Hulimahu Hásuumaahu loon Lík akiic homuu 3:16 - Jola-Kasa

¹⁶ Saŋ li aaniil foofiil feh: — Injé li mal li bátiisewumuul, bale an ummu li ebil ahaŋom sembe. Itookut min il̥el̥ uneewawu wata sidallaasu soola. Akila fan ábatiisewuul li Buyinumabu Banabaabu, li sambun.

Hulimahu Hásuumaahu loon Lík akiic homuu 3:16 Referencias Cruzadas

Máciya 3:11

Injé, li mal̥egenamu, li mal li bátiisewumuul boot káhiis kaanaku jibeebet búsol uhoofoolawu wooluul, min jiŋa’ buloŋ buwunkul. Bale anawu ammuu li abil búsolom, lahaŋom sembe. Itookut min ífulen sidallaasu soola. Akila fan ábatiisewuul li Buyinumabu Banabaabu, li sambun.

Máciya 3:12

Káweyumaku koola kunku li kaŋenool. Fan awuu ekaakayi yoola ejow éfu’ kis, min aheefen edenfeteŋayi, ban li awuu yo ahahen li bulaŋen. Bale búhulabu fan ásu’ bó li sambun sáhokoweliit.

Hulimahu Hásuumaahu loon Saŋ akiic homuu 1:26

Saŋ li aaniil: — Injé li mal li bátiiseye bukanabuku, bale an ummu li tutuul an jihaasut.

Hulimahu Hásuumaahu loon Saŋ akiic homuu 1:27

Ummu li abil búsolom, ban itookut min il̥eel̥ uneewawu wata sidallaasu soola.

Hulimahu Hásuumaahu loon Saŋ akiic homuu 1:33

Injé ihaaseenutool, bale Ateemit áboñulommuu ibil íbatiise bukanabuku li mal, laanonsaan: «Anawu an ommuu li ujuk Buyinumabu Banabaabu li búwalowul bubil bulako li akila, okila ammuu ábatiise bukanabuku li Buyinumabu Banabaabu.»

Hulimahu Hásuumaahu loon Saŋ akiic homuu 7:38

Loon Bakiicelabu bulobumuu, «An áyinenumuu lí ínje, uwelen wata mal masene buloŋ fan úfulumul li ésigilool.»

Bakaanelabu 1:5

Mata Saŋ Batiis li mal lábatiisewume bukanabuku. Bale taate kunak, Ateemit fan ábatiisewuul li Buyinumabu Banabaabu.

Bakaanelabu 10:44

Nan Fiyeel alakomuu elobayi, Buyinumabu Banabaabu li búwalowul bubil kulako li bukanabuku feh kalakomuu bajantenabu bata Hulimahu.

Bakaanelabu 2:33

Ateemit latebenooteben ajow akaan kaŋenool kúli, min asenool Buyinumabu Banabaabu ban alobumuu kasen, min aŋa’ bo akaan li alolaal loon bukuluul humumuul jijukumuu, ban foof li jijam.

1 Kata Koolent 12:13

Li manolamu, alolaal foofolaal feh lúbatiisewaalibatiise li Buyinumabu banolabu min ukaanaal eniil yano, oono asuwif mantee ulet asuwif, oono amiikeel mantee foof ulet amiikeel. Foofolaal feh Ateemit lakaanolaakaan uhobaal li Buyinumabu banolabu.