NEHEMIA 9:19 - Hawa Naga Bible 2001

¹⁹ Yuq muinz mmenjenc thuinz yunghvlc ningkhvnc nuex, mnoz rueq tsuingshiq kuex kumtsvy tvnx nuex tuip gay shec muq. Raungnuiyq nuex tsuingshiq muex lvmx shvlx kuq yaq phuemx tul nuiyc raungwvrx nuex lvmx tvlez kuq yaq wvr htung muinz mnoz rueq lvmz gay muq.

ASII LAKDAP Bible (BSI)

¹⁹ Shatmaq ümniiraq tsangshiq ka, rumnyangkhi kumtsaiphii na, miimbaiq thü maü dea. Jamkhano ngukla, tsangshiq miitu ümniiraq, tiihang wan mangchan ka, jonghea thü wan tlaü. Tsangshiq ma ranaiq na lam sheaketi phumkham, kiimaq rawa na sheaketi wakham ka, lambaiq maü riilaü.

NEHEMIA 9:19 Referencias Cruzadas

NEHEMIA 9:12

Mnoz rueq tsuingshiq muex raungnuiyq nuex phuemx tul maq lvmx shvlx ruiux, raungwvrx nuex wvr htung maq tsuingshiq lvmx kuex tvlez kuq toq.

NEHEMIA 9:27

kvkhoc rvtueq mnoz rueq ralx nuk muex tsuingshiq kuex tvkhvt tvguimz gay toq. Tsuingshiq kuex kuilc daz rvhumc ningkhvnc nuex romc kuy tvkoc mnoz gvl wuez yaq, mnoz rueq raungx mungtan maq tay kuq vshuiux. Mmenjenc thuinz yunghvlc ningkhvnc nuex tsuingshiq kuex palc wvnc tvkoc walaungx bix kuex tvkaz toq.

NEHEMIA 9:31

Yuq muinz, mmenjenc kuex yunghvlc ningkhvnc nuex, mnoz rueq tsuingshiq kuex tuip gay muq, tvbac gay muq. Mnoz kuex lungwawx menjenc nuiyc menjenc thuinz mvrc yaq Tishox rvtoq!

Tvtsvmc 106:45

Vpiq rueq tsuingshiq vjux kuex lawc vtueq bomkhvrc vtaq kuex rvwvl lvp tueq, vpiq lungwawc thuinz yunghvlc ningkhvnc nuex vpiq thuinkhvy kuex tvgawx gay tueq.

Tvtsvmc 136:16

Vpiq miqsaz htenc kuex kumtsvy tvnx maq shvlx wvnc tueq; vpiq lungwawc kuex pattup httax yaq.

DUNGWVNC 40:36

Tap wawc phuemx tul kvtenc waungc yix jix, Israel miqsaz kuex jerak vganc nuex kvhttot kaz yaq.

DUNGWVNC 40:38

Israel miqsaz kvroz khuemx wvnc tueq lvmx wvlex kuex Tap htauk kvyuq raungnuiyq nuex Yehowa httax yaq phuemx tul maq puingc yaq kvmuinz, raungwvrx nuex wvrluic yaq kvmuinz khiz lvp wuez tueq.

ISAIA 44:21

Yehowa rueq, “Israel lex, vruex rvwvl shuiuz; mnoz kuex ngvy nvrc waz rvtoq kuex rvwvl shuiuz. Ngaz rueq mnoz kuex ngvy nvrc waz tvyaungc muex tvdung sung phaungx, ngaz rueq mnoz kuex mkaq muinz lauk gay mauk.

AJONJÜ 3:22

Yehowa nuex htumx muq maqmuq lungwawc nuiyc menjenc thuinz kuex raungnvp raungwuic ikhoc hvlx vtueq,

EJEKIEL 20:14

Yuq muinz kvkhoc ngaz rueq ruez mauk, yvmx khoc lac ngoz ruiux lec Ejip mungx wawc Israel miqsaz ngaz rueq shvlx wvnc tauk kuex khic jix miqphvnx htenc htumc nuex ngvy muingc shummarc juing muex yaungx muq mruez kueq.

EJEKIEL 20:17

“Yuq muinz ngaz rueq tsuingshiq muex menjenc tauk. Ngaz rueq tsuingshiq kuex kumtsvy tvnx nuex thvt gay mauk tvkoc htvp htaz tauk.

EJEKIEL 20:22

Yuq muinz kvkhoc ngaz rueq ruez mauk, yvmx khoc lac ngoz ruiux lec Ejip mungx wawc Israel miqsaz ngaz rueq shvlx wvnc tauk kuex khic jix miqphvnx htenc htumc nuex ngvy muingc shummarc juing muex yaungx muq mruez kueq.

DANIEL 9:18

O Tishox lex, nuiyshiq muex tay kuq koq, nuiyshiq kuex lawc vtueq, nuiyshiq rvhumc vtix kuilc daz nuiyc mmuingc ruingc yaq ghaqyungx kuilc daz jamjaux yaq kuex khiz kuq koq. Nuiyshiq rueq vlvmz shuimx kaz vshix ningkhvnc nuex rvmuq, mnoz kuex menjenc kuy jix waz rvtoq ningkhvnc nuex nuiyshiq rueq vjux thoz vphix.

DANIEL 9:9

Nuiyshiq rueq mnoz muex khawx lvlx vphix, mnoz kuex menjenc kuy jix nuiyc mvrax dawc kuy jix waz rvtoq.

MALAKI 3:6

“Ngaz kuex Yehowa rvtauk, ngaz kuex kvlayc kaz taungx rvmuq. Kvkhoc rvtueq Yaku suiuz vsaz phvnx htenc lex, nuimshiq kuex dup suik momaq wvnc vtuinx rvmuq.

WEAWEA 14:14

vruex mungx nuex httax yaq miq htenc muex tsuingshiq rueq jungx gay shuex. Kvruex miqsaz htenc rueq mnoz Yehowa kuex nuiyshiq rulc vdvmz httax tuiux lvmz muinz, nuiyshiq htauk nuex phuemx svt kaz ruiux yuq mnoz vhvlx waq kvkhic yaq lvmz muinz, raungnuiyq nuex phuemx tul maq, raungwvrx nuex wvr htung maq nuiyshiq khaungx tvmax kox nuex mnoz kaz vtuiux lvmz muinz tay wuez tueq.

TRI CHONGKE 8:2

Nuimshiq kuex taruiyx lawc tvkoc ngoz tueq, vgvrx vtsvrx phvnx htenc kuex tvkaz ruiux vpiq rueq nvr yaq kvjaz htenc kuex tay phvnx vtueq shuimc kay thuinz httax yaq httax muq tuiuz lot laz juing, lvy wvnc tueq wawc rok bvlic tup Yehowa nuimshiq Tishox rueq kumtsvy tvnx lvmx luz kuex mkhoc lac shvlx kv-phuinx rvwvl shuinz.

1 SAMUEL 12:22

Yehowa rueq kenrix bomkhvmc taq tueq rulc rv-ngvlc nuimshiq kuex vpiq miqsaz shauk muex tvyaungc muex vpiq rueq htvp htaz wvnc tueq ningkhvnc nuex vpiq rueq nuimshiq kuex httvr muq.