Kata Kolos 4:2 - Jola-Kasa

² Jihanken li kal̥awaku ban li jijooŋoo to li ko, min jinaak jisal Ateemit.

Kata Kolos 4:2 Referencias Cruzadas

Máciya 26:41

Jakum jímooli. Jil̥aw jakum bil jilo li jabunt. Buyinumabu bufañe, bale eniilayi égootogooto.

Maak 13:33

Jíkaanum, jakum jímooli, mata jihaasut nay taŋayi inyu yommuu li éliiŋul.

Hulimahu Hásuumaahu loon Lík akiic homuu 18:1

Muñeˈe Yéesu li alob kúgoomaku min áhiisiil kaanaku koote kunaak kul̥aw nanoonan, ban jakum kubil kúyeko.

Hulimahu Hásuumaahu loon Lík akiic homuu 21:36

Jijuke to, min jinaak jil̥aw nanoonan, mantee li jibaj sembe min jifak li wahawu wammuu li ubaj, min jiyito hákil Añool-An.

Bakaanelabu 1:14

Buko feh kunaanaak kujamoo min kuwoog boot kal̥aw, famen to kanaale kukee. Li kanaalaabuku umbuku Mali ammuu jaaw ata Yéesu to lalakowe, li kutuyaku foof kata Yéesu.

Kata Lom 12:12

Jibaj ésuumansuum humum hata kákangumaku kooluul. Jímuñ bukuluul li sílaam. Jijooŋoo to li kal̥awaku.

Kata Efées 6:18

Jil̥aw nanoonan li búlambenum bata Buyinumabu Banabaabu. Jil̥aw Ateemit min alambenuul li wahoowah feh. Jíkaanum min jijooŋoo to li kal̥awaku, ban li jinaak jil̥aw boot li bukanabuku feh kata Ateemit.

Kata Fílib 4:6

Jakum jiyina wahoowah, bale li wahoowah feh, jíjowum li kal̥aw, li kayaakoo li kasal ló, min jíhiis Ateemit wahawu wan jokuulumuu li wo.

Kata Kolos 1:9

Wahawu unwu újimuu, áloli hunakahu nan jijamumuu li kulob mooluul, jikatut kal̥aw Ateemit boot li bukuluul. Alóli jil̥awe Ateemit min akaanuul jihaas jak húnongumahu hoola, naboo li bújallo li butuuko banooban ban Buyinumabu boola busenemuu.

Kata Kolos 2:7

Jiya kuhaa’ kalite li akila, ban li jánkum li akila, min jihaŋ malit li káyinenaku kooluul loon kuliikenuulumuu. Jinaak jisal Ateemit ŋáa’.

Kata Kolos 3:15

Kásuumaayaku kata Kilisita kulako li uyinumawu wooluul li sembe. Kásuumaayaku unku kújimuu Ateemit li ahooñuluul boot min jilako an ano. Naak jisalool nanoonan.

Kata Kolos 3:17

Wahoowah feh wan jikaane, lako li malobe mantee foof li makaane, jikaan wo li kajaw kata Amaaŋenawu Yéesu, min jísalum li akila Ateemit Atuubaawu.

Kata Kolos 4:12

Efafulaas ammuu foof an ooluul, lasaafuluul. Lakankaan aloka ata Yéesu Kilisita, ban akatut kal̥aw súf boot li bukuluul, bájum li jítuk lit ban li jank jijow jikiben li káyinenaku kooluul, min jinaak jikaan li mal̥egen loon Ateemit afañumuu.

1 Fiyeel 4:7

Kabanaku kata wahawu feh kúkoojulo. Jilako bukan kájallowe ban jakum jiwuuhen li wahoowah, min jinaak jil̥aw.