Hulimahu Hásuumaahu loon Saŋ akiic homuu 15:20 - Jola-Kasa

²⁰ Jiwayil̥o hulimahu han ilobuulumuu eenuul: «Aloka ahaŋut anahaanawu oola.» Kucoocommuu, fan kucoocuul foof. Kuŋa’muu hulimahu húmbaam kukaan li uyinumiil min kuloŋ loon hulobumuu, fan kuŋa’ hooluul foof kukaan li uyinumiil min kuloŋ loon hulobumuu.

Hulimahu Hásuumaahu loon Saŋ akiic homuu 15:20 Referencias Cruzadas

Máciya 10:24

«Agóom ahaŋut anahaanawu oola. Aloka foof ahaŋut anahaanawu oola.

Maak 10:39

Li koon Yéesu: — Olóli jiyilo. Yéesu li aaniil: — Li mal̥egenamu, fan jihob ejunkayi yan ínje emmuu li ihob, ban fan jíbatiiseyi foof loon ínje emmuu li íbatiiseyi.

Hulimahu Hásuumaahu loon Lík akiic homuu 2:34

Simiyoŋ li ásooniyeniil ban li aan Mali, jaaw ata Yéesu: — Ateemit lal̥ul̥l̥us añiilawu umme bánum li áji bukan kameeŋe kata Isilayeel li kulo, kaabuku li kuyito. Fan alako búhiisenum bata Ateemit ban bukanabuku kóomi li kuhoy.

Hulimahu Hásuumaahu loon Lík akiic homuu 6:40

Agóom ahaŋut anahaanawu oola. Bale ágoom anoowan an kuliikene jak, fan anokoo loon anahaanawu oola.

Hulimahu Hásuumaahu loon Saŋ akiic homuu 10:31

Muñeˈe Kusuwifaku li kulaañen kuŋa’ kuyitik boot kutek Yéesu.

Hulimahu Hásuumaahu loon Saŋ akiic homuu 11:57

Huhaanaahu hata élambaayi li Kufaaliisiyeŋaku kulollob koon an ahaasumuu ban Yéesu aam, li ahebiil min kujokool.

Hulimahu Hásuumaahu loon Saŋ akiic homuu 13:16

Li mal̥egenamu fan ilobuul: Aloka ahaŋut anahaanawu oola, ban an an kuboñe ahaŋut anawu aboñoolumuu.

Hulimahu Hásuumaahu loon Saŋ akiic homuu 5:16

Muñeˈe kunahaanaku kata Kusuwifaku li kúmuyiten Yéesu mata lafakenfaken an li húyiiyaayahu hooliil.

Hulimahu Hásuumaahu loon Saŋ akiic homuu 7:32

Kufaaliisiyeŋaku li kujam wahawu wan búsukabu bunaake búmummunoomuu mata Yéesu, muñeˈe huhaanaahu hata élambaayi li buko Kufaaliisiyeŋaku li kuboñ kufooyaabuku kata Eluufayi yata Ateemit boot kujow kújokul Yéesu.

Hulimahu Hásuumaahu loon Saŋ akiic homuu 8:51

Li mal̥egenamu fan ilobuul: An átuulumuu kulimaku kúmbaam, let abil aket maayeet.

Hulimahu Hásuumaahu loon Saŋ akiic homuu 8:52

Kusuwifaku li koonool: — Muñeˈe jihaase joon kama mal̥egen buyinum bajakut bújufoyi! Abulaham lakete, kufulofetaku foof kukete, bale awu loon: «An átuulumuu kulimaku kúmbaam let abil aket maayeet.»

Hulimahu Hásuumaahu loon Saŋ akiic homuu 8:59

Muñeˈe li kumulukul kuyitik boot min kutekool. Bale Yéesu li ayolo min ajow áfu’ li Eluufayi yata Ateemit.

Bakaanelabu 14:22

Li kuwankulen kúgoomaku, ban li kooniil kútuk lit káyinenaku kooliil. Li kunaak foof kooniil: — Lootaale úlaamaal ŋáa’ tówum unokenaal li Jáyiiyaju jata Ateemit.

1 Kata Koolent 4:12

Alóli jumbuku min jitekemuu síniiloli min jítuk li kúŋenoli min jilok. Kúgelolimuu li jísooniyeniil, li kúlaamenoli li jímuñ.

2 Kata Koolent 4:9

Fan kúlaatenoli, bale Ateemit let ábetenoli. Fan kúbetoli li etaam, bale let kúhabeloli.

1 Kata Tesalonik 2:15

Kusuwifaku umbuku kumukumuu foof Amaaŋenawu, ban li kúlaamenolaal foof. Kúsuumut Ateemit maayeet, ban li kulat bukanabuku feh.

2 Tímote 3:12

Fiimaa bukanabuku feh kafañumuu min kuloŋ buloŋ bata kátuul Ateemit li hujokoolahu hoololaal li Kilisita Yéesu, fan kúlaameniil.