Hulimahu Hásuumaahu loon Lík akiic homuu 6:22 - Jola-Kasa

²² Awólowuul, bukanabuku balateluul, li kuhoyuul, li kugeluul, ban li kujokuul bukan kajakut, mata Añool-An áji!

Hulimahu Hásuumaahu loon Lík akiic homuu 6:22 Referencias Cruzadas

Máciya 10:18

Fan kujokuul kújowetum hákil kunahaanabuku kata ésukayi li bata kúyiiyaku mata ínje íji, min jíbajum tó bútin min jilob múmbaam hákil bukanabuku, li hákil kákaanumutumuu li Ateemit balewool.

Máciya 10:22

Bukanabuku feh fan kuhoyuul mata ínje íji. Bale an átukumuu káyinenaku koola lí ínje lit boot yok li húbanumahu, fan afak.

Máciya 10:39

An afañumuu min afaken buloŋabu boola, let abil abaj buloŋ bábaneliit. Bale an aketumuu mata ínje íji, fan abil abaj buloŋ bábaneliit.»

Hulimahu Hásuumaahu loon Lík akiic homuu 20:15

Mal̥egen li kujok añiilawu kúfuletum tíyaŋ bul̥ibabu, kujow kumuk. Yéesu li agel̥l̥eniil aaniil: — Muñowu, buu ánayinaawu ata bul̥ibabu bata úbiiñawu aate akaan kulokaaku umbuku?

Hulimahu Hásuumaahu loon Lík akiic homuu 21:17

Bukanabuku feh fan kulatuul mata ínje íji.

Hulimahu Hásuumaahu loon Lík akiic homuu 6:21

Awólo bukuluul jacaaletumuu muñeˈe, mata fan jibil jitiñ jifooñ! Awólo bukuluul jammuu li jíl̥ok muñeˈe, mata fan jibil jíl̥uu!

Hulimahu Hásuumaahu loon Saŋ akiic homuu 12:42

Bale li baj li kunahaanaku kata Kusuwifaku humumiil kameeŋe li buko kúyinene li Yéesu. Bale Kufaaliisiyeŋaku,

Hulimahu Hásuumaahu loon Saŋ akiic homuu 16:2

Fan kukesooluul jífu’ li siluufasu sata kal̥awaku. Ban foof ewaatuwayi fan éliiŋ, nan bukanabuku kammuu kumukuul kommuu li kuyinoo li koon, kukankaan wah wajake boot li Ateemit.

Hulimahu Hásuumaahu loon Saŋ akiic homuu 17:14

Injé liseniisen hulimahu hooli, bale adunaayi li elatiil, mata kulet bukan kata adunaayi, loon ínje humumom iletumuu an ata adunaayi.

Hulimahu Hásuumaahu loon Saŋ akiic homuu 7:7

Bukanabuku kata adunaayi kuyilaat kulatuul, bale ínje kulatonlat mata líhiisehiis kaanaku bakaanelabu booliil bujakut.

Hulimahu Hásuumaahu loon Saŋ akiic homuu 9:34

Li koonool: — Awu foofi feh ammuu li kahoofoo nan ubukimuu boot muñeˈe, li uhin ufañ min úliikenoli kulim? Muñeˈe li kukesoolool áfu’ li eluufayi yata Kal̥awaku.

Bakaanelabu 22:22

Búsukabu li bujanten kale Fool min alob boot yok nan alobumuu kulimaku unku. Muñeˈe li kunaak kulob butiya koon: — Anáyinaawu ummu laate aniileni li etaamaye! Aatut aloŋ!

Bakaanelabu 24:5

Jijuujuk joon ánayinaawu ummu busik. Lájiji Kusuwifaku feh kammuu tanootan li adunaayi li kúguul̥oo, akila ammuu anahaanawu ata hujojahu hata Kunasaleyeŋaku.

Bakaanelabu 9:16

Injé humumom fan íhiisool sílaamasu feh san áatimuu álaam boot mata ínje.

Saak 1:12

Awólo, an áami li sílaam ban li amunten. Mata nan ammuu amunten boot yok nan sílaamasu sommuu li siban, Ateemit fan asenool buloŋabu babaneliitumuu bulako busuuhen, ban alobumuu kasen bukanabuku kafañoolumuu.

1 Fiyeel 3:14

Maayeet min jikite jílaam mata jikankaan wah wacole, jibaje kásuumaay. Jakum jíkoli bukan, ban jakum uyinumuul úguul̥oo.