Nan kubahumuu boot hutiñahu, Yéesu li aŋa’ húmbuuluwahu min ásooniyen ho aban, li amuncul ho aseniil.
Bakaanelabu 2:42 - Jola-Kasa Muñeˈe bukanabuku káyinenumuu li kuhanken to li kawoog, min kunaak kujanten kulimaku kan Kufootalaku kunaake kuliikeniilumuu. Li kujooŋoo to min kuloŋ buloŋ bata batuyaay, min kunaak kutiñum dín dáno, li kuhanken foof min kul̥aw Ateemit li mano. |
Nan kubahumuu boot hutiñahu, Yéesu li aŋa’ húmbuuluwahu min ásooniyen ho aban, li amuncul ho aseniil.
Kúgoomaku kúl̥uba li kukitteniil wahawu wabajumuu buko li ejowayi li bútinabu, li buu kúhaasummuu Yéesu nan alakomuu kamunculaku kata húmbuuluwahu.
Buko feh kunaanaak kujamoo min kuwoog boot kal̥aw, famen to kanaale kukee. Li kanaalaabuku umbuku Mali ammuu jaaw ata Yéesu to lalakowe, li kutuyaku foof kata Yéesu.
Nan áliiŋumuu, li ajuk kájiyaku kata Ateemit li bukanabuku káyinenumuu, li súumool ŋáa’. Li awankuleniil foofiil feh mantee li kútuk lit káyinenaku li Amaaŋenawu.
Li kuwankulen kúgoomaku, ban li kooniil kútuk lit káyinenaku kooliil. Li kunaak foof kooniil: — Lootaale úlaamaal ŋáa’ tówum unokenaal li Jáyiiyaju jata Ateemit.
Li kunaak kujow hunakoohunak kujow kuwoog li kayinoo kano, li Eluufayi yata Ateemit. Li kunaak kutiñ hutiñahu hooli dín dáno li siluufasu sooliil, li ésuumansuum ló, li buyinum bájoobiye.
Fúlum tó, Fool li alaañ aŋito ajow amuncul húmbuuluwahu atokoñ. Li alaañen awaale to fiyo jow banakabu buyitowul, aban li ajow.
Li líiŋ li hunakahu hútinaalahu hata esimenayi, li jiwoogoo boot kamunculoo húmbuuluwahu. Fool li alako elob li bukanabuku káyinenumuu. Emmuu hunak hukaten láami li ajow, li awaale kale hukahu hujow hulit ŋáa’.
Nan kunahaanaku kata Kusuwifaku kuyaane kukatenuliimuu, Fiyeel buko li Saŋ li kujow kunaben kufaaliil, min kuhebiil wahawu feh wan kunahaanaku kata élambaayi li kuhaanabuku kulobumuu.
Nan kubanumuu kal̥awaku, etaamayi li egoloo tan kuwoogumuu. Buyinumabu Banabaabu li bubil bulako li buko foofiil feh, min kunaak kulob hulimahu hata Ateemit li kabaneyiil.
Jibaj ésuumansuum humum hata kákangumaku kooluul. Jímuñ bukuluul li sílaam. Jijooŋoo to li kal̥awaku.
Jiyilaat jihob li mano li ejunkayi yata Amaaŋenawu li yata uyinumawu wajakutumuu. Jiyilaat jitiñ li mano li buyinjaayabu bata Amaaŋenawu li bata uyinumawu wajakutumuu.
Injé ummu li kasaluul min jiwayil̥owewommuu li wahoowah feh, li min jinabemuu li kulimaku kúmbaam loon ilobuulumuu.
Kutuyom, muñowu ibilumuu booluul íliiŋul li ilob li bukuluul li silob san jihaasut, jáliŋ buu léemi li ibaj li bukuluul? Let íjaliŋuul wahoowah, mantee yo yommuu ínje bakitteneluul hulim han Ateemit alobom, mantee wah wan ihaase, mantee hulim habilumulo li Ateemit, mantee foof li iliikenuul wah ukee.
Kaanonkaan kasego min bukuluul jiyaane jihi muñowu kabet búsol Ateemit ahooñumuulumuu li kájiyaku kata Kilisita, min jítiiwo jinab li «hulim hásuume» hukee.
Joonosoono kuteef kateefi laken li kuteefaku kuleeteemaaku, kammuu kufootalaku, ban Yéesu Kilisita humumool li áami huyitikahu hatebumuu eluufayi foof yo feh.
Jil̥aw nanoonan li búlambenum bata Buyinumabu Banabaabu. Jil̥aw Ateemit min alambenuul li wahoowah feh. Jíkaanum min jijooŋoo to li kal̥awaku, ban li jinaak jil̥aw boot li bukanabuku feh kata Ateemit.
mata jilambenonlamben li kawaaleyaku kata Hulimahu Hásuumaahu yaan no li hunakahu hútinaalahu boot yok muñeˈe.
Bale yo yommuu bukuluul bátuke lit ban li jijooŋoo to li káyinenaku, ban jakum jikat bo kákangumaku kan jibajumuu li Hulimahu Hásuumaahu han jijamumuu. Hulimahu unhu Hásuumaahu ho huwaaleyimuu bukanabuku feh kammuu li etaamayi, ban ínje Fool aloka ata ho leem.
Bale awu, útuk lit li wahawu wan kuliikenumuu ban li uyab wo li mal̥egeni. Luhaase li ayi luliikenum womuu.
Jakum ukataal bo kuwoogaku koololaal loon kukee kukaanemuu, bale unaak uwankulenoolaal, emmuu kama jijuke kaanaku hunakahu hata Amaaŋenawu húkoojulo.
Bale alolaal uletaal ló li bukanabuku kañakemuu kulaañ búsol min kújim, bale alolaal oomaalumuu bukanabuku káyinenumuu, ban lufakaale.
Wahawu wan áloli jijukumuu ban li jijam wo, wo jommuu foof li kahebuul, mantee bukuluul li áloli li ujokoolaal min ulakowaal an ano. Hujamoolahu hoololaal ho hommuu hujamoo li Atuubaawu li Añoolool Yéesu Kilisita.
Bale nokoomuu loon luloŋaaloŋ buloŋ bata li mawuŋe loon Ateemit humumool ammuu li mawuŋe, muñeˈe no unnu lujamoolaajamoo ban húsimahu hata Añoolool Yéesu, fan hufos uhoofoolawu woololaal feh.
Kulatoolaabuku umbuku kata Kilisita li alolaal kúfulume, bale kufinut min kulakowe koololaal. Mata li mal̥egenamu kulakoweenumuu bukan koololaal, fan kulakoween nanoonan li alolaal. Bale kúfuffu’ li alolaal min híis kaanaku anoowan li buko alakowut li mal̥egen an oololaal.
Bale bukuluul jammuu kufaalom kan iboolaat, jiwankulenoo li káyinenaku kooluul kanabaaku. Jíl̥awum li Buyinumabu Banabaabu.