Kata Lom 12:12 - Jola-Kasa

¹² Jibaj ésuumansuum humum hata kákangumaku kooluul. Jímuñ bukuluul li sílaam. Jijooŋoo to li kal̥awaku.

Kata Lom 12:12 Referencias Cruzadas

Máciya 5:12

Esúumahukow yáamak elako li bukuluul, ban li jíbaaloo, mata bacaamabu booluul fan buluuk ŋáa’ li emitayi. Mata li mal̥egenamu, muñaˈa kunaake kúlaamenumuu kufulofetaku kalako to nomuu tówum bukuluul.

Hulimahu Hásuumaahu loon Lík akiic homuu 10:20

Bale jakum ésuumansuum elako li bukuluul min uyinumawu wajakutumuu útuuluulumuu. Esúumansuum yoote elako li bukuluul min ujawawu wooluul ukiicimuu li emitayi.

Hulimahu Hásuumaahu loon Lík akiic homuu 21:19

Jítukumuu lit, fan jifaken buloŋabu booluul.

Hulimahu Hásuumaahu loon Lík akiic homuu 8:15

Etaamayi yajakumuu, yo yommuu bukanabuku kajamumuu Hulimahu hata Ateemit kuban, li kuyab ho li buyinum bajake ban li kul̥egen. Li kuhanken min kútuk káyinenaku kooliil lit yok kubaj ebukoolum.

Bakaanelabu 1:14

Buko feh kunaanaak kujamoo min kuwoog boot kal̥aw, famen to kanaale kukee. Li kanaalaabuku umbuku Mali ammuu jaaw ata Yéesu to lalakowe, li kutuyaku foof kata Yéesu.

Bakaanelabu 12:5

Mal̥egen li kufooy Fiyeel li hukul̥ahu jak. Bale kata ejanguwayi li kuhanken min kul̥aw Ateemit boot li akila.

Bakaanelabu 2:42

Muñeˈe bukanabuku káyinenumuu li kuhanken to li kawoog, min kunaak kujanten kulimaku kan Kufootalaku kunaake kuliikeniilumuu. Li kujooŋoo to min kuloŋ buloŋ bata batuyaay, min kunaak kutiñum dín dáno, li kuhanken foof min kul̥aw Ateemit li mano.

Bakaanelabu 6:4

Bale áloli, fan jijooŋoo to li kal̥awaku li kawaaleyaku kata hulimahu hata Ateemit.

Kata Lom 15:13

Ateemit asenemuu kákangum, ajow akaanuul jibaj ésuumansuum yáamak, ban li akatuul kásuumaay káamak humum hata káyinenaku kooluul, mantee kákangumaku kooluul li kuluuk ŋáa’ li búkaanum bata sembaasu sata Buyinumabu Banabaabu.

Kata Lom 15:4

Wahawu feh wakiici nomuu kat to, ukiicikiic boot kaliikenolaal wah. Li mal̥egenamu, Bakiicelabu busenewolaasen kátintimben min útukaal lit, boot yok nan oomaalumuu li ubajaal wahawu wan úkangumaalumuu li wo.

Kata Lom 2:7

Fan asen buloŋabu bábaneliitumuu bukanabuku kahankenumuu li kakaan majake, ban li kuŋes máyiineni, kasal li buloŋ bata boot nanoonan.

Kata Lom 8:25

Bale úkangumaalumuu li wah wan ujukolutaal, fan ukobaal wo li húmuñ ló.

1 Kata Koolent 13:13

Muñeˈe wahawu unwe úhaaji wóomi tómuu boot nanoonan: káyinenaku, kákangumaku, li húbooliyahu, ban húbooliyahu huhaŋumuu feh li wahawu unwu úhaaji.

2 Kata Koolent 12:8

Lil̥awe ñoono ñáhaaji Amaaŋenawu mantee li afakenom li sílaamasu unsu.

Kata Fílib 3:1

Kutuyom, hulimom húbanum ho hommuu ésuumansuum elako li bukuluul humum hata hujamoolahu hooluul li Amaaŋenawu. Kaanutom wahoowah min ilaañen ilobuul wahawu wan ikiiceenuluumuu, ban mo haŋ majak boot li bukuluul.

Kata Fílib 4:4

Jibaj nanoonan ésuumansuum mata min jommuu bukan kata Amaaŋenawu. Ilaañen ilob mo: Jibaj ésuumansuum.

Kata Kolos 1:11

Alóli jil̥awe Ateemit min alitenuul li wahawu feh li sembaasu soola sáyiineniyaasu, mantee li jiyili jímuñ wahoowah li hujokoo ló.

Kata Kolos 1:27

Ateemit lakankaan mo, mata lafanfañ min áhiis bukanabuku koola, majakamu mata wahawu woola wahaasutimuu, li máyiineniyamu mata wo boot li bukanabuku feh. Wahawu unwu wahaasutimuu wo wommuu: Kilisita ummu li anoowan li bukuluul, ban li akaanuul jíkangum kaanaku, fan jilako li máyiineniyamu mata Ateemit.

Kata Kolos 4:12

Efafulaas ammuu foof an ooluul, lasaafuluul. Lakankaan aloka ata Yéesu Kilisita, ban akatut kal̥aw súf boot li bukuluul, bájum li jítuk lit ban li jank jijow jikiben li káyinenaku kooluul, min jinaak jikaan li mal̥egen loon Ateemit afañumuu.

Kata Kolos 4:2

Jihanken li kal̥awaku ban li jijooŋoo to li ko, min jinaak jisal Ateemit.

1 Kata Tesalonik 1:3

Li mal̥egenamu, jiwayil̥owewayil̥o hákil Ateemit Atuubaawu buu káyinenaku kooluul kujukimuu li baloŋelabu booluul, buu húbooliyahu hooluul hújiwuulumuu li jihanken min jilok, li buu kákangumaku kan jibajumuu li Amaaŋenawu kájiwuulumuu li jítuk lit.

1 Kata Tesalonik 5:8

Bale alolaal bañiil bata etihunaka loomaal, ban ootut uwuuhenaal li wahoowah. Lootaale uŋalaal káyinenaku li húbooliyahu kulako ebangalayi yoololaal yaŋali kaan kájufo. Kákangumaku kata fan ufakaal ko kommuu li kulako káhandolaal kata mañ.

2 Kata Tesalonik 1:4

Mó mújimuu, áloli húmumoli li jinaak jisaloolo mooluul li sijanguwasu sata Ateemit, mata min bukuluul jítukumuu lit ban li jiloŋ li jíyinen li Yéesu, maayeet min bukanabuku kúlaamenuulumuu ban li kuyokenuul ŋáa’.

2 Kata Tesalonik 3:5

Amaaŋenawu ajow akaan min jíbooli Ateemit li uyinumuul, ban li akatuul húmuñahu han Kilisita asenemuu.

1 Tímote 6:11

Bale awu, ammuu an ata Ateemit, utey wahawu unwu feh. Uŋes min ulako an acole, an átuke li Ateemit, an ata káyinen, an ata húbooli, an ayilo húmuñ li an ájoobiye buyinum.

2 Tímote 3:10

Awu lunannab jak li baliikenelabu búmbaam, makaanelamu múmbaam, wahawu wan iyinoomuu kakaan, káyinenaku kúmbaam, húmuñahu húmbaam, húbooliyahu húmbaam, li kahankenaku kúmbaam;

Eleetalayi yan Fool akiicumuu Tit 2:13

Muñowu lóotumaalumuu ukobaal hunakahu hásuumaahu han úkangumaamuu li ho. Hunakahu nan máyiineniyamu mata Ateemitawu oololaal áamakawu ammuu Yéesu Kilisita Afakenaawu oololaal, mommuu li múlaŋul.

Eleetalayi yan Fool akiicumuu Tit 3:7

Ateemit lakankaan mo, bájum li ujokaali bukan kacole humum hata kájiyaku koola, min buloŋabu bábaneliitumuu ban úkangumaamuu li bo bulako boololaal.

Eébulo 10:32

Jiwayil̥o wahawu wabaj nomuu li kunakaku kútinaalaku nan jibilumuu li mawuŋaamu mata Ateemit. Jiyansaan jibaj no sílaam sáamak li bútaj básengiye ŋáa’.

Eébulo 10:36

Tootook min jihanken min jítuk lit, jiyiliwum jikaan wahawu wan Ateemit afañumuu, min jíbajum tó wahawu wan alobumuu kasen.

Eébulo 12:1

Alolaal humumolaal foof, emmuu lubajaale bukan kameeŋe ŋáa’ káguutolaal ban li kóomi bukittenoolum humum hata káyinenaku kooliil, kama lootaale uhoyaal búteb banooban bayilo búhilolaal újowumaal, háŋum kahoofoolaku kahulutumuu li kugolenolaal, min uhankenaal min uteyaal eteyayi yan koonolaamuu uteyaal.

Eébulo 3:6

Bale Kilisita lakankaan wahawu feh wan áatimuu akaan, loon ammuu Añiilawu an kukatumuu eluufayi yata Ateemit aaken. Ban alolaal oomaalumuu eluufayi yata Ateemit, nokoomuu loon lútukaatuk jak li káwooluwaku li kákangumaku kan súumolaamuu li ko.

Eébulo 5:7

Nan Yéesu alakomuu li buloŋ baabe li etaam, lanaanaak al̥aw ban li ayaakoo Ateemit li sikaaw butiya li muhuu ló. Lakankaan mo mata Ateemit ayiliyeenumuu afakenool li eketayi. Ateemit li ayab kal̥awaku kata Yéesu mata látuulootuul.

Eébulo 6:12

Jakum kahankenaku kooluul kúyaakulo, bale jiliikoo li bukanabuku káyinenumuu ban li kuhanken, li kuyab wahawu wan Ateemit alobumuu kasen.

Eébulo 6:15

Mal̥egen Abulaham li ahanken min akob, li abaj wahawu wan Ateemit alobumuu kasenool.

Saak 5:7

Kutuyom, jimunten boot yok nan Amaaŋenawu ammuu li abil. Jilaso awaña min jijuk buu lakaanemuu. Awaña fan abeben min akob min wahawu wan awañumuu li etaamayi usenool mutiñaay majake. Ban fan akob boot yok nan mutiñaayamu man awañumuu mommuu li maal emitayi basaye.

1 Fiyeel 4:13

Bale emmuu jumbuku ló li sílaamasu sata Kilisita, ésuumansuum yoote kama elako li bukuluul, bájum li jibaj foof ésuumahukow yáamak nan Kilisita ammuu li áhiis máyiineniyamu moola bukanabuku feh.

1 Fiyeel 4:7

Kabanaku kata wahawu feh kúkoojulo. Jilako bukan kájallowe ban jakum jiwuuhen li wahoowah, min jinaak jil̥aw.

2 Fiyeel 1:6

li jiŋa’ eyili hujokoo jifamen to li kahaasaku kan jihaasumuu Ateemit, li jiŋa’ kátuk lit jifamen to li eyili hujokoo, li jiŋa’ kákoli Ateemit jifamen to li kátuk lit.

Búhiisenumabu 13:10

An áami tómuu boot bil jajok, fan abil ajoki kul̥. An áami tómuu boot min abil amukumi li ékundu, manooman ékundu fan emukool. Wahawu unwu újimuu bukanabuku kata Ateemit koote kútuk tó lit, ban li kubaj káyinen.