Bakaanelabu 14:22 - Jola-Kasa

²² Li kuwankulen kúgoomaku, ban li kooniil kútuk lit káyinenaku kooliil. Li kunaak foof kooniil: — Lootaale úlaamaal ŋáa’ tówum unokenaal li Jáyiiyaju jata Ateemit.

Bakaanelabu 14:22 Referencias Cruzadas

Máciya 10:38

An atebutumuu ekuluwaayi yoola tan ayilimuu aket, min ánabul lí ínje, áliiŋut min aani úmbaam.

Máciya 16:24

Nan fú’ tómuu, Yéesu li aan kúgoomaku koola: — An afañumuu min ánabul lí ínje, li akat kayinoo mata buloŋool. Ateb ekuluwaayi yoola, min ánabul lí ínje.

Máciya 19:24

Boot min ilaañen eenuul, séngisengi min eñonkom énokenum li ésuuh yata ekikum, bale haŋ másengi ŋáa’ min usaanum unoken li Jáyiiyaju jata Ateemit.

Maak 10:30

fan abaj muñeˈe li taŋayi inye ñoono éteemeel, siluuf, li kutuyaay, li kúliinaay, li sijaawaay, li bañiil, li ul̥aak. Bale bukanabuku fan kúlaatenool, ban fan abil abaj buloŋabu bábaneliitumuu li taŋayi yabilemaa.

Maak 9:47

Li bil nokoo loon jíkilaju jooli joote jíjiyi li ulo li kahoofoo, úkool̥ul jó ubeten. Kóyume min unoken li Jáyiiyaju jata Ateemit li jíkil jano bale, awu babaje kúkil kúl̥uba ban li ubeteni li sambunasu sáhokoweliitumuu,

Hulimahu Hásuumaahu loon Lík akiic homuu 24:26

Kama Afakenaawu aateenut álaam loon muñowu átowum alako li máyiineniyamu moola?

Hulimahu Hásuumaahu loon Saŋ akiic homuu 15:18

Yéesu li afamen aan: — Bukanabuku kata adunaayi kulatuulumuu, jihaas kaanaku ínje kujande kulat.

Hulimahu Hásuumaahu loon Saŋ akiic homuu 15:20

Jiwayil̥o hulimahu han ilobuulumuu eenuul: «Aloka ahaŋut anahaanawu oola.» Kucoocommuu, fan kucoocuul foof. Kuŋa’muu hulimahu húmbaam kukaan li uyinumiil min kuloŋ loon hulobumuu, fan kuŋa’ hooluul foof kukaan li uyinumiil min kuloŋ loon hulobumuu.

Hulimahu Hásuumaahu loon Saŋ akiic homuu 16:33

Lilobuulob loon muñaˈa mantee li jíbajum kásuumaay lí ínje. Fan jílaam ŋáa’ li adunaayi, bale sákoluul. Injé liheeheek adunaayi.

Hulimahu Hásuumaahu loon Saŋ akiic homuu 3:5

Yéesu li aanool: — Li mal̥egenamu fan ilobi: an ayilaat anoken li Jáyiiyaju jata Ateemit, okila babukutumi li mal, li Buyinumabu Banabaabu. An abukumi li atuuba áami an, fan alako an.

Bakaanelabu 11:23

Nan áliiŋumuu, li ajuk kájiyaku kata Ateemit li bukanabuku káyinenumuu, li súumool ŋáa’. Li awankuleniil foofiil feh mantee li kútuk lit káyinenaku li Amaaŋenawu.

Bakaanelabu 11:26

Nan ajukumuu Sóol, li ájowetumool boot Antiyok. Li kulako buko kúl̥uba emit feh, li ejanguwayi yata bo, min kuliiken Hulimahu hata Ateemit bukan kameeŋe. Li ésukayi inyu yata Antiyok, to bukanabuku kútoŋumuu kuhooñ kúgoomaku ekelecen.

Bakaanelabu 11:29

Muñeˈe kúgoomaku li kujamoo min koon anoowan li buko laate asen wah wan ammuu ayili asen, min kuboñ wo boot kalamben kutuyiil kakinumuu li etaamayi yata Súde.

Bakaanelabu 13:43

Nan bajojabu buyiisumuu, Kusuwif kameeŋe li bukan kameeŋe kátiiwomuu kuŋa’ bútinabu bata Kusuwifaku, li kunab li Fool buko li Balunabaas. Fool buko li Balunabaas li kulob li buko, ban li kuwankuleniil mata min kujok jak kájiyaku kata Ateemit.

Bakaanelabu 14:20

Bale nan káyinenumuu kubilumuu kúguutool, Fool li ayito ban li ajow anoken li ésukayi. Hunak hukaten, li anaboo li Balunabaas kujow boot Delubi.

Bakaanelabu 14:28

Fool buko li Balunabaas li kulako to fiyo li kúgoomaku.

Bakaanelabu 15:32

Súd buko li Silaas kulakomuu buko humumiil foof kufulofetaku, li kulob fiyo li kutuyiil káyinenumuu min kuwankuleniil, li kuliteniil li káyinenaku kooliil.

Bakaanelabu 15:41

Fool li ájowum li etaamayi yata Siili alo li yata Silisi, min anaak awankulen sijanguwasu li káyinenaku kan sibajumuu.

Bakaanelabu 18:23

Muñeˈe nan alako tomuu fiyo jatit, li ahaaŋ. Li ajand ájowum li etaamayi yata Galasi alo li yata Filiisi, min aliten kúgoomaku feh li káyinenaku kooliil.

Bakaanelabu 6:7

Hulimahu hata Ateemit li hunaak huhaŋ majamo huyinno bo. Kúgoomaku li kuhaŋ mameeŋ li ésukayi yata Yeelusalem. Kúlamba kameeŋe li kúyinen li Yéesu.

Bakaanelabu 9:16

Injé humumom fan íhiisool sílaamasu feh san áatimuu álaam boot mata ínje.

Kata Lom 8:17

Oomaalumuu bañiil bata Ateemit, fan foof uyabaal wahawu wan alobumuu kasen bukanabuku koola, ban fan uyabaal wo li Kilisita ló. Nokoomuu loon li mal̥egen lúlaamaalaam sílaamasu sata Kilisita lí ákila ló, fan foof ulakowaal li máyiineniyamu moola lí ákila ló.

1 Kata Koolent 1:8

Ateemit ammuu li asenuul sembe min jítuk lit boot yok li húbanumahu, jakum bil an ayili ajuk li bukuluul majakut li hunakahu nan Amaaŋenawu oololaal Yéesu Kilisita ammuu li abil.

Kata Fílib 1:29

Li mal̥egenamu, Ateemit lasenuusen káji kata min jíyinen li Kilisita, bale foof min jílaam boot li akila.

Kata Kolos 1:23

Bale yo yommuu bukuluul bátuke lit ban li jijooŋoo to li káyinenaku, ban jakum jikat bo kákangumaku kan jibajumuu li Hulimahu Hásuumaahu han jijamumuu. Hulimahu unhu Hásuumaahu ho huwaaleyimuu bukanabuku feh kammuu li etaamayi, ban ínje Fool aloka ata ho leem.

1 Kata Tesalonik 3:13

Ateemit ajow aliten uyinumawu wooluul mantee li jilako bukan kanabe, li bukan kan Ateemit ammuu Atuubawolaal ajukut majakut manooman li buko, nan Amaaŋenawu oololaal Yéesu ammuu li abil li bukanabuku koola feh kanabaaku.

2 Tímote 1:8

Mo emmuu jakum usuu balob mata Amaaŋenawu oololaal, ban jakum usuu mata ínje íji ammee li hukul̥ humum hoola. Bale úlaam loon ínje boot mata Hulimahu Hásuumaahu, min úkangum li sembaasu san Ateemit asenemuu.

2 Tímote 3:12

Fiimaa bukanabuku feh kafañumuu min kuloŋ buloŋ bata kátuul Ateemit li hujokoolahu hoololaal li Kilisita Yéesu, fan kúlaameniil.

1 Fiyeel 2:21

Wahawu unwu Ateemit ahooñuulumuu boot, mata Kilisita humumool lálallaam boot li bukuluul. Lakatuukat to bukittenoolum bájum li jinab li kootaku koola.

1 Fiyeel 5:10

Boot min fan jílaam jakee, bale Ateemit akilumuu káji kanookan, lahooñuuhooñ jijow jilako li máyiineniyamu moola mata boot nanoonan li hujokoolahu hooluul li Yéesu Kilisita. Akila humumool fan akaanuul jilako bukan kanabe, fan alitenuul, fan asenuul sembe, ban li akaanuul tin l̥aal̥e tan wah wootut uyili úhooluluul.

1 Fiyeel 5:9

Jilaal̥owool ban li jítuk lit li káyinenaku, min jiwayil̥o joon kutuyuul kammuu tanootan li etaamayi, sílaamasu sanolasu kooke.

2 Fiyeel 1:11

Li mal̥egenamu, muñowu Ateemit ammuu li akaanuul min jiyili jinoken li Jáyiiyaju jaano tomuu boot nanoonan, jata Amaaŋenawu li Afakenaawu oololaal Yéesu Kilisita.

Eleetalayi yan Súd akiicumuu 1:3

Kufaalom kan iboolaat, lifañeene ŋáa’ min ikiiculuul mata kafakaku kammuu koololaal foofolaal feh. Bale muñeˈe lijuke een leete ikiiculuul kayitee li iwankulenuul min jitaj boot li káyinenaku kan Ateemit asenumuu bukanabuku koola ñano boot nanoonan.

Búhiisenumabu 1:9

Laale ínje Saŋ, ammuu atuyuul. Injé li bukuluul an ano loomaal li Yéesu Kilisita. Mó mújimuu ínje li éemi afaaluul li sílaamasu san oomaalumuu li so. Li éemi foof an ata Jáyiiyaju jata Ateemit loon bukuluul, li kahankenaku kan oomaalumuu li ko. Injé kujokonjok kújowetum kujow kukaan li étebelemukayi yan koonemuu Fatumoos, mata liwaalewaale Hulimahu hata Ateemit, ban li ilob mal̥egenamu man Yéesu áhiisumuu.

Búhiisenumabu 2:10

Jakum úkoli sílaamasu sakobemuu li awu. Ujuke to, Sayitaane fan abet bukan kameeŋe li bukuluul li hukul̥ min ayoobuul min ajuk. Fan jilako li sílaam kunak koono kuŋen. Utúk lit boot yok hunak eketi. Ukaan momuu, fan iseni buloŋ bábaneliit bulako bacaami.

Búhiisenumabu 7:14

Li eenool: — Awu baleyi uhaase, amaaŋen. Muñeˈe li aanom: — Buko kommuu bukanabuku kálaamumuu sílaamasu sáamakasu. Kufoffos újufowawu wooliil, ban li kuŋa’ húsimahu hata Agálalaanawu min kukaan wo uhiit.