1 Kata Koolent 14:6 - Jola-Kasa

⁶ Kutuyom, muñowu ibilumuu booluul íliiŋul li ilob li bukuluul li silob san jihaasut, jáliŋ buu léemi li ibaj li bukuluul? Let íjaliŋuul wahoowah, mantee yo yommuu ínje bakitteneluul hulim han Ateemit alobom, mantee wah wan ihaase, mantee hulim habilumulo li Ateemit, mantee foof li iliikenuul wah ukee.

1 Kata Koolent 14:6 Referencias Cruzadas

Máciya 11:25

Muñeˈe no unnu, Yéesu li aan: — Lisali, Ateemit Atuubawom, awu ammuu Amaaŋen ata emitayi li etaamayi, mata luyoyyo wahawu unwu bukanabuku kájallomuu li katuukomuu, min úhiis wó bañiilabu.

Máciya 16:17

Yéesu li aanool: — Awólo Simoŋ, añiil ata Sonaas, mata inti an áhiisi wahawu unwu, bale Atuubawom ammuu haatiya.

Máciya 16:26

Jáliŋ buu yoom to, an babaje wahawu feh wata adunaayi, ban li aŋa’ yaalayi yoola min acaam? Mantee foof, waa an ayilo aŋa’ min ahal boot mata yaalayi yoola?

Bakaanelabu 2:42

Muñeˈe bukanabuku káyinenumuu li kuhanken to li kawoog, min kunaak kujanten kulimaku kan Kufootalaku kunaake kuliikeniilumuu. Li kujooŋoo to min kuloŋ buloŋ bata batuyaay, min kunaak kutiñum dín dáno, li kuhanken foof min kul̥aw Ateemit li mano.

Kata Lom 15:14

Kutuyom, ínje humumom líyinenyinen kaanaku bukuluul jikankaan bukan kásuume ŋáa’; jihaase wahawu feh wan jóotimuu jihaas, ban jiyilo foof jinaak jisaaboo.

Kata Lom 16:17

Kutuyom, ínje ummu li kal̥awuul min jíkaanum bukanabuku kájiyemuu bugiiloo li bubaj li bukuluul, ban li kunaak kuceeŋ kulimaku kan kuliikenewuulumuu min kújimen bukanabuku káyinenumuu li Kilisita. Jíloyiyiil.

Kata Lom 6:17

Ateemit ajow asali: bukuluul jalakomuu naanaŋ emiikeel yata kahoofoo, muñeˈe jítuttuul li uyinumuul feh hulimahu han kuliikenuulumuu.

1 Kata Koolent 10:33

Jikaan loon ínje. Liŋeseŋes min ikaan bukanabuku feh súumiil li wahoowah feh. Iŋesut majake múmbaam bale, bale majakaamu mata bukanabuku feh, mantee li kufak.

1 Kata Koolent 14:1

Jijand jiŋes húbooli. Jiŋa’ uyinumuul feh jikaan li újiyawu wata Buyinumabu Banabaabu, háŋum kájiyaku kata min Ateemit álobum li bukuluul.

1 Kata Koolent 14:7

Muñowu nokoomuu li kal̥ok ehombol li kawel ekontiŋ. Ehombolayi el̥okutimuu jak, mantee foof ekontiŋayi etekuti jak, buu bukanabuku koote kuyili kahaas kawelaku kata yanooyan li so?

2 Kata Koolent 11:6

Nakee mal̥egen íseeliwut li elob, bale lihahhaas wah. Jikaanuukaan min jihaas wahawu unwu jak li makaane manooman ban li wahoowah feh.

2 Kata Koolent 12:1

Leete kama isaloolo, maayeet min bajut tomuu jáliŋ yanooyan. Muñeˈe boot min ilob mata uhimmowawu li wahawu wan Amaaŋenawu áhiisommuu.

2 Kata Koolent 12:7

Liyiliyeene isaloolo ŋáa’ humum hata uhimmowawu wájaahalenimuu wan Ateemit áhiisommuu, bale lakaanonkaan min ibaj sílaam sáamak li eniilayi yúmbaam, jakum bil isaloolo. Wahawu unwu újimuu amalaka ata Sayitaane li abil atekom jakum bil itebenoolo.

Kata Efées 1:17

Injé ummu min il̥awemuu Atuubaawu áyiineniyaawu ammuu Ateemitawu ata Amaaŋenawu oololaal Yéesu Kilisita, min ásenumuul bújallo li Buyinumabu ban li áhiisuul akila ammuu ayi, bájum li jiyili jihaasool jak.

Kata Efées 3:4

Jijanga komuu, fan jínaanum waa lihaas tomuu li wahawu wahaasutimuu li Kilisita.

Kata Fílib 3:15

Alolaal jaamaalumuu bukan kanke li káyinenaku li Yéesu, lootaale unaak uyinoolaal loon muñaˈa. Li bil nokoo loon babbaj tikee tan jibaje kayinoo kábuto, Ateemit fan áhiisuul to jak foof.

2 Tímote 2:14

Uwayil̥en wahawu unwu bukanabuku feh, ban li ulobiil hákil Ateemit ooniil, jakum kúmuyum mata kulim. Umúyawu unwu ubajut jáliŋ yanooyan. Woonosoono to boot kakajen bukanabuku kajantene komuu.

2 Tímote 3:10

Awu lunannab jak li baliikenelabu búmbaam, makaanelamu múmbaam, wahawu wan iyinoomuu kakaan, káyinenaku kúmbaam, húmuñahu húmbaam, húbooliyahu húmbaam, li kahankenaku kúmbaam;

2 Tímote 3:16

Bakiice banooban feh bukiicikiic li búlambenum bata Buyinumabu bata Ateemit, ban li bujak boot kaliiken mal̥egenamu, kajooŋulen, kacolen, li kaliiken bukan buloŋ bacole loon Ateemit afañumuu,

2 Tímote 4:2

uhanken min uwaale bukanabuku Hulimahu hata Ateemit, súum súumut. Uceeŋiil, li uwatateniil ban li uwankuleniil, ban li ubeben min uliikeniil ho.

Eleetalayi yan Fool akiicumuu Tit 3:8

Laalu hulim hata mal̥egen. Lifañe min ulob unooten mata kulimaku unku, mantee bukanabuku káyinenumuu li Ateemit li kujooŋoo to li mal̥egen min kukaan wah wajake. Wahawu unwu ujakumuu ban li ubaj jáliŋ li bukanabuku feh.

Eébulo 13:9

Jakum jikat baliikene banooban babilumulo tíyaŋ, min bújimenuul. Jaajak min kájiyaku kata Ateemit kuliten buyinumabu booluul, bale let uŋoon wata mata mutiñaay, wabajutumuu jáliŋ yanooyan boot li bukanabuku kanabemuu li wo.

2 Fiyeel 1:5

Wahawu unwu újimuu, joote jikaan manooman min jiŋa’ ekaan majake jifamen li káyinenaku kooluul, li jiŋa’ kahaasaku kan jihaasumuu Ateemit jifamen to li ekaan majake,

2 Fiyeel 3:18

Jihaŋ naak mank jiyinno bo li kájiyaku li kahaasaku kan jihaasumuu Amaaŋenawu, Afakenaawu oololaal Yéesu Kilisita. Máyiineniyamu mujow mulako moola muñeˈe ban boot nanoonan! Aameen.

2 Saŋ 1:9

An anabutumuu nanoonan li baliikenelabu bata Kilisita, min átij to, anawu ummu ayabut Ateemit. An anabumuu nanoonan li baliikenelabu bata Kilisita, anawu ummu layayyab Atuubaawu li Añiilawu.