Bakaanelabu 1:14 - Jola-Kasa

¹⁴ Buko feh kunaanaak kujamoo min kuwoog boot kal̥aw, famen to kanaale kukee. Li kanaalaabuku umbuku Mali ammuu jaaw ata Yéesu to lalakowe, li kutuyaku foof kata Yéesu.

Bakaanelabu 1:14 Referencias Cruzadas

Máciya 12:46

Nan Yéesu alakomuu elobayi li búsukabu, jaawool li kutuyool li kúŋejul. Li kulako tíyaŋ, min kulako huŋes min kulob li akila.

Máciya 21:22

Ban wahoowah feh wan jil̥awe Ateemit li káyinen ló, fan jibaj wo.

Máciya 27:55

Li baj to foof kanaale kameeŋe kalakowe lóyi min kunaak kúŋandenul. Kanaalaabuku umbuku li etaamayi yata Gálile kúnabumulo li Yéesu boot kalambenool.

Maak 15:40

Li baj foof kanaale kalakowe lóyi min kunaak kúŋandenul. Li kanaalaabuku umbuku, Mali ata ésukayi yata Madala, li Mali jaaw ata Saak Atitawu buko Sóose, li Salome, to kulakowe.

Maak 16:1

Muñeˈe nan húyiiyaayahu hata Kusuwifaku hubanumuu, Mali ata ésukayi yata Madala, li Salome, li Mali jaaw ata Saak, li kúnoomul éki’ yaciiŋowe bájum li kuŋa’ yo kujow kúki’ ehuluŋayi yata Yéesu.

Hulimahu Hásuumaahu loon Lík akiic homuu 11:13

Fan bukuluul jajakut muñowu, jiyilo jisen wah wajake bañooluul, kama háŋum Atuubawuul ata haatiya? Okila fan asen Buyinumabu Banabaabu bukanabuku kammuu li kul̥awool bo!»

Hulimahu Hásuumaahu loon Lík akiic homuu 18:1

Muñeˈe Yéesu li alob kúgoomaku min áhiisiil kaanaku koote kunaak kul̥aw nanoonan, ban jakum kubil kúyeko.

Hulimahu Hásuumaahu loon Lík akiic homuu 23:49

Kubuke Yéesu feh, li kanaalaaku kánabulumuu li okila fin to Gálile, li kulako lóyi min kunaak kujukelul wahawu wabajumuu.

Hulimahu Hásuumaahu loon Lík akiic homuu 23:55

Kanaalaabuku kánabulumuu li Yéesu li etaamayi yata Gálile, li kunab li Suseef min kujuk huyaakahu, li foof buu ehuluŋayi yata Yéesu ehinteni lómuu eeno.

Hulimahu Hásuumaahu loon Lík akiic homuu 24:10

Kanaalaabuku umbuku buko koonomuu: Mali Madala, Saan li Mali jaawawu ata Saak. Kanaale kaabuku kan kunaboomuu li kulob manolamu kufootalaku.

Hulimahu Hásuumaahu loon Lík akiic homuu 24:33

Kúgoomaku kúl̥ubaaku li kuyaan kuyito kulaañ boot Yeelusalem. Kúliiŋ, li kutook bo Kufootalaku kuŋen li ano mawooge li kufaaliil kaabuku,

Hulimahu Hásuumaahu loon Lík akiic homuu 24:53

Kúliiŋ bó, kunaakut kukat kawoog li eluufayi yata Ateemit, min kunaak kusal Ateemit.

Hulimahu Hásuumaahu loon Lík akiic homuu 8:20

Bukanabuku li koon Yéesu: — Jaawi li kutuyi kumbuku tíyaŋ mayitowe, ban kufañe kujuki.

Bakaanelabu 2:1

Nan hunakahu hata kagaanaku kaaneyimuu Fantokot húliiŋumuu, bukanabuku káyinenumuu li Yéesu li kuwoog foofiil feh tin tano.

Bakaanelabu 2:42

Muñeˈe bukanabuku káyinenumuu li kuhanken to li kawoog, min kunaak kujanten kulimaku kan Kufootalaku kunaake kuliikeniilumuu. Li kujooŋoo to min kuloŋ buloŋ bata batuyaay, min kunaak kutiñum dín dáno, li kuhanken foof min kul̥aw Ateemit li mano.

Bakaanelabu 2:46

Li kunaak kujow hunakoohunak kujow kuwoog li kayinoo kano, li Eluufayi yata Ateemit. Li kunaak kutiñ hutiñahu hooli dín dáno li siluufasu sooliil, li ésuumansuum ló, li buyinum bájoobiye.

Bakaanelabu 6:4

Bale áloli, fan jijooŋoo to li kal̥awaku li kawaaleyaku kata hulimahu hata Ateemit.

Kata Lom 12:12

Jibaj ésuumansuum humum hata kákangumaku kooluul. Jímuñ bukuluul li sílaam. Jijooŋoo to li kal̥awaku.

1 Kata Koolent 14:13

Wahawu unwu újimuu, an alobe silob sahaasuti laate al̥aw Ateemit min asenool kájiyaku kata kaheb ésukayi waa silobasu unsu silobe.

Kata Efées 6:18

Jil̥aw nanoonan li búlambenum bata Buyinumabu Banabaabu. Jil̥aw Ateemit min alambenuul li wahoowah feh. Jíkaanum min jijooŋoo to li kal̥awaku, ban li jinaak jil̥aw boot li bukanabuku feh kata Ateemit.

Kata Kolos 4:2

Jihanken li kal̥awaku ban li jijooŋoo to li ko, min jinaak jisal Ateemit.