DUNGWVNC 11:10 - ASII LAKDAP Bible (BSI) Mosheq nai Aron raq arthun awang chang jaqsham ka hokhamwe makki na kloto. Shatmaq Tatiwe raq apaiq tsantsii ka wan shak shak tiitsin baiqto. Kiimaq apaiq raq Israilnok ka apaiq mungtan wa ahin na tlaü wan mak dea ningtangto. Hawa Naga Bible 2001 Moshe nuiyc Arun rueq hokhvmx waz khaungkac nuex vwangc juing phvnx htenc tvkhic kuq koq muinz, Yehowa rueq piq thuinz tvtsanc kuy ningkhvnc nuex Israel miqsaz kuex piq mungtan wawc tvkaz muq rvlaq tueq. |
Shatmaq Tatiwe raq hokhamwe tsan ka wanshak shak li tiitsin baiqto. Kiimaq apaiq raq Israilnok ka tiiwa mak dea ningtang baiqto.
Tatiwe raq hokhamwe tsantsii ka wanshak shak tiijabaiqto. Kiimaq apaiq raq tsangshiq ka tiiwa mak ningtang baiqto.
Ngi raq asap-ha, Ejip mung hokhamwe ka ningkun maq tiichop hü maq namshiq ka tiiwa mak miraq.
Kiimaq Tatiwe raq Mosheq mahali nguto, “Riita ümchaü min, ümniika Ejip mung niishe jangho nongtlaü. Kiimaq Ngi raq ümniima awang chang jaqsham thun klo miitu ningkun kuq kang kra hokhamwe makki na klo miitu khekham riilaq. Shatmaq Ngi raq hokhamwe tsan tsü ka lanlaqlaq mitiija baiqha. Kiimaq apaiq raq Israilnok ka tiiwa mak miningtang.
Shatmaq Ngi raq hokhamwe tsantsii ka wanshak lanlaqlaq mitiija baiqha. Kiimaq apaiq raq ümbom ka taimak miraq. Ngi raq Ejip mung na phiiptsi jiiptsi ümtinkhanli shamha jiimin taimak miraq. Kiijiishetiq Ngi raq Ejip mung ma imo ka hengbiti she mitiihoha. Lata Ngi raq isenginok maiq phan thun ka armung wa ahin na mitsuq wanha.
Shatmaq Tatiwe raq hokhamwe tsantsii ka wanshak shak li tiija baiqto. Tatiwe raq chongtaq kra phan phan dea hokhamwe raq Mosheq nai Aron bom ka taimak tleato.
Naishiq ka üm lamphan wa jam nguto lamjiq na tiikibaiqho laü? Ümniiraq naishiq ka jam nguto nilannok ma tiijabaiq laüta, ümwokhong wa kinphai na tiidong baiqholaü? Ümniika jang wa nongkiq, ümnaq shiililiitibi kra miitu, kiimaq ümsenginok ümwokhong na wranaiqshe siwanti kra miitu.
“Shiikeawe raq tsangshiq mak ka atiichuk baiq wishe. Kiimaq tsangshiq tsii ka atiimo baiq wishe. Krai mren, tsangshiq riika chhi mak she. Kiimaq tsangshiq tsii ka tsang mak she. Kiimaq ngi raq tsangshiq tsii ka tiitsang kuq wan jiiq nguta, tsangshiq ka ngi phana wamak she, nguta Shiikeawe raq chongtlo.”
Ara chong tiikai arkha miitiina, Shiikeawe raq maiqse ka, ümriitiwa apaiq raq atiihangke wan lungwii tlaq, kriiti ka atiihang riikuq wantlo. Kiimaq, ümriitiwa, apaiq raq lanlaqlaq tsantsii maq misi laq nguta thikuq wantlaq, kriiti ka lanlaqlaq tsantsii rümti ma, tiija baiq wan tlo.
Krai mren sii hali, Shiikeawe riimin maiqse ka phanrap na seng raüta tiipok wan tlo! Arka, Shiikeawe raq apaiq tsankhiq nai apaiq ningkun jong kra, tiichhi kuq wan tlaq kiijaq chhi wan tiikai. Arka, apaiq tsankhiq ka ümriiti khuthaq niiwa siwan tlaq, ümriiti wa chongthum walü maq tiikhiim chaq baiq wan chang sitlaq, kriiti thun miimin, apaiq riika, pinthum anin riiwan raüta, khebom wan tlo chhi wan tiikai.
“Shatmaq Sihon Hokhamwe raq nashiq ka apaiq mungtan lam maq tiiwa mak tangtahoto. Tatiwe namshiq Shiikeawe raq apaiq tsantsii ka atiitsin riibaiqto. Kiimaq khiilataq she sru wanto. Kriika nashiq raq apaiq ka khat laita tang wan miitu kiimaq amungtan kra jiiwan laita shong wan miitu riito. Nashiq ka ümchaü min kiijaq shongruq li sitiikai ahata.
Tatiwe raq kra mungti thun ka chongthum tiijabaiq miitu, tsangshiq tsantsii ka longkaü ikha tiitsin baiqto. Kriikha maq, tsangshiq ka Israilnok rai riikhat wanto. Kiimaq Israilnok raq tsangshiq ka tiihang mak maq, tiimiqchup jiipbaiqto. Arka Tatiwe raq Mosheq ma aming kuq thütaq kra phanphan kloto.
Namshiq ka Ejip mung hokhamwe nai asenginok wanshakshak tsiitaq ikha, jaram tsin rai wea? Tsangshiq raq Israilnok ka Ejip mung wa mitiiwa baiq shaq wiiwii, Shiikeawe raq tsangshiq ka anginok tiijataq kra namshiq raq naq laq rongkiq.