Khamjong chum mong maq, ümsengi ma lam tankuq wan laü. Laüta lam shinriiqriiq hea maq, ümsengi nok ka tlea wan laü. Shatmaq tsangshiq jowantinok rewe ka, longpo khamjong chum na atiidea baiq ikha, wiita jü mong na tiithap baiq laü.
DUNGWVNC 15:1 - ASII LAKDAP Bible (BSI) Kiijiishe Mosheq nai Israilnok raq ara Tatiwe tiitsam shito: “Ngi Tatiwe ma mishiha, apaiq raq rekhat khushü jonghea tangto; apaiq raq kumrang kong nai kumrang thaq na chaoti thun khamjong chum na dobaiqto. Hawa Naga Bible 2001 Kvruex yimaq Moshe nuiyc Israel miqsaz rueq Yehowa muex vkhoc tvtsvmc shix wuez tueq. “Ngaz rueq Yehowa muex tvtsvmc shix vshaungx, yvmx khoc lac ngoz ruiux lec vpiq rueq taungx gay tueq; vpiq rueq mvre htenc nuiyc kvyuq ngaungc jix htenc kuex svmuktvrax nuex tvhtuip gay tueq. |
Khamjong chum mong maq, ümsengi ma lam tankuq wan laü. Laüta lam shinriiqriiq hea maq, ümsengi nok ka tlea wan laü. Shatmaq tsangshiq jowantinok rewe ka, longpo khamjong chum na atiidea baiq ikha, wiita jü mong na tiithap baiq laü.
Apaiq raq ümtinkhan wa jaq shamtlaq kra miitu wranaiqshe apaiq ka tiitsam wantlo; ümnii riimin apaiq ka tiitsam ratlo.
Krai mren apaiq raq asenginok tiidong tsuq wanto, raüta tsangshiq shingeto kiimaq chojongchise gitrangto.
Tsangshiq raq Tatiwe ma kechutum ratlo, apaiq tiipitmakphan lungwii miitu, apaiq raq tsangshiq ma amaochang pahea shamkuqto.
Tsangshiq raq Tati ma pinthum kechutum ratlo, apaiq raq tiipitmakphan lungwiitlo, apaiq raq tsangshiq ma amaochang jaq shamkuqto.
Ümniika ngi tiipaükai chang ba; ümniiraq ngi ka chamchao wa mitiichhii haü. Ngi raq tiihong lata shinge tiikang ümniiraq ngi chhiikuq laü kra, jamkhano ngukla ümniiraq ngi tiiwongkuq tlaü.
Ümniiraq tsangshiq ka tiiphiip kaüta, O Jakob Shiikeawe lei, kumrang kong nai kriithaq na chaotibi thun ka wiita küram liira she jiimto.
Shatmaq, Tatiwe lei, ümniimiika tarü haitlo. Ümtsan she khiqki raüla ümkhaki na jumin chapkham mak she.
Kiijiishe Tatiwe raq Mosheq ma nguto, “Ümjaq ka khamjong chum nü kiina tiinyi laüta tiinyishatmaq ra nü na dolaq. Raülaq kham ka Ejip mungti khuthaq na kiimaq tsangshiq kumrang leng thaq na kiimaq leng thun jiiqtibi khuthaq niishe mima wan.”
Krai mren Mosheq raq ajaq ka ra na do raüta khamjong chum nü kiina tiinyi raüta doshat maq shamto. Kiimaq ranap rawüho niishe kham tso thun ka maiqmii kaichang jükhü kiiniishe jang wan nongto. Kiimaq Ejip mungti ka aju riilai nguta shiikutto. Shatmaq Tatiwe raq tsangshiq ka khamjong chum mong niishe tiithap baiqto.
Miriam raq tsangshiq ma akha shito: “Shironglaq Tatiwe ma, apaiq raq khushü jonghea rekhat tangto; apaiq raq kumrang kong nai achaoti thun khamjong chum na dobaiqto.”
Ümchaü ngi raq sapkang Tatiwe ka tarü phra kong thaq na ajong. Jamkhano ngukla Ejip mungti raq Israilnok ka atinkhan hok maq nishishi haihü wan kiita, apaiq raq tsangshiq ka tiichhii kuqto.”
Abi kloti ka maiqmii thiikho na dea watlo. Shatmaq kechu maiqse ka, khoriiq shishiiq wase sitlo.
Ashi anye shikuq rong laq Tatiwe ma; shironglaq apaiq tiitsam, mangjong tlotli raq! Tiitsam ronglaq apaiq, namshiq khamjong mong na khumtibi raq; tiitsam ronglaq, khamjong mong na siti wiitsitsü phan wiita raq! Shi ronglaq, rathoko mung thun raq, kiimaq kiijaq siti maiq tlotli raq!
Lata kumrang kong nai achaoti thun tiibun tiiqbaiq kang, kumrang leng thun nai ajiiqti thun tiibunbaiq kang.
Jamkhano ngukla kra akhing na, Ngi raq anübok wa Baal phra mang thun ka alamshe mirbaiqha. Krai mren Baal phra mang thun ka tsangshiq nübok maq dongmak she miraq.
ngi ka chojong chise miili she, misi wan ha. Jamkhano ngukla Tati Shiikeawe ka, ngi Chhiiti.
Kra akhing na Israilnok raq ara shingeto: “Khappong thun lei, namshiq kham ka tiidong ronglaq. Kra riihanla naishiq raq namshiq ka ashi ange mitao wankai.
Kiimaq Khristo raq pumsongkham na apaiq tsaitaq kra akhing na, apaiq khum na thawe winji hokhambi nai winji tuwebi raq arang athü kra thun ümchuwa sitlaq kra, wiita runbaiqto she. Raüta akhum ka tsangshiq kharü wa tiidii wanto she. Raüta apaiq raq thawe winji hokhambi thun kra shumraü kharü maq kha raüta, apaiq raq mungmaiqse man na, rejang wa na shumwi kong chiihong chiiha hitsiq raüta shea wan tlaq ikha hit wanto she.
Raüta, tsangshiq ka Shiikeawe jaqshise Mosheq raq shingetaq kra shi nai Skuse raq shinge wantaq kra akha shinge trang taikang: “Achong lot mai awang chang ajong jaqshamti, O Tati Ajong Shiikeawe lei. Tingting tri raütu kappe shamti, Pattup pat-sa Hokham we.