NEHEMIA 9:20 - ASII LAKDAP Bible (BSI)

²⁰ Ümlungwii tsii khong maq, tsangshiq raq jamlai jaqsham chang wa, kra chongkuq laü. Ümniiraq tsangshiq ka manna dungpin maq, dunghiq wan laü. Kiimaq tsangshiq letsi na, kham tiiphok laüta letsi tiitsaq kuq laü.

Hawa Naga Bible 2001

²⁰ Mnoz kuex hvlc hvlc ningkhvnc nuex tsuingshiq rueq shuimc aungx yaq yauk shuimc kuex jungx kuq toq; tsuingshiq muex manna wanx kuex tv-phauk ruiux, yuix kuex kuq nuingx toq.

NEHEMIA 9:20 Referencias Cruzadas

NEHEMIA 9:30

Li jiimin, ümniiraq tsangshiq ma, rawiitek tsan tiibum laüta, hon kam wan tsii chongkuq laü. Ümniiraq ümshammibi tiiki laüta, tsan achhü maq ümbomtsi, tiichong kuq laü. Shatmaq ümsenginok ka nitangnok. Kriikha niishe ümniiraq tsangshiq ka, maiq mung ahinti ma, tiikhat laüta rewe jaqkhon mong na, kiinong kuq wan laü.

Tvtsvmc 105:41

Apaiq raq longkaü koqhok linto, raüta khamrai phokto, kumtsaiphii binjü na jürai ikha ashi tiisaüto.

Tvtsvmc 143:10

Ümniika i Shiikeawe; ümniiraq athithi na jaqsham miitu ngi ma shrinkuqlaq. Ngi ma ahea klokuqlaq, laüta ngi ka hansang lamphan na shunshealaq.

DUNGWVNC 16:15

Israilnok raq kra chhi raüta, tsangshiq raq kriika jamlai wa sapmak riito. Kiimaq tsangshiq liipan na, “Arka jamlai wiinya?” nguta riiwaito. Kiimaq Mosheq raq tsangshiq ma chongkuqto, “Ahata Tatiwe raq namshiq ma akuq aphaq sea chang dung.

DUNGWVNC 16:35

Israilnok raq manna ka rawii roqblai na saüli, tsangshiq shong chang Kanan mung na misaü wan shaq wiiwii manna siq raüta siwanto.

DUNGWVNC 16:4

Kiijiishe Tatiwe raq Mosheq nguto, “Ümchaü Ngi raq namshiq tarü kunli miitu tsam ka ra wiishe rajun ikha mitiisaüha. Mungmaiqse raq wranaiqtek tsangshiq ka rum na kiraüta kra ranaiq phaq sea chang dung kra mirchom kilaq. Akha dung lata Ngi raq tsangshiq tsantsii ka ibom chong ara phan phan sha sitla sha ibom chong ka tai romak wa kra misapha.

DUNGWVNC 17:3

Shatmaq mungmaiqse ka khamnyang tsihea riito. Kiimaq tsangshiq raq Mosheq ma bot wan ruqli riito. Tsangshiq raq nguto, “Ümniiraq naishiq ka Ejip mung wa jam nguto tsuq wan laü? Naishiq ka kiimaq naisetiim ka kiimaq nai nyamse kong ka kham nyangtsi ma tiijiim baiq miitu sha tsuq wan laü?”

DUNGWVNC 17:6

Ngi ka Sinai Pum na longkaü sitlaq kiijaq ümkhaki na michap kang. Ümniiraq longkaü ka riihot buklaq. Raüla longkaü kiiwa mungmaiqse raq nyang miitu kham ka midong.” Krai mren Mosheq raq Israilnok welabi makki na kra chong kuqtaq kra phan phan kloto.

ISAIA 48:21

Man na Tatiwe raq asenginok ka akewiq, shinriiqriiq kumtsaiphii lam maq tsuq wantaq akhing na, tsangshiq ka khamnyang tsi raq chamchao mak riito. Apaiq raq kham ka longraq wa tsangshiq miitu tiidongkuqto; apaiq raq longraq ka tiikholiiq tiikhobaiqto, raüta kiiwa kham ka tiidongto.

ISAIA 49:10

Tsangshiq ka ümtiikiimin aramtsi riimakla khamnyangtsi chamchao mak she miraq. Rashekiitsi nai kumtsaiphii hiqke raq tiichamchao mak she miraq. Jamkhano ngukla tsangshiq lungwiitiwe riishe tsangshiq ka miriim wan. Apaiq raq tsangshiq ka tsiimse raisetiim na misheaho.

HAGAI 2:5

Man na namshiq Ejip mung wa laüwan lan akhing na, ngi ka namshiq rai pattup pat-sa adam siwanruq mirkang nguta kiqkham raü khakuq kang. Krai mren, ngi ka ümchaü min namshiq rai nongshnongli. Arningkhan namshiq naqhai rongkiq.

WEAWEA 11:17

Ngi ka kiijaq misat kikang. Lata ümniirai kiijaq mirbom kang. Kiimaq Ngi raq ümniima akuqha wenyi kiiwa wiijam lam lata tsangshiq ma mikuqha. Kra riiha jiila, tsangshiq raq mungmaiqse miitu hekiilai ümniiraq hotlaü kra wiijam tsangshiq raq riisha hodam raüta ümniika mikhrumlot. Kiimaq kra holai ka ümnaq laqlaqse riili horea ka raamak miraq.

John 4:10

Kiijiishe, “Shiikeawe raq maiqse ma jamlai kongphiq kewan ro wa, kra ümniiraq tak haü jiika, kiimaq ümjaq wa kham jaüti we ka juwa, kra ümniiraq sap haü jiika, apaiq jaq wa ümniiraq jaü haü jaq, apaiq raq ümniima rilung tsitsü kham mikuq wa”

John 4:14

Shatmaq, jurwa ngi raq akuq ha kham nyang tlaq, kriiti ma kham nyang tsi ka dong mak she miraq. Ngi raq akuq ha kham ka apaiq tsan mong na, tsitsü khamphok rai se miishe mija wan. Kiimaq apaiq ma pattup pat-sa rilung she mikuq.”

Romans 15:30

Riita, ümchaü min, phunainotiim lei, nashiq raq Tati Jesuq ma kamwan tiikai, kiimaq Wenyi raq nashiq ma lungwii tsantsii kuqtlaq arkha maq, namshiq ka ngi rai adam maq, ngi miitu tsan tiitsi lanta, achu jaü kuq han jiika ahea miraq nguta, namshiq ma, ara athü ada wan bomtsi tiitai wan tiikang.

1 Corinthians 10:3

Tsangshiq wiitarü raq kamasham phaq asea mana kiimin phaqsiq raüta laü wanto.

Ephesians 5:9

Ara chongtiikai rawü li raq, phanrap lam na, athuk atsom, kechu jaqsham, kiimaq tingting rilung tsi ka, tum akhiiq ama tiishowo kuq tlo.

JOSHUA 5:12

Kra ranaiq miiphat she ra wa manna ka rok mak she tsaq kito. Kiimaq Israilnok jaq na manna ka ahü she riito. Kra akhing miiphat she tsangshiq raq Kanan mung na adong man tü atsam kriishe phaqsiq wanto.

2 Peter 1:21

Jamkhano ngukla, riisham bomchong ka, maiqse tsan mong maq adong riimak. Shatmaq Asii Wenyi raq shammibi ka rom raüta, tsangshiq raq Shiikeawe nübok wa tsütsa taitlaq kra chongkuqto.