DUNGWVNC 16:15 - ASII LAKDAP Bible (BSI)

¹⁵ Israilnok raq kra chhi raüta, tsangshiq raq kriika jamlai wa sapmak riito. Kiimaq tsangshiq liipan na, “Arka jamlai wiinya?” nguta riiwaito. Kiimaq Mosheq raq tsangshiq ma chongkuqto, “Ahata Tatiwe raq namshiq ma akuq aphaq sea chang dung.

Hawa Naga Bible 2001

¹⁵ Israel miqsaz rueq vphux sahez kuex khiz vtueq yvmx lac rvtvnx kuex tuiuz muq ningkhvnc nuex, “Vruex yvmx lac,” ngoz tueq vdvmz dvmz rvwiz soz wuez tueq. Moshe rueq tsuingshiq muex ngoc, “Vruex kuex nuimshiq rueq phuiuz tvkoc Yehowa rueq vkuq phuiuz vsvy rvtueq.

DUNGWVNC 16:15 Referencias Cruzadas

NEHEMIA 9:15

“Tsangshiq ramtsi na tsangshiq ma, ramungtan wa manna dung, tiidea kuq laü. Kiimaq tsangshiq khamnyang tsi na, longkaü wa kham, tiiphok kuq wan laü. Ümniiraq mikuq kang nguta kiq akham kuq haü, mungtan ashi kiimin, tsangshiq ma, ‘Siq wan rong liishe,’ nguta, chongkuq wan laü.

NEHEMIA 9:20

Ümlungwii tsii khong maq, tsangshiq raq jamlai jaqsham chang wa, kra chongkuq laü. Ümniiraq tsangshiq ka manna dungpin maq, dunghiq wan laü. Kiimaq tsangshiq letsi na, kham tiiphok laüta letsi tiitsaq kuq laü.

Tvtsvmc 105:40

Tsangshiq raq jaüto, kiimaq apaiq raq wupe tlongto; apaiq raq tsangshiq ma ra wa dungpin tiisatto tsangshiq wok phetak riito.

Tvtsvmc 78:24

raüta apaiq raq tsangshiq ma ramungtan wa wong tiidea kuqto, kriika tsangshiq ma manna tiidea kuq raüta dungto.

DUNGWVNC 16:31

Israilnok raq kra aphaq sea chang dung ka manna nguta ngutlo. Kriika petsi aranse phan among wa arai ka lüdiidii sitlaq ikha riito. Kiimaq aphaq ma sum ka ngiq ngu rai ashot biskut sum ikha riito.

DUNGWVNC 16:33

Mosheq raq Aron ma nguto, “Hamlii tsabum ashi lamlaq. Laüta litar nai rii manna ka kra mong na thiilaq. Laüta Tatiwe asi tombutiip na thülaq. Arka rawiichii nasaütiim pat na tiichhike miitu.”

DUNGWVNC 16:4

Kiijiishe Tatiwe raq Mosheq nguto, “Ümchaü Ngi raq namshiq tarü kunli miitu tsam ka ra wiishe rajun ikha mitiisaüha. Mungmaiqse raq wranaiqtek tsangshiq ka rum na kiraüta kra ranaiq phaq sea chang dung kra mirchom kilaq. Akha dung lata Ngi raq tsangshiq tsantsii ka ibom chong ara phan phan sha sitla sha ibom chong ka tai romak wa kra misapha.

TAKSU LAK 9:5

“Wara, i dung ara siq wakiq, kiimaq ngi raq spiqtai shotje she thükang, kra nyanglaq.

WEAWEA 21:5

Raüta Shiikeawe ngeng nai Mosheq ngeng bom bomto. Tsangshiq raq akha bottrangto, “Ümniiraq naishiq ka Ejip mung wa tsuq wan laüta ara bintang jüngi kumtsaiphii mung na jaram wa tiitsai tlaü? Arjaq aphaq asea chang min ahü. Anyang chang kham min ahü? Naishiq ka ara aphaq asea chang min riimak manna ariiraq achok she!”

Luke 12:30

(Ara jamkhano chong tiikang ngukla, ara mangjong hiq wa thatsang maiqse angu kli tiina, wranaiqshe, arthun ara miitu chapa siq tlaq.) Namshiq ma arthun arka ra tlo nguta, nam We raq asap.

John 6:49

Namtitiim riika, kumtsaiphii maq mana phaqsiq raüta siwanto. Shatmaq, tsangshiq ka wiita tsai wanto.

John 6:58

Riita, ahata ramungtan wa asatki winsii phu. Ara winsii arka, namtitiim raq phaqsiq wantaq, shatmaq, kra winsii phaq sia jai min, tsangshiq ka atsai riiwantaq, kiikha phan winsii ka riimak. Jurwa ara winsii phaq tlaq, kriiti ka pattup pat-sa atrali she misi wan.”

1 Corinthians 10:3

Tsangshiq wiitarü raq kamasham phaq asea mana kiimin phaqsiq raüta laü wanto.

TRI CHONGKE 8:16

Kumtsaiphii mung maq apaiq raq namshiq ma manna kuq raüta dungto. Kra dung ka namtitiim raq jangshi ra min phaqsiq wan mak riito. Apaiq raq namshiq ma chamchao tiisaü wanto. Kriika namshiq maitai wan miitu. Kriika atiisup na namshiq ma apaiq raq phanrap ahea awa phan maq achu shiiman kewan miitu riito.

TRI CHONGKE 8:3

Apaiq raq namshiq ka songtsi ramtsi tiichamchaoto. Raütiishe apaiq raq namshiq ka manna maq dung wanto. Kra dung ka namtitiim pat na nai namshiq riimin man na phaqsiq wan man riilan. Apaiq raq namshiq ma manna maq dung wantaq arka, maiqse ka atra si miitu dung lam lamse phaqsi raütli sichang riimak, shatmaq Tatiwe raq phanrap bomtsi chongtlaq kra phaqsiq raüta sichang nguta shrinke miitu riito.

Hebrews 9:4

Kra khok mong niika, chaq ngam maq lo raüta ajop, homseng win honglu chaq chang beongwacha asi. Kiimaq kiijaq Tongshong Tek kra thü tlo. Tongshong Tek kriimin chaq ngam maq ajop raüta ahai. Kra Tongshong Tek mong niika, chaq ngam maq ahai tsabum chü ashi asi. Tsabum mong niika man niiwa, mana athü asi. Kiimaq Aron nyeakii acham arki ka wiijaq tam maq athü asi. Kiimaq longpen kiimin anai asi. Kra longpen kaü nai niika, Shiikeawe raq akuq Aming Roqshi kra waiq raüta athü asi.

JOSHUA 5:12

Kra ranaiq miiphat she ra wa manna ka rok mak she tsaq kito. Kiimaq Israilnok jaq na manna ka ahü she riito. Kra akhing miiphat she tsangshiq raq Kanan mung na adong man tü atsam kriishe phaqsiq wanto.

Revelation 2:17

“Arkha maq chongtiikang, nam ni asi jiila, Asii Wenyi raq phungtuti ma tsii chongkuq tlaq ara tiitsang tairong laq! “Rekhat tang wanti ma, ngi raq apaü raüta athü man na kiiwa wiijam mikuq ha. Kiimaq hali, ngi raq tsangshiq loweatek ma longpo lüdiidii poshi mikuq ha. Kra longpo na mang anye tiiwaiq shat miraq. Kra mang ka, kra lap tlaqti ka tlea raüta, maiq ahinti jurmin sap mak miraq.