Bakaanelabu 1:13 - Jola-Kasa

¹³ Nan kúliiŋumuu Yeelusalem, li kuŋito kujow kulako li káfitaku dán kuwoogemuu. Káfitaku unku haatiya eluuf kulakowe. Kalako tomuu buko kommuu umbuke: Fiyeel, Saŋ, Saak li Andele, Fílib li Toma, Baatilime li Máciya, Saak an Alife abukumuu, Simoŋ alakomuu li hujojahu haaneyimuu Selot li Súd ata Saak.

Bakaanelabu 1:13 Referencias Cruzadas

Máciya 9:9

Yéesu li alako ejow, li ajuk ánayine áyababuhal an koone Máciya mabahe tan kuyabemuu búhalabu, li aanool: — Unábul lí ínje. Mal̥egen Máciya li ayito anab li akila.

Maak 14:15

Jiloboolumuu loon muñaˈa, fan áhiisuul haatiya eluufayi káfit kawuŋe kafaleyi jak, kabaje wahawu feh wan éetimuu jokolaal li wo. Li káfitaku unku jommuu li jilak sinaaŋasu boot li alolaal.

Maak 14:33

Yéesu li aŋa’ Fiyeel buko li Saak, li Saŋ, ájowetum. Li tóŋ kaanool buyina li kákoli.

Maak 2:14

Yéesu li alako ejow, li ajuk Lebi ata Alife, mabahe tin yabemuu búhalabu. Li aan Lebi: — Unábul lí ínje. Mal̥egen Lebi li ayito anab li akila.

Maak 5:37

Yéesu akatut an min anab li akila ábute li Fiyeel, li Saak li Saŋ ammuu atuyawu ata Saak.

Maak 9:2

Muñeˈe nan jowe bajumuu kunak koono hutok li hano, Yéesu li aŋa’ Fiyeel, Saak, li Saŋ, min kujow boot li huyuuy hagimbe kujow kulako dó baleyiil. Nan kúliiŋ dómuu, Yéesu li ábutoo hákiliil.

Hulimahu Hásuumaahu loon Lík akiic homuu 22:12

Jiloboolumuu loon muñaˈa, fan áhiisuul haatiya eluufayi, káfit káamak kabaje síbahumasu san éetimuu jokolaal li so. Li káfitaku unku jommuu jilak sinaaŋasu.

Hulimahu Hásuumaahu loon Saŋ akiic homuu 11:16

Muñeˈe Toma an koonemuu «Mál̥uba» li aan kúgoom kaabuku: — Kama ololaal foof ujowaal uketaal li mano li Anahaanawu oololaal!

Hulimahu Hásuumaahu loon Saŋ akiic homuu 14:22

Sudaas, (ábutimuu li Sudaas Isikaaliyot) li agel̥l̥en Yéesu aanool: — Anahaan, kama buu kaane lóoti ukaan min jihaasi, ban let ukaan min bukanabuku kata adunaayi kuhaasi?

Hulimahu Hásuumaahu loon Saŋ akiic homuu 18:17

Muñeˈe agoloolaawu afooyemuu kámbiilaku li agel̥l̥en Fiyeel aanool: — Kama awu foof kele ulet akee li kúgoomaku kata ánayinaawu ummu? Fiyeel li aanool: — A’aa’, inti ínje.

Hulimahu Hásuumaahu loon Saŋ akiic homuu 21:2

Simoŋ Fiyeel, li Toma (aaneyimuu Mál̥uba), li Natanayeel (ata ésukayi yata Kaana li etaamayi yata Gálile), li bañiilabu báyinaabu bata Sebede, li kúgoom kúl̥uba foof kata Yéesu, tin tano kulakowe.

Bakaanelabu 12:17

Muñeˈe Fiyeel li aŋa’ kaŋenool min akaaniil kulu, ban li akitteniil buu Amaaŋenawu áfulenumuloomuu li hukul̥ahu. Li alaañen aaniil: — Jilob mo Saak li kutuyolaal kaabuku. Ban li áfulul ajow boot bakee.

Bakaanelabu 15:13

Nan kubanumuu elobayi, Saak li aŋa’ hulimahu min aan: — Kutuyom jijantenom!

Bakaanelabu 2:14

Muñeˈe Fiyeel li ayito akila li Kufootalaku kaabuku kuŋen li ano min alob butiya aan: — Bukuluul jammuu kutuyom Kusuwif, li bukanabuku feh kakinumuu Yeelusalem, joote jihaas wahawu unwe, ban li jijanten jak kulimaku kan emmuu li ilobuul.

Bakaanelabu 2:38

Fiyeel li aaniil: — Jibet búsol buloŋabu booluul buhaanabu, min jítiiwo jiŋa’ buloŋ buwunkul. Banumuu, anoowan li bukuluul li ajow kúbatiisewool li kajaw kata Yéesu Kilisita, boot kabonket kata uhoofoolawu wooluul. Jikaan momuu, Ateemit fan asenuul kájiyaku kata Buyinumabu Banabaabu.

Bakaanelabu 20:8

Babbaj sihiitum sameeŋe ŋáa’ li káfitaku kata haatiya eluufayi dán jiwoogumuu.

Bakaanelabu 4:13

Muñeˈe kunahaanaku kata Kusuwifaku li kujuk koon Fiyeel buko li Saŋ kulollob li kabaneyiil. Nan kuhaasumuu koon kujangawut, ban foof kulet bukan káamak, li kusego ŋáa’. Li kuhaas foof koon Fiyeel buko li Saŋ kunaanaak kunaboo li Yéesu.

Bakaanelabu 4:19

Bale Fiyeel buko li Saŋ li kooniil: — Jitiib bukuluul humumuul min jijuk, mantee coccol hákil Ateemit, min áloli jihoy bátuul Ateemit, min jítuuluul.

1 Kata Koolent 15:7

Nan fúlum tómuu, li áfu’ Saak ban kit kufootalaku feh.

Kata Galasi 1:19

Ijukut afootal akee. Saak bale lijuke ammuu atuyawu ata Amaaŋenawu.

Kata Galasi 2:9

Muñeˈe Saak buko li Fiyeel li Saŋ, kajokimuu loon buko kommuu siyiilasu sata Ejanguwaayi, kuhahhaas koon Ateemit lasenonsen káji min ikaan bulokabu umbu. Mó mújimuu, li kúyaboli kuŋen ínje li Balunabaas, min kúhiis kaanaku dín dáno joom li buko, min lako áloli jijow jilok li bukanabuku kaletumuu kusuwif, buko li kujow kulok li kusuwifaku.

Saak 1:1

Injé Saak, ammuu aloka ata Ateemit li ata Amaaŋenawu, ikiice eleetalayi inye. Injé ummu li kasaaf bukanabuku feh kata Ateemit, kayiisoomuu kujow koono tanootan li adunaayi feh.

2 Saŋ 1:1

Injé Anahaanawu, ikiiculo boot li Anaalaawu an Ateemit al̥usumuu, li boot li kuñoolool kan íboolimuu li mal̥egen. Inti ínje balewom íbooliwuul, bale bukanabuku feh kahaasumuu mal̥egenamu kúbooliwuubooli foof.

Eleetalayi yan Súd akiicumuu 1:1

Injé Súd ammuu aloka ata Yéesu Kilisita li atuy ata Saak ikiiculo eleetalayi inye. Likikkiic yo boot li bukuluul kan Ateemit Atuubaawu ahooñumuu, li bukuluul kan afañumuu ban li afooyuul boot bil li Yéesu Kilisita.