL 28:2

“Tengto arka. Ngi ka ümjaqshise dea. Kiimaq ngi ka nola ashi dea nguta ümniiraq ümmak maq michhi haü,” nguta Dawit raq treto. Kiijiishe Achish raq treto, “Riikhaqli! Ngi raq ümniika pattup miitu ikhum kheti nolawe miishe mishongha.”

1 SAMUEL 3:1

Samuel raq Eli wokhong maq Tatiwe shiili tlaq choji na Tatiwe bomtsi tiichongki tlaq kriika akom pinthum riito. Kiimaq shammi makchhi kiimin jangshi shiseli tiichhi kuqtlo.