Máciya 3:12 - Jola-Kasa

¹² Káweyumaku koola kunku li kaŋenool. Fan awuu ekaakayi yoola ejow éfu’ kis, min aheefen edenfeteŋayi, ban li awuu yo ahahen li bulaŋen. Bale búhulabu fan ásu’ bó li sambun sáhokoweliit.

Máciya 3:12 Referencias Cruzadas

Máciya 13:30

Jikat edenfeteŋayi li emaanobasuuwayi min yankoo li mano, boot nan ecacayi yommuu éliiŋ. Nan ecacayi yommuu éliiŋ, fan ilob kucacaaku eeniil: “Jijand jiluuc emaanobasuuwayi ban li jikaan yo kukoken boot kásu’. Jibanumuu li jikit jicac edenfeteŋayi jijow jitah li bulaŋenabu búmbaam.”»

Máciya 13:41

Añool-An fan abil áboñul kumalakaabuku koola, min kúfulen li Jáyiiyaju bukanabuku feh kájiyemuu ésukayi li elo li kahoofoo, li bukanabuku feh kakaanemuu majakut.

Máciya 13:42

Kumalakaabuku fan kubeteniil li sambun sáamak, dán emmuu baj jíl̥ok li sílaam sáamak.

Máciya 13:43

No unnu bukanabuku kátuulumuu Ateemit, fan kuleñ loon banakabu li Jáyiiyaju jata Atuubayiil. An áakimaa sijan, li ajanten jak min ajam.

Hulimahu Hásuumaahu loon Lík akiic homuu 3:16

Saŋ li aaniil foofiil feh: — Injé li mal li bátiisewumuul, bale an ummu li ebil ahaŋom sembe. Itookut min il̥el̥ uneewawu wata sidallaasu soola. Akila fan ábatiisewuul li Buyinumabu Banabaabu, li sambun.

Hulimahu Hásuumaahu loon Lík akiic homuu 3:17

Káweyumaku koola kunku li kaŋenool. Fan awuu ekaakayi yoola ejow éfu’ kis, li aheefen edenfeteŋayi, ban li awuu yo ahahen li bulaŋen. Bale búhulabu fan ásu’ bó li sambun sáhokoweliit.

Hulimahu Hásuumaahu loon Saŋ akiic homuu 15:2

Fan afalen hulund hanoohan háami lí ínje, habukut mutiñaay. Fan ateŋen hulund hanoohan habuke mutiñaay, mantee li huhaŋ mabuk.