Bakaanelabu 1:5 - Jola-Kasa

⁵ Mata Saŋ Batiis li mal lábatiisewume bukanabuku. Bale taate kunak, Ateemit fan ábatiisewuul li Buyinumabu Banabaabu.

Bakaanelabu 1:5 Referencias Cruzadas

Máciya 3:11

Injé, li mal̥egenamu, li mal li bátiisewumuul boot káhiis kaanaku jibeebet búsol uhoofoolawu wooluul, min jiŋa’ buloŋ buwunkul. Bale anawu ammuu li abil búsolom, lahaŋom sembe. Itookut min ífulen sidallaasu soola. Akila fan ábatiisewuul li Buyinumabu Banabaabu, li sambun.

Máciya 3:6

Nan kuŋejumuu, li kuheb uhoofoolawu wooliil hákil ésukayi feh, min Saŋ ábatiiseyiil li katunkaku kaaneyimuu Suuludeŋ.

Maak 1:8

Injé li mal líbatiisewuul, bale akila fan ábatiisewuul li Buyinumabu Banabaabu.

Hulimahu Hásuumaahu loon Lík akiic homuu 3:16

Saŋ li aaniil foofiil feh: — Injé li mal li bátiisewumuul, bale an ummu li ebil ahaŋom sembe. Itookut min il̥el̥ uneewawu wata sidallaasu soola. Akila fan ábatiisewuul li Buyinumabu Banabaabu, li sambun.

Hulimahu Hásuumaahu loon Saŋ akiic homuu 1:26

Saŋ li aaniil: — Injé li mal li bátiiseye bukanabuku, bale an ummu li tutuul an jihaasut.

Hulimahu Hásuumaahu loon Saŋ akiic homuu 1:31

Injé humumom ihaasenutool. Bale libiibil min íbatiise bukanabuku li mal mantee kata Isilayeel li kuhaasool.

Hulimahu Hásuumaahu loon Saŋ akiic homuu 1:33

Injé ihaaseenutool, bale Ateemit áboñulommuu ibil íbatiise bukanabuku li mal, laanonsaan: «Anawu an ommuu li ujuk Buyinumabu Banabaabu li búwalowul bubil bulako li akila, okila ammuu ábatiise bukanabuku li Buyinumabu Banabaabu.»

Bakaanelabu 10:45

Kusuwifaku káyinenumuu li Yéesu kánabulumuu li Fiyeel, li kusego ŋáa’ min Ateemit áwalenulomuu Buyinumabu Banabaabu bubil bulako foof li bukanabuku kákaanumutumuu li Ateemit balewool.

Bakaanelabu 19:4

Muñeˈe Fool li aaniil: — Saŋ lanaanaak ábatiise bukanabuku kafañumuu kukat baloŋelabu booliil buhaanabu min kútiiwo kuŋa’ buloŋ buwunkul, ban li aan kata Isilayeel kúyinen li anawu ammuu li abil búsolool. Anawu ummu okila ammuu Yéesu.

1 Kata Koolent 12:13

Li manolamu, alolaal foofolaal feh lúbatiisewaalibatiise li Buyinumabu banolabu min ukaanaal eniil yano, oono asuwif mantee ulet asuwif, oono amiikeel mantee foof ulet amiikeel. Foofolaal feh Ateemit lakaanolaakaan uhobaal li Buyinumabu banolabu.

Eleetalayi yan Fool akiicumuu Tit 3:5

li afakenolaal, ban inti bakaanelolaal bacole bújiye, bale káyiyenaku kan áyiyenolaamuu kújiye. Láfakenumolaafaken li kábatiisaaku kata li malamu, li búkaanum bata Buyinumabu Banabaabu bakaanemuu an alaañ an awunkul, min abaj buloŋ buwunkul.