Bakaanelabu 15:32 - Jola-Kasa Súd buko li Silaas kulakomuu buko humumiil foof kufulofetaku, li kulob fiyo li kutuyiil káyinenumuu min kuwankuleniil, li kuliteniil li káyinenaku kooliil. |
Mó mújimuu, boot min íboñuluul kufulofet, li bukan kájallowe, li kaliikenemuu ésukayi eluwaayi yata Móyiis. Fan jimuk kukee li buko, kaabuku li jibaaŋiil li sikuluwa, kaabuku foof li jiŋa’ kuul̥ min jitekiil li siluufasu sata kal̥awaku. Ban li jinaak jikesoolumiil li ésuk yaaye boot li yaaya.
Mó mújimuu, Ateemit li bújallowabu boola li aan: «Fan ibil íboñuliil kufulofet li kufootal. Fan kumuk kukee li buko, li kúlaaten kaabuku.»
Nan áliiŋumuu, li ajuk kájiyaku kata Ateemit li bukanabuku káyinenumuu, li súumool ŋáa’. Li awankuleniil foofiil feh mantee li kútuk lit káyinenaku li Amaaŋenawu.
Li kuwankulen kúgoomaku, ban li kooniil kútuk lit káyinenaku kooliil. Li kunaak foof kooniil: — Lootaale úlaamaal ŋáa’ tówum unokenaal li Jáyiiyaju jata Ateemit.
Kánayine kukee li kubilum li etaamayi yata Súde boot Antiyok, min kulako kaliiken káyinenumuu li Yéesu kooniil: — Let jiyili jifakeni, bukuluul bateyenuti búkut elobumuu.
Muñeˈe kama jiboñuluul Súd buko li Silaas kammuu li kulobuul buko humumiil, kulimaku kanolaku kan jikiiculuulumuu li eleetalayi inye.
Ejanguwayi li elambeniil li wah wan kóotummuu kuŋa’ min kujow kañaahoolaku. Muñeˈe li kújowum Feniisi li Samali, min kunaak kukitten buu kákaanumutumuu li Ateemit balewool kútiiwomuu kúyinen li Ateemit. Nan kutuyiil feh káyinenumuu kujamumuu loon muñaˈa, li kubaj ésuumahukow yáamak.
Li kujanga eleetalayi, foofiil feh li súumiil ŋáa’ mata kulimaku kata eleetalayi, kulim kata kawankulen.
Fool li ájowum li etaamayi yata Siili alo li yata Silisi, min anaak awankulen sijanguwasu li káyinenaku kan sibajumuu.
Muñeˈe nan alako tomuu fiyo jatit, li ahaaŋ. Li ajand ájowum li etaamayi yata Galasi alo li yata Filiisi, min aliten kúgoomaku feh li káyinenaku kooliil.
Fiyeel li alaañen alobiil kulim kameeŋe, boot kakaaniil kúyinen li boot kawankuleniil. Li aaniil: — Jífu’ li bukanabuku kata muñeˈe kajakutumuu, min Ateemit afakenuul.
Li ájowum halaabahu unhu, min anaak awaale bo ñameeŋe káyinenumuu min awankuleniil. Fúlum tó, li ajow boot Gilees,
Lubajaale úji wábutoole wan Ateemit asenolaamuu, ban anoowan li alolaal laate aŋa’ koola min alok. Nokoomuu loon an li alolaal abaje káji kata min alob kulim kan Ateemit asenool, laate akaan mo naboo li káyinenaku.
Li nokoo loon an abaje káji kata kawankulen bukan, li awankuleniil. An li abaj káji kata naak kasen bukan wah, jakum anaak atii baseniil wo. Li bil nokoo loon an abaje káji kata kaaken ésuk, li ajooŋoo to min ajokiil jak. An li abaj káji kata káyiyen bukan, li akaan mo li ésuumansuum ló.
Ateemit ammuu li asenuul sembe min jítuk lit boot yok li húbanumahu, jakum bil an ayili ajuk li bukuluul majakut li hunakahu nan Amaaŋenawu oololaal Yéesu Kilisita ammuu li abil.
Muñeˈe kufulofetaku, bukan kúl̥uba mantee kúhaaji li buko koote kuŋa’ hulimahu min kulob min kaabuku kutiib wahawu wan kulobumuu.
Bale afulofet, fan alob li bukanabuku min akaaniil kank li káyinenaku kooliil, li awankuleniil, li átintimbeniil foof.
Wahawu unwu, Ateemit áhiisut wo bukanabuku kata naanaŋ, loon láhiisum womuu muñeˈe li Buyinumabu Banabaabu bukanabuku kan al̥usumuu kulako kufootalaku kanabe.
ban li jíboñuluul átuyolaal Tímote ammuu li bulok li áloli boot li Ateemit, li kawaaleyaku kata Hulimahu Hásuumaahu hata Kilisita. Jiboñulooboñ boot min alitenuul ban li awankulenuul min jijooŋoo to li káyinenaku kan jibajumuu li Yéesu,
Mo emmuu, bukuluul kutuyom, li áloli jiliikenummuu buu jommuu li jiloŋ min súum Ateemit. Ban li mal̥egen, mo foof jommuu li buloŋ. Bale muñeˈe jil̥awuul ban li jiyaakooluul li kajawaku kata Amaaŋenawu Yéesu: jiloŋ haŋ majak min jilobuulumuu.
Kutuyom, áloli jumbuku li kal̥awuul kaanaku: Jihab bukan li bukuluul kafañut kakaan bulok bal̥uule. Jiwankulen bukanabuku kákol̥l̥imuu, ban li jilamben kágootomuu. Jímuñ bukanabuku feh.
Bukanabuku umbuku áloli jumbuku li kal̥awiil ban li jiwankuleniil li kajaw kata Amaaŋenawu oololaal Yéesu Kilisita, min kubeben min kulok min kúbajum to buko humumiil wahawu wan kóotummuu kutiñ.
Boot min ijand iwankulenuul min jinaak jil̥aw Ateemit boot li bukanabuku feh, li jiyaakoolool ban li jilobool wah wan jokuul li wo, li jinaak foof jisalool.
uhanken min uwaale bukanabuku Hulimahu hata Ateemit, súum súumut. Uceeŋiil, li uwatateniil ban li uwankuleniil, ban li ubeben min uliikeniil ho.
Muñeˈe boot min ilob li kunahaanaku kata ejanguwayi kammuu li bukuluul. Injé humumom anahaan foof leem ata ejangu loon buko. Limammaat sílaamasu sata Kilisita, ban fan ibaj júmbaam li máyiineniyamu mammuu li múhiisi. Injé ummu li kawankulenuul eenuul:
Boot min fan jílaam jakee, bale Ateemit akilumuu káji kanookan, lahooñuuhooñ jijow jilako li máyiineniyamu moola mata boot nanoonan li hujokoolahu hooluul li Yéesu Kilisita. Akila humumool fan akaanuul jilako bukan kanabe, fan alitenuul, fan asenuul sembe, ban li akaanuul tin l̥aal̥e tan wah wootut uyili úhooluluul.
Kulimaku unke kan ikiiculuumee itogen, Silaas alambenom ikiic ko. Lijokoojok loon atuyaay al̥egene li káyinenaku. Likiiculuukiic boot min iwankulenuul ban li íhiisuul kaanaku, bukuluul li kájiyaku kata mal̥egen kata Ateemit jijokumuu lit.