Máciya 3:11 - Jola-Kasa

¹¹ Injé, li mal̥egenamu, li mal li bátiisewumuul boot káhiis kaanaku jibeebet búsol uhoofoolawu wooluul, min jiŋa’ buloŋ buwunkul. Bale anawu ammuu li abil búsolom, lahaŋom sembe. Itookut min ífulen sidallaasu soola. Akila fan ábatiisewuul li Buyinumabu Banabaabu, li sambun.

Máciya 3:11 Referencias Cruzadas

Máciya 3:6

Nan kuŋejumuu, li kuheb uhoofoolawu wooliil hákil ésukayi feh, min Saŋ ábatiiseyiil li katunkaku kaaneyimuu Suuludeŋ.

Maak 1:4

Muñeˈe Saŋ Batiis li áfulul alako li kayiinaayaku. Li anaak awaale bukanabuku aaniil: — Joote jibet búsol baloŋelabu booluul buhaanabu min jítiiwo jiŋa’ buloŋ buwunkul, min jíbatiiseyi mantee Ateemit li abonketuul uhoofoolawu wooluul.

Hulimahu Hásuumaahu loon Lík akiic homuu 1:17

Fan abil ló áyabul hákil Ateemit, li buyinumabu, li sembaasu sata afulofetawu Elí, min akaan bañiilabu li situubayiil kubaj hujamoo, min álaañenul kátuulutumuu Ateemit kubaj bújallo loon bata bukan kacole. Fan afale bukan boot kayab Amaaŋenawu.

Hulimahu Hásuumaahu loon Lík akiic homuu 3:16

Saŋ li aaniil foofiil feh: — Injé li mal li bátiisewumuul, bale an ummu li ebil ahaŋom sembe. Itookut min il̥el̥ uneewawu wata sidallaasu soola. Akila fan ábatiisewuul li Buyinumabu Banabaabu, li sambun.

Hulimahu Hásuumaahu loon Lík akiic homuu 3:3

Saŋ li añaahoo li etaamayi feh yakoojumuu katunkaku kaneyimuu Suuludeŋ, min anaak awaale aan: — Jítiiwo jiŋa’ buloŋ buwunkul, min jíbatiiseyi mantee Ateemit li abonket uhoofoolawu wooluul.

Hulimahu Hásuumaahu loon Saŋ akiic homuu 1:15

Saŋ lalollob bukanabuku moola. Lalollob butiya aan: — Okila lilobumuu moola een: «Anawu ammuu li abil búsolom, lahaŋom, mata lababbaj tówum ínje íwu.»

Hulimahu Hásuumaahu loon Saŋ akiic homuu 1:30

Akila lilakomuu elobayi nan eenemuu: «Anáyine akee ummu li abil búsolom, bale lahaŋom, mata tówum ínje ibuki okila to.»

Bakaanelabu 1:5

Mata Saŋ Batiis li mal lábatiisewume bukanabuku. Bale taate kunak, Ateemit fan ábatiisewuul li Buyinumabu Banabaabu.

Bakaanelabu 19:4

Muñeˈe Fool li aaniil: — Saŋ lanaanaak ábatiise bukanabuku kafañumuu kukat baloŋelabu booliil buhaanabu min kútiiwo kuŋa’ buloŋ buwunkul, ban li aan kata Isilayeel kúyinen li anawu ammuu li abil búsolool. Anawu ummu okila ammuu Yéesu.

Bakaanelabu 8:36

Emmuu ejowayi kulakowe li bútinabu, li kúliiŋ tikee tin baje mal. Anáyinaawu ata Ecofi li aan Fílib: — Mal mummu! Waa woote úhilom íbatiisewumi? [

Bakaanelabu 8:38

Muñeˈe li akaan esaaletayi eyiten. Fílib li ánayinaawu li kuwalo li malamu foofiil kúl̥uba, min Fílib ábatiisewool.

1 Kata Koolent 12:13

Li manolamu, alolaal foofolaal feh lúbatiisewaalibatiise li Buyinumabu banolabu min ukaanaal eniil yano, oono asuwif mantee ulet asuwif, oono amiikeel mantee foof ulet amiikeel. Foofolaal feh Ateemit lakaanolaakaan uhobaal li Buyinumabu banolabu.

Kata Efées 3:8

Injé jahaŋumuu matiti li bukanabuku feh kata Ateemit, ínje Ateemit asenumuu kájiyaku unku kata kawaale bukanabuku kaletumuu Kusuwif, hubajahu hata Kilisita han an ayilaatumuu ánaanum.

Eleetalayi yan Fool akiicumuu Tit 3:5

li afakenolaal, ban inti bakaanelolaal bacole bújiye, bale káyiyenaku kan áyiyenolaamuu kújiye. Láfakenumolaafaken li kábatiisaaku kata li malamu, li búkaanum bata Buyinumabu Banabaabu bakaanemuu an alaañ an awunkul, min abaj buloŋ buwunkul.

1 Fiyeel 5:5

Li manolamu, bukuluul jañiilomuu, joote jítuul kunahaanaku kooluul. Bukuluul foofuul feh anoowan laate awalenoolo hákil afaalool, mata loon Bakiicelabu bulobumuu: «Ateemit lahoohoy bukanabuku katebenoolomuu, min asen kájiyaku koola kawalenoolomuu.»