Hulimahu Hásuumaahu loon Saŋ akiic homuu 15:19 - Jola-Kasa

¹⁹ Jilakoweenumuu bukan kata adunaayi, bukanabuku kata yo fan kufañeenuul, mata min jóomimuu bukan kata adunaayi. Bale jilet bukan kata adunaayi, mata li adunaayi lil̥usumuulumuu ífulenul. Mó mújimuu bukanabuku kata adunaayi li kulatuul.

Hulimahu Hásuumaahu loon Saŋ akiic homuu 15:19 Referencias Cruzadas

Máciya 10:22

Bukanabuku feh fan kuhoyuul mata ínje íji. Bale an átukumuu káyinenaku koola lí ínje lit boot yok li húbanumahu, fan afak.

Máciya 24:9

«Muñeˈe no unnu, bukan fan kujokuul kubet li kuŋen bukan, min kúlaamenuul ban fan kumukuul. Bukanabuku feh fan kulatuul mata ínje íji.

Hulimahu Hásuumaahu loon Lík akiic homuu 6:32

«Jifañumuu bukanabuku kafañuulumuu bale, kasal buu joote jíbajum to? Maayeet kuhoofoolaaku foof kufañefañ bukanabuku kafañiilumuu.

Hulimahu Hásuumaahu loon Saŋ akiic homuu 13:18

«Ilobut iya li bukuluul foofuul feh. Lihaase bukanabuku kan il̥usumuu. Bale hulimahu unhe halobimuu li Bakiicelabu hoote hubaj, haanumuu: “Anawu an jinaake jitiñummuu dín dáno, látiiwowulo atiikom.”

Hulimahu Hásuumaahu loon Saŋ akiic homuu 15:16

Let bukuluul jil̥usom, bale ínje il̥usuul. Ban ínje ikaanuul to, mata min jijow min jibaj ebukoolum, ebukoolum yáami li efiyo to, bájum wahoowah wan jommuu li jil̥aw Atuubawom li kajawaku kúmbaam, li asenuul wo.

Hulimahu Hásuumaahu loon Saŋ akiic homuu 6:70

Yéesu li aaniil: — Kama inti ínje il̥usuul bukuluul kuŋen li kúl̥ubaaku? Bale akee li bukuluul an ata Sayitaane!

Saak 4:4

Min jinokoo muñowu li anaale átijut li áyinool bale! Kama jihaasut joon jifañumuu wahawu wata adunaayi, Ateemit jihoye? Mó mújimuu, an aŋalumuu adunaayi akaan abukewool, Ateemit laŋale akaan alatoolawool.

1 Fiyeel 4:3

Li mal̥egenamu, jiŋaŋŋa’ naanaŋ taŋ yáamak min jinaak jikaan loon bukanabuku kákaanumutumuu li Ateemit balewool kufañumuu. Jinaanaak jíkaanikoo, li jibaj kásiibo kajakut, li jinaak jíkallenoo, li jinaak jitiñ jijow jiwuuhen, li jibaj kuwoog kata kákallenoo, ban li jinaak jikaan wah wáŋootiye ŋáa’ wammuu kamanen úciin.

1 Saŋ 3:12

Ootut ukaanaal loon Kayeŋ alakomuu añiil ata Majakutamu, ban li amuk atuyool. Wáa újimuu li amukool? Mata bakaanelabu bata Kayeŋ bujakut, bale bata atuyool bucoccol.

Búhiisenumabu 12:17

Muñeˈe éjunfuulayi li el̥eet anaalaawu bil gay, li ejow etiik bubukoolumabu boola basaŋomuu. Bubukoolumabu umbu bo bommuu bukanabuku kátuulumuu siluwaasu sata Ateemit, ban li bunab li kulimaku kan Yéesu alobumuu.

Búhiisenumabu 12:9

Li kúbetenul hújunfuulahu unhu háamakahu tíyaŋ. Yo yommuu enuukayilaayi ehaanayi yan koonemuu foof Ammalawu mantee foof Sayitaane, abuntemuu adunaayi feh. Li kúbetenulool li etaamayi boot li kumalakaaku koola ló.