Bakaanelabu 2:4 - Jola-Kasa

⁴ Nan kúlellufaku unku kata sambunasu kubilumuu kulo li buko, foofiil feh li kuyab Buyinumabu Banabaabu. Muñeˈe li kulob silob sakee, anoowan loon Buyinumabu Banabaabu bukaanimuu min ulob.

Bakaanelabu 2:4 Referencias Cruzadas

Máciya 10:19

Bale nan kommuu kujokuul kújowetum bata tilibinaalayi, jakum jiyinoo waa jommuu li jilob, mantee foof buu jommuu li jilob wo eeno. Kulimaku kan jommuu li jilob, fan jiyab ko yaan no.

Maak 16:17

Bújaahalenumabu umbe káyinenumuu lí ínje kommuu li kukaan: — Fan kukesoo uyinumawu wajakutumuu li kajawaku kúmbaam. Fan kulob silob sábuto li sooliil.

Hulimahu Hásuumaahu loon Lík akiic homuu 1:15

Mata fan alako an áamak hákil Amaaŋenawu. Let ahob bunuk, li ehob yanooyan yayilo ékaliyen. Buyinumabu Banabaabu fan bulako li akila ŋáa’ átowum abuki.

Hulimahu Hásuumaahu loon Lík akiic homuu 1:41

Nan Elisabet ayaane ajammuu Mali li asaaf, añiilawu li agoloo li halahu hata Elisabet. Buyinumabu Banabaabu li bulako li Elisabet ŋáa’.

Hulimahu Hásuumaahu loon Lík akiic homuu 1:67

Muñeˈe Buyinumabu Banabaabu li bumeeŋen Sakali, ammuu atuubaawu ata añiilawu, min alob kulim kata Ateemit aan:

Hulimahu Hásuumaahu loon Lík akiic homuu 12:12

Mata Buyinumabu Banabaabu fan busenuul yaan no unnu, kulim kacole kan jóotimuu jilob.»

Hulimahu Hásuumaahu loon Lík akiic homuu 21:15

Mata ínje humumom fan isenuul kulim kata bújallo, kan anoowan li kulatoolawuul aatut ayili aceeŋ, mantee áhoogul.

Hulimahu Hásuumaahu loon Lík akiic homuu 4:1

Nan Buyinumabu Banabaabu bubilumuu bulako li Yéesu, li álaañumul li katunkaku kaaneyimuu Suuludeŋ. Buyinumabu li bújowetumool boot li kayiinaayaku.

Hulimahu Hásuumaahu loon Saŋ akiic homuu 14:26

Anattenaawu ammuu Buyinumabu Banabaabu ban Atuubaawu ammuu li áboñul li kajawaku kúmbaam, fan buliikenuul wahawu feh ban li buwal̥l̥enuul wahawu feh wan ilobuulumuu.

Hulimahu Hásuumaahu loon Saŋ akiic homuu 20:22

Nan alobumuu kulimaku unku aban li áhuuten li buko min aaniil: — Jiyab Buyinumabu Banabaabu!

Bakaanelabu 1:5

Mata Saŋ Batiis li mal lábatiisewume bukanabuku. Bale taate kunak, Ateemit fan ábatiisewuul li Buyinumabu Banabaabu.

Bakaanelabu 1:8

Bale fan jibaj sembe nan Buyinumabu Banabaabu bommuu li búwalowul bubil bulako li bukuluul. No unnu, fan jilako bukan kalobe múmbaam ésukayi. Fan jilob múmbaam li ésukayi yata Yeelusalem, li etaamayi feh yata Súde li yata Samali, boot yok ban etaamayi ébanummuu.

Bakaanelabu 10:46

Li mal̥egenamu kujanjam bukanabuku umbuku li kulob silob san kuhaasut. Li kujamiil foof li kusal maluukamu mata Ateemit. Muñeˈe Fiyeel li aaniil:

Bakaanelabu 10:47

— Mantee an layilo áhi’ min bukanabuku umbuku kúbatiiseyi li mal, muñeˈe nan kuyabumee Buyinumabu Banabaabu loon foof ololaal uyabaal bomuu?

Bakaanelabu 11:15

Nan ítoŋumuu elobayi, Buyinumabu Banabaabu li búwalowul bulako li buko, loon foof búwalowulumuu bubil bulako li alolaal no li húkitumahu.

Bakaanelabu 11:24

Balunabaas lakankaan ánayine ásuume, an ata káyinen an Buyinumabu Banabaabu bulakowe li akila. Bukan kameeŋe li kubil kufamen káyinenumuu li Amaaŋenawu.

Bakaanelabu 13:52

Kúgoomaku kata ésukayi yata Antiyok, li kubaj ésuumahukow yáamak, ban Buyinumabu Banabaabu li bulako li buko ŋáa’.

Bakaanelabu 13:9

Muñeˈe Sóol an koonemuu foof Fool, Buyinumabu Banabaabu li bumeeŋenool, li ajuke Elimaas súy,

Bakaanelabu 15:8

Ban, Ateemit ahaasumuu kayinoo kata anoowan, láhiisenhiisen kaanaku layabiiyab nan aseniilumuu Buyinumabu Banabaabu foof loon asenolaal bomuu.

Bakaanelabu 19:6

Fool li aŋa’ kuŋenool awalen li buko, Buyinumabu Banabaabu li bubil bulako li buko. Muñeˈe li kulob silob sahaasuti, ban Ateemit li álobum li buko.

Bakaanelabu 2:11

Babbaj to bukanabuku kafimmuu min kóomi Kusuwif, li bukanabuku kaŋa’muu bútinabu bata Kusuwifaku. Li baj bukan káfulumulo li etaamayi yata Kilet li yata Aalabi. Bale alolaal foofolaal feh lujamaaliijam li kulob, anoowan li elobayi yoola mata wahawu wáamakawu wan Ateemit akaanumuu.

Bakaanelabu 2:3

Muñeˈe kalakomuu li eluufayi li kujuk wah wanokoole loon kúlelluf kata sambun. Kúlellufaku unku li kugaboo, hanoohan li hujow hulo li an li bukanabuku kalakomuu li eluufayi.

Bakaanelabu 4:31

Nan kubanumuu kal̥awaku, etaamayi li egoloo tan kuwoogumuu. Buyinumabu Banabaabu li bubil bulako li buko foofiil feh, min kunaak kulob hulimahu hata Ateemit li kabaneyiil.

Bakaanelabu 4:8

Fiyeel an Buyinumabu Banabaabu bumeeŋenumuu li aaniil: — Kunahaanake kata ésukayi, kuhaanake,

Bakaanelabu 6:3

Wahawu unwu újimuu, kútuyoli, jil̥us li bukuluul kánayine hutok li kúl̥uba. Fan kulako bukan kan ésukayi éwooluwe, bukan kan Buyinumabu Banabaabu bóomi li buko ŋáa’, ban li kújallo, min ukataaliil bulokabu umbu.

Bakaanelabu 6:5

Kulimaku unku kan kufootalaku kulobumuu, li kúsuum ŋáa’ búsukabu feh balako tomuu li bajojabu. Muñeˈe li kul̥us Ecen, alakomuu an ata káyinen li an an Buyinumabu Banabaabu bulakowe li akila ŋáa’. Li kul̥us foof Fílib li Fulokool, Nikanool li Timoŋ, Falimenaas li Nikola áfulumulomuu li ésukayi yata Antiyok, ban li áyineneen no li bútinabu bata kusuwifaku tówum áyinen li Yéesu.

Bakaanelabu 6:8

Emmuu Ecen lababbaj káji káamak hákil Ateemit li sembe, li anaak akaan wah wájaahaleniye ŋáa’ li búhiisenum báamak hákil ésukayi.

Bakaanelabu 7:55

Bale Ecen Buyinumabu Banabaabu li bumeeŋenool. Li ateb kúkilool haatiya emitayi, li ajuk máyiineniyamu mata Ateemit, li Yéesu mayitowe kaŋen kúli Ateemit.

Bakaanelabu 8:17

Muñeˈe Fiyeel buko li Saŋ li kuŋa’ kuŋeniil kuwalen li buko, li kuyab Buyinumabu Banabaabu.

Bakaanelabu 9:17

Muñeˈe Ananiyaas li ajow aŋej li eluufayi, li aŋa’ kuŋenool awalen li Sóol ban li aanool: — Atuyom Sóol, Amaaŋenawu Yéesu áboñulom. Okila áfulimuu li bútinabu ban ubilummuu li bo. Láboñulomboñul mantee li ulaañen ujuk, ban Buyinum Banabaabu li bulako li awu ŋáa’.

Kata Lom 15:13

Ateemit asenemuu kákangum, ajow akaanuul jibaj ésuumansuum yáamak, ban li akatuul kásuumaay káamak humum hata káyinenaku kooluul, mantee kákangumaku kooluul li kuluuk ŋáa’ li búkaanum bata sembaasu sata Buyinumabu Banabaabu.

1 Kata Koolent 12:10

Akee Buyinumabu li busenool kayile min anaak akaan bújaahalenum, aahu li busenool káji kata min naak Ateemit álobum li akila, akee foof li busenool káji min anaak ahaas wah wabilumulo li Buyinumabu Banabaabu li wah wabilumulo li uyinumawu wajakutumuu. Akee Buyinumabu li busenool káji kata min alob silob sahaasuti, aahu li busenool káji kata min ayili akitten bukanabuku waa silobasu unsu silobe.

1 Kata Koolent 13:1

Nokoomuu loon lilobelob silobasu feh sata bukanabuku li sata kumalakaabuku ban ibajut húbooli, linokoonokoo li mañ mawele mantee foof li hujeleleŋ hafiiŋene.

1 Kata Koolent 13:8

Húbooli ábaneliit. Ateemit fan abil akat élobum li bukan. Kájiyaku kata elob silob sahaasuti fan kubil kuban. Kahaasemiñ fan kubil kumoj.

1 Kata Koolent 14:18

Lisale Ateemit min ihaŋuulumuu foofuul feh elob li silob sahaasuti.

1 Kata Koolent 14:5

Lifañeene min bukuluul foofuul feh jilob silob sahaasuti, bale lihaŋe mafañ min Ateemit álobum li bukuluul. Li mal̥egenamu, afulofet lahaŋe mabaj jáliŋ an alobe silob sahaasuti, mantee yo yommuu kama min akee akitten waa anawu alobumuu silob sahaasuti alobe, mantee ejanguwayi foof yo feh li elit li káyinenaku kata yo.

Kata Efées 3:19

Maayeet min kite eenimuu bajut an ayilo ahaas buu Kilisita ábooliwolaamuu eeno, lil̥awe Ateemit mantee li jiyili jihaas húbooliyahu unhu, bájum bóonowabu booluul li buyili bunokoo li mal̥egen li bata Ateemit.

Kata Efées 5:18

Jakum jinaak jíkallenoo: kákallenoo lakaanekaan an min ákaan dó maayiiñ. Bale jikat Buyinumabu Banabaabu min bulako li bukuluul li sembaasu sata bo.

Kata Efées 6:18

Jil̥aw nanoonan li búlambenum bata Buyinumabu Banabaabu. Jil̥aw Ateemit min alambenuul li wahoowah feh. Jíkaanum min jijooŋoo to li kal̥awaku, ban li jinaak jil̥aw boot li bukanabuku feh kata Ateemit.

1 Fiyeel 1:12

Ateemit li áhiis kufulofetaku kaanaku hulimahu han aseniilumuu, inti boot li buko humumiil, bale boot li bukuluul. Hulimahu unhu ho bukanabuku kawaaleyemuu Hulimahu Hásuumaahu kulobewuulumuu muñeˈe. Kulobewuulob ho li búkaanum bata sembaasu sata Buyinumabu Banabaabu babilummuu li emitayi. Kumalakaabuku humumiil kufañeene min kuhaas hulimahu unhu.

2 Fiyeel 1:21

Li mal̥egenamu, bajut hulim han Ateemit álobume li an, habilumulo li húnongum hata ál̥ahukowan; bale li búlambenum bata Buyinumabu Banabaabu bukan kúlobummuu li kajaw kata Ateemit.