1 SAMUEL 1:23 - ASII LAKDAP Bible (BSI)

²³ Elkana raq treto, “Ahea na. Ümtsan na jamlai wa ahea nguta thapthi tlaü kra klolaq. No raq pünyang mipan shaq wiiwii, ümniika jam niili silaq. Kiimaq ümkiqkham ka Tatiwe raq mishku kuq laq.” Krai mren, Hanna ka jam niili khingkito. Raüta no ka tiichhanchhito.

Hawa Naga Bible 2001

²³ Elkana rueq, “Vhvlx nauz, mnoz rueq vhvlx tvmaung shuiux kvkhoc mruez kueq; nox rueq puix puinz shuex nuex httuiuc laz yuimx nuex dvyx httax kuiuz. Yehowa vpiq bomkhvmc kuex mhungx wvnc kueq,” ngoz tueq tvralc tueq. Kvkhoc rvtueq Hanna kuex yuimx nuex dvyx httax vtueq vsaz kuex dungx ghaq tueq.

1 SAMUEL 1:23 Referencias Cruzadas

2 SAMUEL 7:25

“Riita, ümchaü min, O Tati Shiikeawe lei, ümniiraq ngi miitu kiimaq ilai ila miitu jamlai kiq wa khamkuq laü, kra bomkham ka pattup pat-sa miitu she tiihongtha kuq laq. Kiimaq ümniiraq jamlai wa mishamkuqha ngulaü kra shamkuq laq.

1 HOKHVMX 3:21

Anap ranap niishe, ngi ka akon maq samki kang. Lata ise ma nyakpü tiinyangla nguta dan kang. Shatmaq kra noshiise ka amaashe chhikang. Kra chhilata ngi raq samheawiq miishe shrira liikang. Latiishe kra no ka ise riimak ngutiishe sapkang.”

Tvtsvmc 22:9

Ümniiraq ngi ka inyung puk wa kiqkap jaqshap rawü tiichhii kuqlaü, kiimaq ngi ka noshiise ji na, ümniiraq khupwong shatmaq tiijonglaü.

ISAIA 44:26

Shatmaq ümtiikiiwa ijaqshise raq tiithaitlaq; ümtiikiiwa Ngi raq itsa soqtiwe tiikitiikang, lata ikiimung sürii tiikang kra tiichhi kuqtiikang. Ngi raq kra kiimung thun nai riishambom tiithaitlaq thun ka tiikupi tiikang. Ngi raq Jerusalem ma maiq ka kiijaq mishong wan nong nguta chongtiikang, kiimaq Juda mung wa chela thun ka mitiihea hainong nguta. Kra chela thun ka hiqrai ashotbaiq wa midong wan nong.

WEAWEA 30:12

Shatmaq awese raq kra sinkham kra tai raüta tiiku wan maimak nguta tsang nyung ka ningtangho raükla, apaiq raq kra tiiku wan makli nguraü min jam raamak. Tatiwe raq apaiq mra ka adii mirkuq. Jamkhano ngukla awese raq kra sinkham ka tiiku maimak ngutiishe khiihoto.

Matthew 24:19

Kra mra pin akhing bala jechakre wiihü wiihanti nai noshii nyungre miika pinthum phiiptsi chang jonghea miraq!

Luke 11:27

Jesuq raq ara bom chongke kra tai raüta, nokwe phong mong na chapti, jechaknyung ashi raq Jesuq ma, “Ümnaq boqpum wanti ümnyung miika pinthum kopan jonghea!” nguta bomdamto.

1 SAMUEL 1:17

Kiijiishe, “Khu asang maq walaq, kiimaq Israilnok Shiikeawe raq ümniiraq jamlai wa jaü laü kra mikuq laq,” nguta Eli raq nguto.

1 SAMUEL 14:36

Saul raq asengi ma akha nguto, “Nashiq ka Philistainnok piitiip na kirong i. Laita tsangshiq ka rawa na khat rong i. Laita hupsam thun ka ranap rawü hotlaq akhing na saüli, wiita run wan rong i. Kiimaq tsangshiq ka wiita jiipbaiq ki rong i.” “Ümniiraq jamlai wa ahea nguta thapthi tlaü kra kiimung laq,” nguta tsangshiq raq treto. Shatmaq ramwe raq, “Shiikeawe ma bom ka kongkhu wai rong i shaq,” nguta treto.

1 SAMUEL 14:40

Kiijiishe Saul raq tsangshiq ma nguto, “Namshiq tarü ka kiinü kiijaq chap rong laq. Kiimaq Jonathan nainai ka anünü arjaq chapphai.” Kiijiishe tsangshiq raq treto, “Ümniiraq jamlai wa ahea nguta tiima tlaü kra klo laq.”