Kúlaatenuulumuu li ésuk, li jitey boot li ésuk yaayu. Li mal̥egenamu fan ilobuul, let jiban sísukasu feh sata Isilayeel kaŋoloo, tówum Añool-An álaañul.
Máciya 5:10 - Jola-Kasa Awólo, kan kúlaatenemuu mata kulolloŋ buloŋ bacole hákil Ateemit, mata Jáyiiyaju jata Ateemit jooliil. |
Kúlaatenuulumuu li ésuk, li jitey boot li ésuk yaayu. Li mal̥egenamu fan ilobuul, let jiban sísukasu feh sata Isilayeel kaŋoloo, tówum Añool-An álaañul.
Yéesu li aan kúgoomaku: — Jikat bañiilabu min bubil búmbaam. Jakum jíhiliil kubilum. Mata Jáyiiyaju jata Ateemit jata bukanabuku kanokoomuu li buko.
Banumuu, áyiiyawu fan aan bukanabuku kammuu kulako kaŋenool káli: «Jibil, bukuluul jan Atuubawom ásooniyenumuu. Jiŋa’ jáyiiyaju jan akaanumuu boot li bukuluul, yaan no nan ajuul̥umuu adunaayi, jitowo.
— Awólo, kahaasumuu koon káyinenaku kooliil kutitititi hákil Ateemit, mata Jáyiiyaju jata Ateemit jooliil.
Nan Yéesu ajukumuu kúgoomaku li kukaan loon muñaˈa, súumutool min aaniil: — Jikat bañiilabu min bubil boot búmbaam. Jakum jíhiliil kubilum. Mata Jáyiiyaju jata Ateemit jata bukanabuku kanokoomuu li buko.
fan abaj muñeˈe li taŋayi inye ñoono éteemeel, siluuf, li kutuyaay, li kúliinaay, li sijaawaay, li bañiil, li ul̥aak. Bale bukanabuku fan kúlaatenool, ban fan abil abaj buloŋabu bábaneliitumuu li taŋayi yabilemaa.
Bale, fan kujokuul ban li kúlaatenuul, fan kujokuul kujow kusen kunahaanaku kata siluufasu sata kal̥awaku kutiib, min kukul̥uul, fan kújowetumuul hákil kúyii li kunahaanaku kata sísuk mata ínje íji, tówum wahawu unwu ubaj.
Yéesu li ajuke kúgoomaku koola ban li aan: — Awólo bukuluul jagayimuu, mata Jáyiiyaju jata Ateemit jooluul.
Awólowuul, bukanabuku balateluul, li kuhoyuul, li kugeluul, ban li kujokuul bukan kajakut, mata Añool-An áji!
Jiwayil̥o hulimahu han ilobuulumuu eenuul: «Aloka ahaŋut anahaanawu oola.» Kucoocommuu, fan kucoocuul foof. Kuŋa’muu hulimahu húmbaam kukaan li uyinumiil min kuloŋ loon hulobumuu, fan kuŋa’ hooluul foof kukaan li uyinumiil min kuloŋ loon hulobumuu.
Muñeˈe li kúhooñul kufootalaku min kutekiil kuban, li kooniil jakum kulaañen kúlobum li kajawaku kata Yéesu, ban li kukateniil.
Muñeˈe Sóol lafanfañ min kumukumuu Ecen. Li baj li hunakahu unhu hanolahu, jálaaten jáamak li Ejanguwayi yata Yeelusalem. Káyinenumuu li Yéesu feh li kuyiisoo kujow boot li etaamayi yata Súde li yata Samali, jow saŋo Kufootalaku.
Li mal̥egenamu, sílaamasu soololaal sata muñeˈe siyiiliyiili ban sifiyowut, bale so sommuu li síjiwolaal li ubil ubajaal máyiineni maluuke maluuk jow hah. Máyiineniyamu ummu mata boot nanoonan, ban muhaŋe ŋáa’ sílaamasu unsu.
Jakum jikat kulatoolawuul min kúkoyilenuul li wahoowah. Wahawu unwu wommuu li úhiisiil kaanaku kújinjim, bukuluul li úhiisuul kaanaku jumbuku li bútinabu bata kafakaku. Wahawu unwu li Ateemit ubilumulo.
Utúkaalumuu lit, fan bil uloŋaal li jáyiiyaju joola li akila ló, Oonaalumuu uhaasutaalool, Akila foof fan abil aan ahaasutolaal.
li jálaatenaju jan kúlaatenommuu, li sílaamasu súmbaam. Luhaase wahawu feh wabajommuu li ésukayi yata Antiyok, li yata Ikóniyom li yata Lisit, li buu kúlaamenom bomuu eeno. Bale Amaaŋenawu lafakenonfaken li wahawu unwu feh.
Awólo, an áami li sílaam ban li amunten. Mata nan ammuu amunten boot yok nan sílaamasu sommuu li siban, Ateemit fan asenool buloŋabu babaneliitumuu bulako busuuhen, ban alobumuu kasen bukanabuku kafañoolumuu.
Loonaaliisoon áwolo mata kútuutuk lit. Jijanjam bukanabuku li kulob mata humuntenahu hata Sob, nan alakomuu sílaamasu. Ban jihaase waa Amaaŋenawu abile akaanumuu boot li akila li húbanumahu, mata Amaaŋenawu laluuluuk húbooli li káyiyen.
Ootut ukaanaal loon Kayeŋ alakomuu añiil ata Majakutamu, ban li amuk atuyool. Wáa újimuu li amukool? Mata bakaanelabu bata Kayeŋ bujakut, bale bata atuyool bucoccol.
Jakum úkoli sílaamasu sakobemuu li awu. Ujuke to, Sayitaane fan abet bukan kameeŋe li bukuluul li hukul̥ min ayoobuul min ajuk. Fan jilako li sílaam kunak koono kuŋen. Utúk lit boot yok hunak eketi. Ukaan momuu, fan iseni buloŋ bábaneliit bulako bacaami.