Bakaanelabu 2:17 - Jola-Kasa

¹⁷ «Ateemit laane wahawu unwe wommuu li ubaj li kunakaku kúbanumaku: fan iŋa’ li Buyinumabu búmbaam ikaan li bukanabuku feh. Fan ílobum li kuñooluul káyine, li kuñooluul kaale. Injé Ateemit fan íhiis mal̥egenamu múmbaam kuñooluul kátit. Ban siñaakanasu sooluul, fan síhaasum mal̥egenamu múmbaam li sísaahut.

Bakaanelabu 2:17 Referencias Cruzadas

Hulimahu Hásuumaahu loon Lík akiic homuu 3:6

Ban bukanabuku feh fan kujuk koon Ateemit lafañe afakeniil”.»

Hulimahu Hásuumaahu loon Saŋ akiic homuu 17:2

Mata lusenoosen kayile li bukanabuku feh, mantee li asen buloŋabu bábaneliitumuu bukanabuku feh kan usenoolumuu.

Hulimahu Hásuumaahu loon Saŋ akiic homuu 7:39

(Yéesu lalollob kulimaku unku aya li Buyinumabu Banabaabu, ban káyinenumuu li akila kóotimuu kuyab. No unnu, Buyinumabu Banabaabu bo basenoluti, mata Ateemit báhiisolut máyiineniyamu mata Yéesu.)

Bakaanelabu 10:45

Kusuwifaku káyinenumuu li Yéesu kánabulumuu li Fiyeel, li kusego ŋáa’ min Ateemit áwalenulomuu Buyinumabu Banabaabu bubil bulako foof li bukanabuku kákaanumutumuu li Ateemit balewool.

Bakaanelabu 11:27

Muñeˈe no unnu, kufulofet, li kújowum Yeelusalem boot Antiyok.

Bakaanelabu 11:28

Akee li buko an koone Agábus li alob ákibben, li búkaanum bata Buyinum Banabaabu aan, let fiyo min bamuufaay báamak bubaj li etaamayi feh. (Mal̥egen bamuufaayabu li bubil bubaj nan Kúlod alakomuu áyiiyawu áamakawu.)

Bakaanelabu 2:16

Bale muñeˈe kulimaku kan afulofetawu Soweel alobumuu, kubaje. Soweel lansaan:

Bakaanelabu 2:18

Li kunakaku unku, fan iŋa’ li Buyinumabu búmbaam, isen kulokaabuku kúmbaam káyinaaku li kaalaaku. Fan ílobum li buko.

Bakaanelabu 2:33

Ateemit latebenooteben ajow akaan kaŋenool kúli, min asenool Buyinumabu Banabaabu ban alobumuu kasen, min aŋa’ bo akaan li alolaal loon bukuluul humumuul jijukumuu, ban foof li jijam.

Bakaanelabu 21:9

Li abaj básungute bubakii bahaasut kánayine, ban Ateemit anaake álobum li buko.

Kata Lom 5:5

Kákangumaku kúkaaneliit an áyeko, mata Ateemit li Buyinumabu Banabaabu ban asenolaamuu, lákaanummuu húbooliyahu hoola li uyinumawu woololaal.

1 Kata Koolent 12:10

Akee Buyinumabu li busenool kayile min anaak akaan bújaahalenum, aahu li busenool káji kata min naak Ateemit álobum li akila, akee foof li busenool káji min anaak ahaas wah wabilumulo li Buyinumabu Banabaabu li wah wabilumulo li uyinumawu wajakutumuu. Akee Buyinumabu li busenool káji kata min alob silob sahaasuti, aahu li busenool káji kata min ayili akitten bukanabuku waa silobasu unsu silobe.

1 Kata Koolent 12:28

Mó mújimuu, Ateemit li ajand akaan li Ejanguwayi kufootal, fúlum tó, kuliikena bukan hulimahu hoola, ban kakaanemuu wah wájaahaleniye, ban kabajumuu káji kata kafaken bukan li úsomutawu wooliil, fúlum tó, kabajumuu káji kata kalamben bukan, ban kabajumuu káji kata kaaken ejangu, ban kit kabajumuu káji kata elob silob sahaasuti.

Eébulo 1:2

Bale muñeˈe li taŋaye ébanumaye, li Añoolool lálobume li alolaal. Li akila lajuul̥ume adunaayi li wahawu feh wáami lómuu, ban akila lakaan tomuu boot min akil wahoowah feh.

Saak 5:3

Ewúlusayi yooluul li ehaaliisayi yooluul ékoleekolet. Búkolabu umbu bo bommuu bubil bubetuul ló, ban fan buniilen siniilasu sooluul loon sambun. Jiwoogenwoogen ebaj li kunakaku unke kammuu kúsolaaku.

2 Fiyeel 3:3

Joote jijand jihaas kaanaku, li kunakaku kúbanumaku fan baj bukan káami li kúfulul ban fan kunaak kuloŋ naboo li kásiibowaku kooliil. Fan kunaak kujakakaayuul,