Bakaanelabu 8:1 - Jola-Kasa

¹ Muñeˈe Sóol lafanfañ min kumukumuu Ecen. Li baj li hunakahu unhu hanolahu, jálaaten jáamak li Ejanguwayi yata Yeelusalem. Káyinenumuu li Yéesu feh li kuyiisoo kujow boot li etaamayi yata Súde li yata Samali, jow saŋo Kufootalaku.

Bakaanelabu 8:1 Referencias Cruzadas

Máciya 22:6

Kaabuku li kujok kulokaabuku kata áyiiyawu kúcoocikoo, ban li kumukiil.

Máciya 23:34

Mó mújimuu, boot min íboñuluul kufulofet, li bukan kájallowe, li kaliikenemuu ésukayi eluwaayi yata Móyiis. Fan jimuk kukee li buko, kaabuku li jibaaŋiil li sikuluwa, kaabuku foof li jiŋa’ kuul̥ min jitekiil li siluufasu sata kal̥awaku. Ban li jinaak jikesoolumiil li ésuk yaaye boot li yaaya.

Máciya 5:13

— Bukuluul jinokoonokoo loon musis li tut bukanabuku kata adunaayi. Bale kacabaku kata musisamu kúfulumuu, buu luyilo ukaan mo min mulaañen mucab? Let mujak kakaan li wahoowah. Fan mubeteni tíyaŋ, ésukayi ékakul.

Hulimahu Hásuumaahu loon Saŋ akiic homuu 15:20

Jiwayil̥o hulimahu han ilobuulumuu eenuul: «Aloka ahaŋut anahaanawu oola.» Kucoocommuu, fan kucoocuul foof. Kuŋa’muu hulimahu húmbaam kukaan li uyinumiil min kuloŋ loon hulobumuu, fan kuŋa’ hooluul foof kukaan li uyinumiil min kuloŋ loon hulobumuu.

Hulimahu Hásuumaahu loon Saŋ akiic homuu 16:2

Fan kukesooluul jífu’ li siluufasu sata kal̥awaku. Ban foof ewaatuwayi fan éliiŋ, nan bukanabuku kammuu kumukuul kommuu li kuyinoo li koon, kukankaan wah wajake boot li Ateemit.

Bakaanelabu 1:8

Bale fan jibaj sembe nan Buyinumabu Banabaabu bommuu li búwalowul bubil bulako li bukuluul. No unnu, fan jilako bukan kalobe múmbaam ésukayi. Fan jilob múmbaam li ésukayi yata Yeelusalem, li etaamayi feh yata Súde li yata Samali, boot yok ban etaamayi ébanummuu.

Bakaanelabu 13:1

Li ejanguwayi yata Antiyok, babbaj ló kufulofet, li Sóol.

Bakaanelabu 13:36

«Bale, Dayit akila lakankaan no li taŋayi yoola, wahawu wan Ateemit afañumuu min ukaan aban, li aket. Li ahoki tan situubawool sihaan sihokimuu, min ehuluŋayi yoola ekajen li huyaakahu.

Bakaanelabu 2:47

Li kunaak kukijen ukijen wata kasal Ateemit. Li kúsuum bukanabuku feh. Amaaŋenawu li anaak afamen hunakoohunak li huwoogahu hooliil, bukanabuku kan afakenumuu.

Bakaanelabu 22:20

Ban nan kumukumuu alokaawu ooli Ecen, to foof lilakowe. Alóli jijamoole li bukanabuku kalakowoolumuu jamukaju, mín ínje ítukiil wañawu wooliil.»

Bakaanelabu 26:10

Wahawu unwu li kaanumuu Yeelusalem. Kunahaanaku kata élambaayi kusenonsen sembe min inaak íjokul bukan kameeŋe káyinenumuu li Yéesu ijow ikul̥. Ban, nan kutiibeyiilumuu min koon boot min kuket, linaanaak een éehe’ li mo.

Bakaanelabu 5:18

Li kujok kufootalaku kujow kukul̥ li hukul̥ahu hata ésukayi.

Bakaanelabu 5:20

— Jijow boot li Eluufayi yata Ateemit, jijow jilob bukanabuku kulimaku feh kata buloŋabu umbe buwunkulabu.

Bakaanelabu 5:33

Nan kata hujojahu háamakahu kujamumuu kulimaku unku, kuuñiil li kulit. Li kufañ min kumuk kufootalaku.

Bakaanelabu 5:40

Muñeˈe li kúhooñul kufootalaku min kutekiil kuban, li kooniil jakum kulaañen kúlobum li kajawaku kata Yéesu, ban li kukateniil.

Bakaanelabu 7:38

Móyiis aakenumuu kata Isilayeel, kawoogumuu li kayiinaayaku. Akila alakomuu li tutoolayi yata situubawolaal sihaan, li amalakaawu anaake alobumuu li akila, li huyuuyahu hata Sinaay. Akila Móyiis, Ateemit asenumuu kulimaku kata buloŋabu boot li alolaal.

Bakaanelabu 7:54

Nan bukanabuku kata hujojahu háamakahu kujamumuu kulimaku unku, etindihuuñ yáamak li ejokiil li Ecen.

Bakaanelabu 7:58

Li kuñak Ecen kúfuletum tíyaŋ ésukayi, min kuŋa’ kuyitik min kutekool kumuk. Kamaatumuu li kúfulen wañawu wooliil kuwalen li kootaku kata áfu’ akee an koone Sóol.

Bakaanelabu 8:14

Muñeˈe kufootalaku li kujam kaanaku kata Samali kuyayyab Hulimahu hata Ateemit, li kuboñiil Fiyeel buko li Saŋ.

Bakaanelabu 8:2

Kánayine káyinene li Ateemit li kubil kuŋa’ Ecen kujow kuhok, ban li kul̥okool ŋáa’.

Bakaanelabu 8:4

Muñeˈe bukanabuku káyinenumuu kan kuyiisumuu, li kunaak kujow li sísukasu feh min kuwaale Hulimahu Hásuumaahu.

Bakaanelabu 8:5

Fílib akila li ajow boot li ésukayi yáamakayi yata Samali, ajow awaale mata Afakenaawu bukanabuku kakin dómuu.

Bakaanelabu 9:31

Muñeˈe bukanabuku feh káyinenumuu li Yéesu, li kubaj kásuumaay li etaamayi feh yata Súde, li yata Gálile, li yata Samali. Li kuhaŋ malit li káyinenaku, ban li kútuul Amaaŋenawu. Li kunaak kuhaŋ mameeŋ kuyinno bo li búkaanum bata Buyinum Banabaabu.

Kata Lom 1:32

Maayeet min kuhaasumuu koon Ateemit lansaan an akaanumuu wah loon muñowu latooke min aket, bale li kunaak kukaan wo ban li kukooŋen foof kakaane womuu.

Kata Fílib 1:12

Kutuyom, lifañe min jihaas kaanaku wahawu wabajommee, újiji li mal̥egenamu Hulimahu Hásuumaahu li huhaŋ majamo.

Eébulo 11:27

Káyinen kújimuu Móyiis li áfu’ li etaamayi yata Ejíf, bákoliwut etindihuuñayi yata áyiiyawu. Li átuk lit loon eenimuu lajuujuk Ateemit ájukeliitimuu.