Máciya 5:11 - Jola-Kasa

¹¹ Awólowuul, bukanabuku bageleluul, li kúlaatenuul, ban li kulob kulim kanookan kajakut kalet mal̥egen kuya li bukuluul, mata ínje íji.

Máciya 5:11 Referencias Cruzadas

Máciya 10:18

Fan kujokuul kújowetum hákil kunahaanabuku kata ésukayi li bata kúyiiyaku mata ínje íji, min jíbajum tó bútin min jilob múmbaam hákil bukanabuku, li hákil kákaanumutumuu li Ateemit balewool.

Máciya 10:22

Bukanabuku feh fan kuhoyuul mata ínje íji. Bale an átukumuu káyinenaku koola lí ínje lit boot yok li húbanumahu, fan afak.

Máciya 10:25

Jaajak min ágoom alako loon anahaanawu oola, min foof aloka alako loon anahaanawu oola. Anahaanawu ata butoŋabu afane ahooñi Bélusebul, naane háŋum kata butoŋabu humumiil.

Máciya 10:39

An afañumuu min afaken buloŋabu boola, let abil abaj buloŋ bábaneliit. Bale an aketumuu mata ínje íji, fan abil abaj buloŋ bábaneliit.»

Máciya 19:29

Ban an akat bomuu siluufool, mantee kutuyool, mantee kúliinool, mantee atuubawool, mantee jaawool, mantee bañoolool, mantee foof etaamool mata ínje íji, fan abil abaj wahawu unwu feh haŋ to ñoono téemeel, ban foof fan abaj buloŋ bábaneliit.

Máciya 24:9

«Muñeˈe no unnu, bukan fan kujokuul kubet li kuŋen bukan, min kúlaamenuul ban fan kumukuul. Bukanabuku feh fan kulatuul mata ínje íji.

Máciya 27:39

Bukanabuku kanaake kújowum tómuu, li kunaak kutek kúkowiil ban li kugel Yéesu.

Maak 13:13

Bukanabuku feh fan kulatuul mata ínje íji. Bale an ahankenumuu min átuk lit boot yok li húbanumahu, Ateemit fan afakenool.»

Maak 13:9

«Bale bukuluul humumuul joote jíkaanum. Bukan fan kujokuul kújowetum tilibinaal, ban fan kuŋa’ kukaluwaas min kutekuul li siluufasu sata kal̥awaku. Fan kújowetumuul jijow jítuul hákil kúguubelunaalaku, li kúyiiyaku mata ínje íji, mantee li jilobiil múmbaam.

Maak 4:17

Bale emmuu kukatut Hulimahu min huya kuhaa’ kalite li buko, li kúyinen li ho jatit bale. Muñeˈe nan sílaamasu síliiŋulumuu li jálaatenaju mata Hulimahu húji, li kuyaan kukat káyinenaku kooliil.

Maak 8:35

Mata li mal̥egenamu, an aŋesumuu kafaken buloŋool, buloŋabu bábaneliitumuu fan bufakool. Bale an aketumuu mata ínje íji, li mata Hulimahu Hásuumaahu hata Ateemit húji, fan abil abaj buloŋ bábaneliit.

Hulimahu Hásuumaahu loon Lík akiic homuu 21:12

Bale, fan kujokuul ban li kúlaatenuul, fan kujokuul kujow kusen kunahaanaku kata siluufasu sata kal̥awaku kutiib, min kukul̥uul, fan kújowetumuul hákil kúyii li kunahaanaku kata sísuk mata ínje íji, tówum wahawu unwu ubaj.

Hulimahu Hásuumaahu loon Lík akiic homuu 21:17

Bukanabuku feh fan kulatuul mata ínje íji.

Hulimahu Hásuumaahu loon Lík akiic homuu 6:22

Awólowuul, bukanabuku balateluul, li kuhoyuul, li kugeluul, ban li kujokuul bukan kajakut, mata Añool-An áji!

Hulimahu Hásuumaahu loon Lík akiic homuu 9:24

Mata an aŋesumuu kafaken buloŋool, buloŋabu bábaneliitumuu fan bufakool. Bale an aketumuu mata ínje íji, fan abil abaj buloŋ bábaneliit.

Hulimahu Hásuumaahu loon Saŋ akiic homuu 15:21

Bale fan kukaanuul wahawu unwu feh mata ínje íji, mata kuhaasut anawu áboñulommuu.

Hulimahu Hásuumaahu loon Saŋ akiic homuu 9:28

Kufaaliisiyeŋaku li kugelool, ban li koonool: — Awu ommuu ágoomawu ata ánayinaawu ummu! Alóli kúgoom kata Móyiis joom.

Bakaanelabu 9:16

Injé humumom fan íhiisool sílaamasu feh san áatimuu álaam boot mata ínje.

Kata Lom 8:36

Loon Bakiicelabu bulobumuu: «Awu újimuu áloli li jinaak jimuki li etihunakaayi feh, li kúkaanoli loon kúgalalaan kan kujowe boot jálaamul.»

1 Kata Koolent 4:10

Alóli joonosoono bukan kawele humum hata Kilisita, bale bukuluul joonosoono bukan kájallowe li hujamoolahu hooluul li Kilisita. Alóli jígootogooto, bale bukuluul jibabbaj sembe. Bukuluul bukanabuku kuluukenuuluuken, bale áloli kúbesolibes!

2 Kata Koolent 4:11

Li mal̥egenamu, li búloŋoli feh, áloli jumbuku min jijukemuu nanoonan eketayi humum hata Yéesu, bájum buloŋabu bata Yéesu li bujuki foof li siniilasu sóololi sammuu li sibil siket.

Kata Fílib 1:29

Li mal̥egenamu, Ateemit lasenuusen káji kata min jíyinen li Kilisita, bale foof min jílaam boot li akila.

1 Fiyeel 2:23

Nan kunaake kugeloolumuu, anaakut aluken. Nan kulakowoolumuu jálaamenaju, anuuloolut an, bale latebooloteboolo feh asen Ateemit atiibemuu col.

1 Fiyeel 4:14

Awólo, bukanabuku bageleluul mata kúgoom joom kata Kilisita, mata Buyinumabu báyiineniyaabu, Buyinumabu bata Ateemit bumbu li bukuluul.

Búhiisenumabu 2:3

Luyiliyili húmuñ. Lúlallaam ŋáa’ mata ínje íji, ban úyekowut.