Maak 1:8 - Jola-Kasa Injé li mal líbatiisewuul, bale akila fan ábatiisewuul li Buyinumabu Banabaabu. |
Injé, li mal̥egenamu, li mal li bátiisewumuul boot káhiis kaanaku jibeebet búsol uhoofoolawu wooluul, min jiŋa’ buloŋ buwunkul. Bale anawu ammuu li abil búsolom, lahaŋom sembe. Itookut min ífulen sidallaasu soola. Akila fan ábatiisewuul li Buyinumabu Banabaabu, li sambun.
Li anaak aan búsukabu: — Akee ummu li abil búsolom ahaŋom sembe. Itookut min ísiten min il̥el̥ uneewawu wata sidallaasu soola.
No unnu, Yéesu li abilumul li ésukayi yata Nasalet yammuu li etaamayi yata Gálile, min Saŋ ábatiisewool li katunkaku kaaneyimuu Suuludeŋ.
Saŋ li aaniil foofiil feh: — Injé li mal li bátiisewumuul, bale an ummu li ebil ahaŋom sembe. Itookut min il̥el̥ uneewawu wata sidallaasu soola. Akila fan ábatiisewuul li Buyinumabu Banabaabu, li sambun.
Saŋ li aaniil: — Injé li mal li bátiiseye bukanabuku, bale an ummu li tutuul an jihaasut.
Injé ihaaseenutool, bale Ateemit áboñulommuu ibil íbatiise bukanabuku li mal, laanonsaan: «Anawu an ommuu li ujuk Buyinumabu Banabaabu li búwalowul bubil bulako li akila, okila ammuu ábatiise bukanabuku li Buyinumabu Banabaabu.»
Mata Saŋ Batiis li mal lábatiisewume bukanabuku. Bale taate kunak, Ateemit fan ábatiisewuul li Buyinumabu Banabaabu.
Kusuwifaku káyinenumuu li Yéesu kánabulumuu li Fiyeel, li kusego ŋáa’ min Ateemit áwalenulomuu Buyinumabu Banabaabu bubil bulako foof li bukanabuku kákaanumutumuu li Ateemit balewool.
«Ateemit laane wahawu unwe wommuu li ubaj li kunakaku kúbanumaku: fan iŋa’ li Buyinumabu búmbaam ikaan li bukanabuku feh. Fan ílobum li kuñooluul káyine, li kuñooluul kaale. Injé Ateemit fan íhiis mal̥egenamu múmbaam kuñooluul kátit. Ban siñaakanasu sooluul, fan síhaasum mal̥egenamu múmbaam li sísaahut.
Nan kúlellufaku unku kata sambunasu kubilumuu kulo li buko, foofiil feh li kuyab Buyinumabu Banabaabu. Muñeˈe li kulob silob sakee, anoowan loon Buyinumabu Banabaabu bukaanimuu min ulob.
Li manolamu, alolaal foofolaal feh lúbatiisewaalibatiise li Buyinumabu banolabu min ukaanaal eniil yano, oono asuwif mantee ulet asuwif, oono amiikeel mantee foof ulet amiikeel. Foofolaal feh Ateemit lakaanolaakaan uhobaal li Buyinumabu banolabu.