NEHEMIA 9:19 - ASII LAKDAP Bible (BSI)

¹⁹ Shatmaq ümniiraq tsangshiq ka, rumnyangkhi kumtsaiphii na, miimbaiq thü maü dea. Jamkhano ngukla, tsangshiq miitu ümniiraq, tiihang wan mangchan ka, jonghea thü wan tlaü. Tsangshiq ma ranaiq na lam sheaketi phumkham, kiimaq rawa na sheaketi wakham ka, lambaiq maü riilaü.

Hawa Naga Bible 2001

¹⁹ Yuq muinz mmenjenc thuinz yunghvlc ningkhvnc nuex, mnoz rueq tsuingshiq kuex kumtsvy tvnx nuex tuip gay shec muq. Raungnuiyq nuex tsuingshiq muex lvmx shvlx kuq yaq phuemx tul nuiyc raungwvrx nuex lvmx tvlez kuq yaq wvr htung muinz mnoz rueq lvmz gay muq.

NEHEMIA 9:19 Referencias Cruzadas

NEHEMIA 9:12

Tsangshiq ka ranaiq na phumkham maq, shun shea wan laü. Kiimaq rawa na tsangshiq ka, waniitu maq shea wan laü.

NEHEMIA 9:27

Kriikha niishe tsangshiq ka, tsang jaqtibi ma, kiinong kuq baiq laü. Raüta tsang jaqtinok riishe tsangshiq ka, khat raüta jamsha wanto. Tsang lit tsi miishe tiq, tsangshiq raq ümman na hoqsii wanto. Krai mren ümniiraq tsangshiq achu jaü ka, ramungtan maq tre kuq laü. Ümmangchan jong mong miishetiq, tsangshiq khuthaq na, ashun ashea wanti welabi tiiki laü. Tsangshiq riishetiq, tsang jaqtinok jaqkhon mong wa, dokda kuqto.

NEHEMIA 9:31

Kiitin khan taü maq li jiimin, ümnaq tiihang wan mangchan tsii ka, jonghea kha maq, ümniiraq tsangshiq ka, thumpak lang lang, tiithum maü riilaü. Ümniika kaphap mang chan, kiimaq tiihang wan mangchan jonghea, rümti Shiikea!

Tvtsvmc 106:45

Tsangshiq tiiwong ma atongshong bomtsi tiimato, kiimaq alungwii tsii jonghea kha maq atsankhiq atiishi riiwanto.

Tvtsvmc 136:16

Apaiq raq asenginok ka rumnyangkhi kumtsaiphii lam maq tsuq wanto; apaiq lungwii ka pattup pat-sa.

DUNGWVNC 40:36

Kra phumda ka Tombutiip kiiwa ra na lambaiq wan lili raütiq, Israilnok raq tsangshiq piitiip ka ahin na laü wan lili riitlo.

DUNGWVNC 40:38

Tsangshiq ka bintang jüngi mung na manglaü wawantlaq akhing tlotli na, tsangshiq raq Tatiwe asi dea nguta phumda ka Tombutiip thaq na ranaiq na chhitlo kiimaq rawa niika walütu kaü ka Tombutiip thaq na nyai raitlaq kra chhitlo.

ISAIA 44:21

Tatiwe raq ngutlo, “Israil lei, ara tsan na tiitsanglaq; ümniika ijaqshise nguta ümtsan na thülaq. Ngi raq ümniika ijaqshise miitu phansangkang, kiimaq Ngi raq ümniika ümtiikii min laq mang she.

AJONJÜ 3:22

Kra bomtsi ka ara: Tatiwe mangchan, nai apaiq tiihang wan tsii ka siruq miraq.

EJEKIEL 20:14

Shatmaq Ngi raq tsangshiq ka tiithenbaiq mang dea. Jamkhano ngukla kra riiha jiika, maiq mung pahea raq Ngi raq Israilnok ka Ejip mung wa tsuq wan kang kra chhitinok liipan na imang ka abi mirki.

EJEKIEL 20:17

“Shatmaq Ngi raq tsangshiq ma mangchan tiitsi wan kang. Kra ningkhan tsangshiq ka kumtsaiphii mung kiijiili ka jiipbaiq wan mangli nguta itsantsii ka tiijang tiiji riiwan nongkang.

EJEKIEL 20:22

Shatmaq Ngi raq tsangshiq ka jiipbaiq wan mangdea. Jamkhano ngukla kra nguraü ka Ngi raq Israilnok ka Ejip mung wa tsuq wankang akhing na maiq pongmungti thun raq tsangshiq tsuq wan kang kra achhi. Kra ningkhan imang khoti mibiki. Kra ningkhan tsangshiq ka jiipbaiq wan mang riikang.

DANIEL 9:18

Naishiq achujaü tre laq, O, Shiikeawe lei; naishiq phana liilaq, ümtinkhan wa chamchao tiikai ara. Kiimaq ümmangchong raüta siti Jerusalem chamchao tlaq kra liilaq. Naishiq raq ümjaq wa achu jaü tiikai arka, ümniika tiihang mangchan rümti kha maq jaütiikai. Naishiq raq riikhaqli jaqsham tiikai nguta riimak.

DANIEL 9:9

Naishiq raq ümkiq khiiwan kai li jiimin, ümniika tiihang wan mangchan rümti, kiimaq ngarai diiketi.

MALAKI 3:6

“Ngi ka Tatiwe. Kiimaq ngi ka klai mang phan. Arningkhan namshiq Jakob saüse phan ka thumli ka thumki mandea.

WEAWEA 14:14

tsangshiq raq armung na shongti maiq mung thun kiima michong. Armungti thun raq tsütsa ka atai kun she ümniika, Tatiwe, naishiq rai asi, kiimaq ümniika naishiq rai dea sitlaü nguta phumda kaü ka naishiq khuthaq na khingkitlaq kra chhitlo. Kiimaq ümniika naishiq khaki na ranaiq niika phumda kaü khamchong ma jalaüta wawan tlaü, kiimaq rawa niika walütu kaü khamchong ma jalaüta wawantlaü nguta achhitai wan wishe.

TRI CHONGKE 8:2

Namshiq Tatiwe namshiq Shiikeawe raq namshiq ka kumtsaiphii bintang jüngi lam luhea maq ara rawii roqblai ka jamkho shun shea wantaq kra tsan na tiitsang shat thü ronglaq. Namshiq ma litkot chamchao tiisaü raüta namshiq ka maitai wanto. Kriika namshiq raq jamlai wa mitiimahan kiimaq apaiq aming thun kra namshiq raq milang han sha lang man wa riijiiq nguta tairai wanto.

1 SAMUEL 12:22

Tatiwe raq namshiq ka apaiq sengi ma tiija wan miitu thapthi wanto she. Apaiq raq sinkham raüpot atsin maq namshiq miitu khakuqto she. Apaiq raq namshiq ka tiishaü baiq mak she.