DUNGWVNC 16:3 - ASII LAKDAP Bible (BSI)

³ Kiimaq tsangshiq raq akha nguto, “Naishiq arka Tatiwe raq Ejip mung niili tsat baiq raüjaq ahea riichang wa. Kiijaq naishiq raq wok raq atang tang tolonglong nga laita ngam ka wok phetaktak phaqsiqkai kiimaq laihin phaq nai sea kiimin maiqmii raq aroro phetak phaqsiq tiikai arwa. Shatmaq ümchaütiq nya ümniiraq naishiq ka ara kumtsaiphii rumnyangkhi mung na tsuq wan laüta naishiq tarü ka ram ma tiihaü tlaü.”

Hawa Naga Bible 2001

³ kvbot ngoz wuez tueq kuex, “Yehowa rueq nuiyshiq kuex Ejip mungx nuex thvt gay shec ruiux vhvlx ruec juing. Kvruex mungx maq nuiyshiq rueq ngvmx nuiyc vganc phuiuz vsvy kuex nuiyshiq rueq vroc phauk saq ruiux shix. Yuq muinz mnoz rueq nuiyshiq kuex kumtsvy tvnx vyuq shvlx laq vtueq, nuiyshiq lotlaz kuex rvmc muex tvthueyc khvmc muex haz shvlx laq phux,” ngoz tueq jungx tueq.

DUNGWVNC 16:3 Referencias Cruzadas

2 SAMUEL 18:33

Hokhamwe ka atsanbi ahositsi raq atsai she riito. Apaiq ka kilamchong wukhu thaq na ra na khok ashi asi. Kiijaq wawanto. Raüta hoqsiq wanto. Apaiq ka ra khok kiina wawan lam miili, “O ise lei! Ise Absalom lei! Absalom, ise lei! Ümnaq tsai rii na, ngi tsaiha jaq khoti ahea riichang wa, ise lei! Ise Absalom lei!”

YOBA 3:1

Akha riikharai jai she Job raq bom ka tiipu phahoto. Raüta apaiq rawiichhi ranaiq ka akha son phahoto.

YOBA 3:10

Kra rawa ka ngi wüchhi kha ma ason riilaq, ngi ma atinkhan litkot chamchao tiihum kha na.

YOBA 3:20

Maiqse thun ka chamchao mong na jaram tiisi wa? Aho ajüti thun ma rawü ka jaram tli ke wa?

Tvtsvmc 107:5

Tsangshiq amang ale khamnyangtsi raq atsai kiimaq tsiim jüshushu pitlang pitthea riito.

Tvtsvmc 78:19

Tsangshiq raq Shiikeawe ma bombi kuqto, “Shiikeawe raq kumtsaiphii binjü maq midung lot shea?

Tvtsvmc 78:25

Krai mren tsangshiq raq rasetiim dung siq wanto, kiimaq Shiikeawe raq tsangshiq ma wok phetaktak tiiphaqsiqto.

DUNGWVNC 14:11

Kiimaq tsangshiq raq Mosheq ma nguto, “Riita Ejip mung na maiq maa lap chang hiq ahü sha? Ümniiraq naishiq ka ara kumtsaiphii rumnyangkhi arjaq mitsailaq ngutiisha sheaho laü? Liilaq, ümniiraq naishiq ka Ejip mungwa tsuqho laüta jamlai wa riilaü kra!

DUNGWVNC 17:3

Shatmaq mungmaiqse ka khamnyang tsihea riito. Kiimaq tsangshiq raq Mosheq ma bot wan ruqli riito. Tsangshiq raq nguto, “Ümniiraq naishiq ka Ejip mung wa jam nguto tsuq wan laü? Naishiq ka kiimaq naisetiim ka kiimaq nai nyamse kong ka kham nyangtsi ma tiijiim baiq miitu sha tsuq wan laü?”

DUNGWVNC 2:23

Rawii luhea sijai she Ejip mung hokhamwe ka tsaito. Shatmaq Israilnok ka maiq dikong maiq jaqkhon mong na kai chamchao kharü mong na ahan anyi li sitlo. Kiimaq khrum jaü kai aho asii sito. Tsangshiq hoqsii trang ka Shiikeawe niki na saüto.

DUNGWVNC 5:21

Tsangshiq raq Mosheq nai Aron ma nguto, “Namnai raq jamlai wa riilan ka Tatiwe raq chhito she. Namnai raq hokhamwe nai asengi ajong alabi ma naishiq tiingeng wan lan arkha na namnai apaiq mo mihohan. Namnai raq tsangshiq ma naishiq tiitsea baiq miitu lampu tankuq lan.”

JEREMIA 2:6

Tsangshiq raq ngi bro riimak, ngi raq tsangshiq ka Ejip mung wa chhii wan kang, lata tsangshiq ka rumnyangkhi binjü maq shea wan kang: bintang jüngi nai kumtsaiphii phong lam maq, shinriiqriiq kiimaq maiqhai asi bin lam maq, kiijaq maiq jumin silot mak, kiimaq maiq jumin khumki mak lam maq.

JEREMIA 44:17

Naishiq raq man na jamlai miklohai ngutiiwa chongkai, kriili miklohai. Naishiq raq naishiq phra nyungkaü, Ramungtan Hokham Nyung kriimiili honglu mitaakuqhai. Kiimaq naishiq raq apaiq ma che honglu thun kra mitiibok kuqhai. Arka naititiim riimin, naishiq hokhamwe riimin, kiimaq naishiq pengti tuwebi riimin, manniiphü Juda mung na chela thun maq, kiimaq Jerusalem chela na chiiheawea lam thun maq honglu kuq wanto. Kra kuq wankai akhing na, naishiq ka chamtraq arong awin siwankai. Naishiq ka chiithe lüwa tonglong siwankai. Kiimaq jamlai chamchao litkot athüm alit min sap mai sikai.

AJONJÜ 4:9

Redong akhing na tsaiwanti thun ka, jai na atinkhan chamchao raüta tsaiti, thaq na kiim ahea lin. Jamkhano ngukla, jai na tsaiti ka ram raq ajam riiwan raüta, tsai wanto.

WEAWEA 11:15

Riita ümniiraq ngi ka akhli tlitkot chang jiika, ngi ara mangchan laüta, tiitsailaq atseali riibaiqlaq. Kra nguraü ka ümniiraq ngi atinkhan tiichamchao tlaü homa arka alaq she mirbaiqha. Ninwan ruq ka nin mang she miraq.”

WEAWEA 11:20

Shatmaq jipi lüshi lütang nyasiq lanta, namshiq nilok mong maq ngamphu ka dong kili chang she, namshiq ka ngam raq ngiirai lanta namwok riim raq atsi tiibumhap she miraq. Akha namshiq ma misaü wan, jamkhano ngukla namshiq raq Tatiwe arjaq namshiq rai adam sitiwe ka weahü tiishaü baiqlan. Kiimaq namshiq ka Ejip mung wa laü wan manli riichang wa nguta bot nyan trang lan.’”

WEAWEA 14:2

Tsangshiq raq Mosheq nai Aron tiishaü bomto. Kiimaq akha nguto, “Nashiq ka Ejip mung niili tsai hai jaq riiwe ka ahea riichang wa. Riimakla ara rumnyangkhi binjü arjaq tsairai hai riiwe ka ahea riichang wa!

WEAWEA 14:3

Tatiwe raq nashiq ka kra mung na jaram wa tsuq wantla? Nashiq ka re na mitsai rong i. Kiimaq nachaktiim nai nasetiim thun ka re raq shumwi kong ma mitsuq wan. Kra nam miika, Ejip mung na jangho nong riiwe khoti ahea lin miraq riimak sha?”

WEAWEA 16:13

Riita ümniiraq naishiq ka hiqpo hiq win hiq Ejip mung wa arjaq tsuq wan laüta, ara bintang jüngi mung arjaq tseabaiq ma tsuq wan laü armin hong mak dea ngutiisha tiima tlaü? Kriithaq niimin ümniika naishiq khuthaq na dü laüta naishiq ka kai jamshaha jaq ngutiisha tiima tlaü?

WEAWEA 16:41

Kriimaq nap jai ranaiq she mungmaiqse tlotli raq Mosheq nai Aron tiishut bomto. Tsangshiq raq akha nguto, “Namnai raq Tatiwe sengi maiq wiijam tsatbaiq lan.”

WEAWEA 21:5

Raüta Shiikeawe ngeng nai Mosheq ngeng bom bomto. Tsangshiq raq akha bottrangto, “Ümniiraq naishiq ka Ejip mung wa tsuq wan laüta ara bintang jüngi kumtsaiphii mung na jaram wa tiitsai tlaü? Arjaq aphaq asea chang min ahü. Anyang chang kham min ahü? Naishiq ka ara aphaq asea chang min riimak manna ariiraq achok she!”

Acts 26:29

Kiijiishe, Paul raq, “Jaqlose liipan niili lo; luhea sijai niishetiq lo; ngi raq Shiikeawe jaq wa achu jaü kla, ümnaq nai maiq abiti ümchuwa, ümchaü ranaiq arjaq, i bomchong tai wanti thun tarü arka, ngi akha siisaq jawan han jaq nguta tsin ngin tiikang. Shatmaq, namshiq min ngi akhiisii hali shumraü kharü maq kha haü jaq nguta ngo nang kla riimak!”

1 Corinthians 4:8

Namshiq ma ümchuwa rong raa tlaq kra wiita she dea sha ong wan lan? Namshiq ka ngohea shaq chiithe jong siisaq she dea sha jawan lan? Naishiq riiwe kla hokham ka riimak. Shatmaq namshiq ka ngohea dea hokhambi miishe dea sha jawan lan? Kiimaq naishiq ahü maq jawan lan. Ngohea dea namshiq ka hokhambi siisaq ngu raü dea ahea riichang. Naishiq armin namshiq rai hokhambi ma jawan hai chang wa.

2 Corinthians 11:1

Ngi ka pinthum tiipantan rai tiikang, namshiq raq ngi ngok ngi rai tiikang ara chhihan jiimin la, anin reali she dea riiwan han jaq ahea nguta. Laa miisdia nin rong laq!

TRI CHONGKE 28:67

Ümmak maq jamlai wa chhitlaü kra wiita kriiraq ümtsan mong na tsan chhiiwa atiikhai rok rok lishe misi haü. Ranaptek rawii wan raüla, raji she nguraü jaq ahea riichang nguta mitiima haü. Kiimaq raji wan raüla, ranap she nguraü jaq nguta mitiima haü.

TRI CHONGKE 8:3

Apaiq raq namshiq ka songtsi ramtsi tiichamchaoto. Raütiishe apaiq raq namshiq ka manna maq dung wanto. Kra dung ka namtitiim pat na nai namshiq riimin man na phaqsiq wan man riilan. Apaiq raq namshiq ma manna maq dung wantaq arka, maiqse ka atra si miitu dung lam lamse phaqsi raütli sichang riimak, shatmaq Tatiwe raq phanrap bomtsi chongtlaq kra phaqsiq raüta sichang nguta shrinke miitu riito.

JOSHUA 7:7

Raüta Joshua raq akhiishe achu jaüto, “Ajong Pinthum Tatiwe le! Riita, ümniiraq naishiq ka ara Jordan rai reko na jaramli wa sheawan laü? Naishiq ka Amoraiqnok jaq na kiinongkebaiq miishea shea wan laü? Naishiq ka ashthen baiq miitu shea? Riita, naishiq ka Jordan rai reko niili jamto simai riikai?