Eébulo 10:25 - Jola-Kasa

²⁵ Jakum ukataal bo kuwoogaku koololaal loon kukee kukaanemuu, bale unaak uwankulenoolaal, emmuu kama jijuke kaanaku hunakahu hata Amaaŋenawu húkoojulo.

Eébulo 10:25 Referencias Cruzadas

Máciya 10:15

Li mal̥egenamu fan ilobuul, li hunakahu nan Ateemit ammuu li atiib bukanabuku, katekaku kata bukanabuku kata ésukayi inyu fan kuhaŋ másengi kata bukanabuku kata Sodom li kata Gomool.

Máciya 18:20

Mata tan bukan kúl̥uba mantee foof kúhaaji kujoje li kajawaku kúmbaam, ínje ummu li tutiil.»

Hulimahu Hásuumaahu loon Saŋ akiic homuu 12:48

An ahoyommuu ban li ahoy bayab kulimaku kúmbaam, labaje atiiba: hulimahu han iloboolumuu, ho hommuu hubil hutiibool li hunakahu húbanumahu.

Bakaanelabu 16:16

Li líiŋ hunak hukee áloli li ejow ban ésukayi el̥awemuu, jiloka jísungute li jibil jifam. Jísungutaaju unju buyinum bajakut bújufo jó, min bunaak bukaan jo jilob wahawu wammuu li ubaj. Elobayi inyu yan alobemuu ákibben li éji kunahaanaku kata jo li kubaj sídalam sáamak.

Bakaanelabu 2:1

Nan hunakahu hata kagaanaku kaaneyimuu Fantokot húliiŋumuu, bukanabuku káyinenumuu li Yéesu li kuwoog foofiil feh tin tano.

Bakaanelabu 2:42

Muñeˈe bukanabuku káyinenumuu li kuhanken to li kawoog, min kunaak kujanten kulimaku kan Kufootalaku kunaake kuliikeniilumuu. Li kujooŋoo to min kuloŋ buloŋ bata batuyaay, min kunaak kutiñum dín dáno, li kuhanken foof min kul̥aw Ateemit li mano.

Bakaanelabu 20:7

Li líiŋ li hunakahu hútinaalahu hata esimenayi, li jiwoogoo boot kamunculoo húmbuuluwahu. Fool li alako elob li bukanabuku káyinenumuu. Emmuu hunak hukaten láami li ajow, li awaale kale hukahu hujow hulit ŋáa’.

Kata Lom 12:8

Li nokoo loon an abaje káji kata kawankulen bukan, li awankuleniil. An li abaj káji kata naak kasen bukan wah, jakum anaak atii baseniil wo. Li bil nokoo loon an abaje káji kata kaaken ésuk, li ajooŋoo to min ajokiil jak. An li abaj káji kata káyiyen bukan, li akaan mo li ésuumansuum ló.

1 Kata Koolent 11:20

Nan jiwoogemuu, let hutiñahu hata Amaaŋenawu jitiñemuu.

1 Kata Koolent 14:23

Kama nokoomuu loon ejanguwayi foof yo feh ewooge, bukanabuku feh li kulob silob sahaasuti, ban bukan kahaasut to wahoowah li bukan káyinenut li kúnokenul ló, inti fan koon bukuluul kúkowuul kúsuumut?

1 Kata Koolent 14:3

Bale afulofet, fan alob li bukanabuku min akaaniil kank li káyinenaku kooliil, li awankuleniil, li átintimbeniil foof.

1 Kata Koolent 3:13

bulokabu boola fan bubil búfulul bujuki li hunakahu hata batiibabu. Li hunakahu unhu, Ateemit fan aŋa’ sambun min ayoob bulokabu bata anoowan, min anoowan ahaas bulok buu lakaane.

1 Kata Koolent 5:4

Jiwoogumuu li kajaw kata Amaaŋenawu Yéesu, buyinumabu búmbaam fan bulako li bukuluul. Li sembaasu sata Amaaŋenawu oololaal Yéesu Kilisita,

Kata Fílib 4:5

Jikaan min bukanabuku feh kuhaas májoobi buyinumabu mooluul. Amaaŋenawu muñeˈe li álaañul.

1 Kata Tesalonik 4:18

Mó mújimuu joote jítintimbenoolum li kulimaku unku.

1 Kata Tesalonik 5:11

Mó mújimuu, jinaak jiwankulenoo ban li jítintimbenoo loon jifimmuu min jikaane.

Eébulo 10:24

Lootaale ufooyoolaal ban li unaak uwankulenoolaal, mantee li ubajaal húbooli ban li unaak ukaanaal majake.

Eébulo 10:37

Li mal̥egenamu, Bakiicelabu bonsoon: «Saŋowe jatit bale, ban let fiyo maayeet, tówum anawu ammuu li abil abilum. Let fiyo abilum.»

Eébulo 13:22

Kutuyom, ínje ummu li kal̥awuul min jibeben beb min jijanten kulimaku unke kammuu kata kawankulen. Ban fimaa kulim katoge likiiculuul.

Eébulo 3:13

Joote kama jinaak jiwankulenoo nanoonan nan uyiliyaale oonaal «síyaat» yan Bakiicelabu bulobemuu mata yo, bájum jakum an li bukuluul ahoy bánaanum, min akat kahoofoolaku min kubuntool.

Saak 5:8

Bukuluul foof jikokkoben, ban li jítuk lit, mata ebilayi yata Amaaŋenawu ékoojulo.

1 Fiyeel 4:7

Kabanaku kata wahawu feh kúkoojulo. Jilako bukan kájallowe ban jakum jiwuuhen li wahoowah, min jinaak jil̥aw.

2 Fiyeel 3:11

Emmuu wahawu feh fan úbujo loon muñowu, kama joote jínaanum wáa jóotimuu jikaan. Baloŋelabu booluul boote bunab, ban li jibaj kákoli kata Ateemit.

2 Fiyeel 3:14

Kutuyom kan iboolaat, wahawu unwu újimuu, li kakobaku kata hunakahu unhu, joote jikaan manooman min jilako bukan kasete, bukan kan an aatut ayili alob majakut aya li buko hákil Ateemit, ban li jibaj kajamoo li Ateemit.

2 Fiyeel 3:9

Amaaŋenawu let fiyo ákaanum wahawu wan alobumuu kakaan, maayeet min kukee kuyinoomuu li koon láyoocenyoocen. Labebembeben li bukuluul, mata afañut min an ájim, bale lafañe min bukanabuku feh kuyili kubet búsol buloŋabu booliil bajakutumuu.

Eleetalayi yan Súd akiicumuu 1:19

Bukanabuku umbuku kátuulutumuu Ateemit bukomuu! Buko kutiiloolemuu bukanabuku. Li uyinoolawu wooliil bale kunabemuu, ban Buyinumabu bata Ateemit bulet li buko.