2 Tímote 3:11 - Jola-Kasa

¹¹ li jálaatenaju jan kúlaatenommuu, li sílaamasu súmbaam. Luhaase wahawu feh wabajommuu li ésukayi yata Antiyok, li yata Ikóniyom li yata Lisit, li buu kúlaamenom bomuu eeno. Bale Amaaŋenawu lafakenonfaken li wahawu unwu feh.

2 Tímote 3:11 Referencias Cruzadas

Bakaanelabu 13:14

Muñeˈe li kújowum Feelus, kuhaaŋ boot li ésukayi yata Antiyok yata Fisidi. Li líiŋ li hunakahu hata húyiiyaayahu hata Kusuwifaku, li kunoken li eluufayi yata kal̥awaku kujow kubah.

Bakaanelabu 13:45

Nan Kusuwifaku kujukumuu búsukabu, li kutahaay ŋáa’. Li kunaak kúhoogul kulimaku kata Fool, ban li kunaak kugelool.

Bakaanelabu 14:8

Muñeˈe li baj li ésukayi yata Lisit ánayine akee ayilaat ayito, mata labobobobo. Kábilum nan abukimuu lakaje, ban afinut min abile ayili ajow.

Bakaanelabu 20:19

Liloolok boot li Amaaŋenawu.

Bakaanelabu 23:10

Búwonnoolabu li buhaŋ másuf, gay anahaanawu ata esollaaliyayi li ákoli min kuban li kulinculoo Fool. Muñeˈe li alob esollaaliyayi yoola min kujow kúfulen Fool li tutayi yata búsukabu, kujow kukaan li hukinahu hata esollaaliyayi.

Bakaanelabu 26:17

Boot min iboñi boot bata Kusuwifaku li bata bukanabuku kákaanumutumuu li Ateemit balewool, ban fan ifooyi hákiliil.

Bakaanelabu 26:22

Bale Ateemit li afooyom boot yok síyaat, min iloŋ li éemi taate li elob bukanabuku feh moola, bajut añiil, bajut anahaan. Ilobut wah ukee úbuti li wan kufulofetaku, koonumuu woote ubaj.

Bakaanelabu 9:16

Injé humumom fan íhiisool sílaamasu feh san áatimuu álaam boot mata ínje.

Kata Lom 15:31

Jil̥aw mantee li ifak li kuŋen kata bukanabuku káyinenutumuu kata etaamayi yata Súde, mantee foof wahawu wan kusenommuu boot kájowetum Yeelusalem, bukanabuku káyinenumuu li Kilisita li kuyab wo bo li kásuumaay.

2 Kata Koolent 1:5

Mata li mal̥egenamu, loon Kilisita álaamumuu sílaam sáamak boot li alolaal, mo foof lúbajumaalumuu li Kilisita kátintimben káamak.

2 Kata Koolent 1:7

Mó mújimuu kákangumaku kan áloli jibajumuu li bukuluul kubabbaj sembe ŋáa’, mata jihaase kaanaku loon bukuluul jibajumuu sílaamasu sanolasu li sóololi, mo jibajumuu foof kátintimbenaku kanolaku li kan áloli jibajumuu.

2 Kata Koolent 12:10

Wahawu unwu újimuu li súumom ŋáa’ min ígootomuu, min kugelewommuu, min séngiyewommuu, min ílaamemuu li min ibajemuu buyina humum hata Kilisita, mata nan ígootomuu no libajumuu sembe.

2 Tímote 4:7

Litattaj bútajabu bajakumuu. Líliiŋe tan éetimuu itey ijow ítij, ban ibetenut káyinenaku kúmbaam.

2 Fiyeel 2:9

Amaaŋenawu lahaase buu lammuu li akaan min afaken bukanabuku kacolumuu hákilool, li sílaamasu sooliil. Lahaase foof buu láamimuu li akaan min ajok bukanabuku kakaanemuu majakut akat to boot li hunakahu hata Batiibabu,