DUNGWVNC 16:4 - ASII LAKDAP Bible (BSI)

Kiijiishe Tatiwe raq Mosheq nguto, “Ümchaü Ngi raq namshiq tarü kunli miitu tsam ka ra wiishe rajun ikha mitiisaüha. Mungmaiqse raq wranaiqtek tsangshiq ka rum na kiraüta kra ranaiq phaq sea chang dung kra mirchom kilaq. Akha dung lata Ngi raq tsangshiq tsantsii ka ibom chong ara phan phan sha sitla sha ibom chong ka tai romak wa kra misapha.

Hawa Naga Bible 2001

Yehowa rueq Moshe muex ngoc, “Ngaz rueq nuimshiq lotlaz tvkoc raungx maq phuiuz vsvy kuex tvdvy kuq phaungx. Tsuinghez rueq wvraungx nuiyq tek kaz vtueq, raungnuiyq shiz laung humc laz dvyx mtvjomx kaz kueq. Ngaz rueq jungx shaungx kvkhoc tsuingshiq rueq phvnx yaq shuex phvnx muq lac kuex ngaz rueq taruiyx lawc shaungx.

DUNGWVNC 16:4 Referencias Cruzadas

NEHEMIA 11:23

Shomjam na ashi ange miitu tri ka hokhamwe raq khathüje riito. Kra aming na chongtlaq kra phan phan, Asaph weraü phan wa maiqta sitlaq, kra liipan na jaqsham ka riiphea wan lili raüta, ranaiqtek shinge wantlo.

NEHEMIA 9:15

“Tsangshiq ramtsi na tsangshiq ma, ramungtan wa manna dung, tiidea kuq laü. Kiimaq tsangshiq khamnyang tsi na, longkaü wa kham, tiiphok kuq wan laü. Ümniiraq mikuq kang nguta kiq akham kuq haü, mungtan ashi kiimin, tsangshiq ma, ‘Siq wan rong liishe,’ nguta, chongkuq wan laü.

NEHEMIA 9:20

Ümlungwii tsii khong maq, tsangshiq raq jamlai jaqsham chang wa, kra chongkuq laü. Ümniiraq tsangshiq ka manna dungpin maq, dunghiq wan laü. Kiimaq tsangshiq letsi na, kham tiiphok laüta letsi tiitsaq kuq laü.

Tvtsvmc 105:40

Tsangshiq raq jaüto, kiimaq apaiq raq wupe tlongto; apaiq raq tsangshiq ma ra wa dungpin tiisatto tsangshiq wok phetak riito.

Tvtsvmc 78:23

Shatmaq apaiq raq ra rai riibomto raüta ramungtan kilü thun dibaiq miitu aming kuqto;

DUNGWVNC 15:25

Kiimaq Mosheq raq atsan tiitsi raüta Tatiwe ma achu jaüto. Kiimaq Tatiwe raq apaiq ma pepan ashi tiichhi kuqto. Apaiq raq kra pepan ka kham mong na baiqto. Kiimaq kham ka anyang ma amai ahea she riito. Kiijaq Tatiwe raq tsangshiq ma asi wan miitu tri raütu kuqto. Kiimaq kiijaq apaiq raq tsangshiq ka maitaito.

DUNGWVNC 16:15

Israilnok raq kra chhi raüta, tsangshiq raq kriika jamlai wa sapmak riito. Kiimaq tsangshiq liipan na, “Arka jamlai wiinya?” nguta riiwaito. Kiimaq Mosheq raq tsangshiq ma chongkuqto, “Ahata Tatiwe raq namshiq ma akuq aphaq sea chang dung.

TAKSU LAK 30:8

Inümaq arot bom, naq tiichongkiq; kiimaq ngi ka chiithehea min, naq tiijakiq miitsan hea min, naq tiijakiq. Ngi ma phaq nai sea, ümchuwa ratlaq kra, khaqkhaq kuq laq.

Matthew 6:11

Ümchaü ranaiq miitu naishiq ma, dung kuq laq;

Luke 11:3

Naishiq ma ratlaq ranaiqtek dungjada ka kuqlaq.

1 Corinthians 10:3

Tsangshiq wiitarü raq kamasham phaq asea mana kiimin phaqsiq raüta laü wanto.

TRI CHONGKE 8:16

Kumtsaiphii mung maq apaiq raq namshiq ma manna kuq raüta dungto. Kra dung ka namtitiim raq jangshi ra min phaqsiq wan mak riito. Apaiq raq namshiq ma chamchao tiisaü wanto. Kriika namshiq maitai wan miitu. Kriika atiisup na namshiq ma apaiq raq phanrap ahea awa phan maq achu shiiman kewan miitu riito.

TRI CHONGKE 8:2

Namshiq Tatiwe namshiq Shiikeawe raq namshiq ka kumtsaiphii bintang jüngi lam luhea maq ara rawii roqblai ka jamkho shun shea wantaq kra tsan na tiitsang shat thü ronglaq. Namshiq ma litkot chamchao tiisaü raüta namshiq ka maitai wanto. Kriika namshiq raq jamlai wa mitiimahan kiimaq apaiq aming thun kra namshiq raq milang han sha lang man wa riijiiq nguta tairai wanto.

JOSHUA 24:15

Kiimaq namshiq raq apaiq ka shomnoq man ngochang jiila, ümchaü ranaiq namshiq raq thapthi ronglaq, ju wa mishomnoq han. Namtitiim raq Mesapotamia mung maq shomnoqtaq phra thun kriisha mishomnoq han, shea namshiq sitlan hiqshong wa Amoraiqnok phra thun kriiwa mishomnoq han. Shatmaq ijamtitiim nai ngi raq kla, Tatiwe kriili mishomnoq hai.”