Bakaanelabu 14:21 - Jola-Kasa

²¹ Fool buko li Balunabaas li kuwaale Hulimahu Hásuumaahu li ésukayi yata Delubi. Bukan kameeŋe li kulako kúgoom. Fúlum tó, li kulaañ boot Lisit, li Ikóniyom, li Antiyok yata Fisidi.

Bakaanelabu 14:21 Referencias Cruzadas

Máciya 28:19

Jijow boot bata bukanabuku feh kammuu tanootan li etaamayi, min jikaaniil kulako kúgoom kúmbaam. Ban li jíbatiiseyiil li kajawaku kata Atuubaawu, li kata Añiilawu, li kata Buyinumabu Banabaabu.

Bakaanelabu 13:14

Muñeˈe li kújowum Feelus, kuhaaŋ boot li ésukayi yata Antiyok yata Fisidi. Li líiŋ li hunakahu hata húyiiyaayahu hata Kusuwifaku, li kunoken li eluufayi yata kal̥awaku kujow kubah.

Bakaanelabu 13:51

Fool li Balunabaas li kuhank buko kúl̥uba kafolaku kata kootaku kooliil min kúhiis kaanaku ésukayi inyu éjimumuu inti li buko bilumulo, ban li kujow boot Ikóniyom.

Bakaanelabu 14:1

Muñeˈe nan Fool buko li Balunabaas kúliiŋumuu Ikóniyom, li kunoken foof li eluufayi yata kal̥awaku, min kuwaale Hulimahu hata Ateemit yok Kusuwif li bukan kákaanumut li Ateemit balewool kameeŋe kúyinen.

Bakaanelabu 14:15

— Kúfaaloli, wáa újiye li jóomi li jikaan loon muñaˈa? Olóli foof bukan joom loon bukuluul. Jiŋaluluuŋa’ Hulimahu Hásuumaahu mantee kay li jikat bo kuteemitaku umbuku kaletumuu kuteemit kata mal̥egen, min jítiiwo jinab li Ateemit aloŋumuu, áwuwenumuu emitayi, li etaamayi, li halahu, li wahawu feh wáami dómuu.

Bakaanelabu 14:19

Kusuwif li kubilum Antiyok yata Fisidi, li Ikóniyom. Li kukaan búsukabu búyinen li buko, min kutek Fool kuyitik boot kumuk, ban li kúhuulool kúfuletum tíyaŋ ésukayi, mata kunaanaak kuyinoo li koon lakeeket.

Bakaanelabu 14:26

Li kújufowum tó Atali li ébato boot Antiyok, yammuu ésukayi tan kuŋaliilumuu kukat li kájiyaku kata Ateemit boot kakaan bulokabu ban kukaanumuu.

Bakaanelabu 14:6

Bale nan Fool buko li Balunabaas kuhaasumuu uyinoolawu wooliil, li kutey boot li sísukasu san koonemuu Lisit li Delib, sammuu li etaamayi yata Likawoni, li halaabahu hata bo.

Bakaanelabu 14:7

Bo umbu foof, li kuwaale bo Hulimahu Hásuumaahu.

Bakaanelabu 14:8

Muñeˈe li baj li ésukayi yata Lisit ánayine akee ayilaat ayito, mata labobobobo. Kábilum nan abukimuu lakaje, ban afinut min abile ayili ajow.

Bakaanelabu 15:36

Muñeˈe li fiyo jakee, Fool li aan Balunabaas: — Ulaaña ujaˈa uyooba kutuyola káyinenumuu, kammuu li sísukasu feh ban uwaaleyaalumuu Hulimahu hata Amaaŋenawu, ujow ujukula buu kukaan bo.

Bakaanelabu 16:2

Káyinenumuu li Yéesu kalakomuu li ésukayi yata Lisit li kata ésukayi yata Ikóniyom, li kunaak kulob majake bale kuya li Tímote.

Bakaanelabu 2:47

Li kunaak kukijen ukijen wata kasal Ateemit. Li kúsuum bukanabuku feh. Amaaŋenawu li anaak afamen hunakoohunak li huwoogahu hooliil, bukanabuku kan afakenumuu.

2 Tímote 3:11

li jálaatenaju jan kúlaatenommuu, li sílaamasu súmbaam. Luhaase wahawu feh wabajommuu li ésukayi yata Antiyok, li yata Ikóniyom li yata Lisit, li buu kúlaamenom bomuu eeno. Bale Amaaŋenawu lafakenonfaken li wahawu unwu feh.