Máciya 5:9 - Jola-Kasa

⁹ Awólo, kakaanemuu min kásuumaay kubaj li bukanabuku, mata fan kuhooñi bañiil bata Ateemit.

Máciya 5:9 Referencias Cruzadas

Máciya 5:45

Bájum li jilako bañiil bata Atuubawuul ata haatiya. Mata lakaanekaan banakabu bulumul li kál̥afutumuu, loon foof lakaane bomuu bulumul li kajakumuu. Li akaan emitayi élaalul li mata kajakumuu, li mata foof bukanabuku kal̥afutumuu.

Máciya 5:48

Jilako bukan kabajut kahoofoo loon Atuubawuul ata haatiya abajutumuu kahoofoo.

Hulimahu Hásuumaahu loon Lík akiic homuu 20:36

Fan kunokoo loon emalakaayi, ban let kuket. Buko fan kulako bañiil bata Ateemit, mata kuyitowuuyitowul li eketayi.

Hulimahu Hásuumaahu loon Lík akiic homuu 6:35

Bale bukuluul jíbooli kulatoolawuul. Jikaaniil majake. Jicaagen bukan, ban jakum jíkangum min kulaañenuul wahawu wan jicaageniilumuu. Jikaan momuu, fan jibil jibaj busuuhen báamak, ban fan jilako bañiil bata Ateemit ata Haatiya. Mata Ateemit lásunsuum li kahaasutumuu kalaañen kaŋen, li kál̥afutumuu.

Bakaanelabu 7:26

Nan tikatenumuu, Móyiis li ajuk bukan kúl̥uba kata Isilayeel kalakowe bútekoo. Li afañeen min akaaniil kujamoo. Li aaniil: “Kufaalom, bukuluul batuyaay. Wáa újiye li joono li búl̥afutoo?”

Kata Lom 12:18

Nokoomuu loon kayiliwuma, ban li ñooluul bale, jiloŋ li kásuumaay li bukanabuku feh.

Kata Lom 8:14

Bukanabuku feh kaloŋemuu naboo li Buyinumabu Banabaabu, bañiil bata Ateemit koom.

Kata Lom 8:16

Buyinumabu bata Ateemit humum bo, bulollob buyinumabu boololaal kaanaku bañiil bata Ateemit loomaal.

Kata Lom 8:19

Li mal̥egenamu, búwuwenumabu foof bo feh bumbu li kakob li esommen ló taŋayi nan Ateemit ammuu li áhiis máyiineniyamu mata bañoolool.

1 Kata Koolent 6:6

Li mal̥egenamu, mantee jaajak min an kutilibunaal li atuyool, ban mit hákil bukan káyinenut li Yéesu Kilisita?

2 Kata Koolent 13:11

Kutuyom, muñeˈe ésuumansuum elako li bukuluul. Jiŋes min jihaŋ malako bukan kajake. Jinaak jiwankulenoo ban li jikaan kulimuul dín dáno. Jibaj buloŋ bata kásuumaay. Jikaan momuu, Ateemit ata húbooli li ata kásuumaay fan alako li bukuluul.

2 Kata Koolent 5:20

Alóli bukan joom kan Kilisita aboñe boot elob li kajaw koola. Kulimaku kan áloli jilobuulumuu, nokoonokoo loon Ateemit humumool ahooñe li bukuluul. Alóli jumbuku li kayaakuul li kajaw kata Kilisita, min jikat Ateemit min akaanuul jibaj hujamoo li akila humumool.

Kata Galasi 5:22

Bale wahawu wan Buyinumabu busenemuu wo wommuu: húbooli, ésuumansuum, kásuumaay, kabeben, másuum, ésuum buyinum, káwoolu,

Kata Efées 4:1

Injé jammee li hukul̥ humum hata Amaaŋenawu, ínje ummu li kawankulenuul min jiloŋ buloŋ batooke kahooñaku kan Ateemit ahooñuulumuu.

Kata Fílib 4:2

Wahawu wan emmuu il̥aw Efodi buko li Sentic, wo wommuu liyaakiil min kubaj hujamoo mata buko kúl̥uba bukan kata Amaaŋenawu koom.

Kata Kolos 3:13

Jinaak jímuñoo, ban an li bukuluul bajumuu wah wan afaalool afete li akila li wo, li jibonketoo, loon Amaaŋenawu abonketuulumuu foof.

Eébulo 12:14

Jiŋes min jibaj kásuumaay li bukanabuku feh, ban li jiloŋ buloŋ banabe. Jikaanut momuu, anoowan li bukuluul let ajuk Amaaŋenawu.