1 Kata Koolent 14:3 - Jola-Kasa

³ Bale afulofet, fan alob li bukanabuku min akaaniil kank li káyinenaku kooliil, li awankuleniil, li átintimbeniil foof.

1 Kata Koolent 14:3 Referencias Cruzadas

Hulimahu Hásuumaahu loon Lík akiic homuu 3:18

Saŋ li alaañen awankulen ésukayi li wah wameeŋe, ban li alobiil Hulimahu Hásuumaahu.

Bakaanelabu 13:15

Muñeˈe nan kujangamuu síliibalasu sata Eluwaayi kuban, kunahaanaku kata eluufayi yata kal̥awaku li kuboñ kujow kooniil: — Kútuyoli, jibajumuu kulim kata kawankulen bukanabuku, li jilob ko.

Bakaanelabu 14:22

Li kuwankulen kúgoomaku, ban li kooniil kútuk lit káyinenaku kooliil. Li kunaak foof kooniil: — Lootaale úlaamaal ŋáa’ tówum unokenaal li Jáyiiyaju jata Ateemit.

Bakaanelabu 15:32

Súd buko li Silaas kulakomuu buko humumiil foof kufulofetaku, li kulob fiyo li kutuyiil káyinenumuu min kuwankuleniil, li kuliteniil li káyinenaku kooliil.

Bakaanelabu 4:36

Muñowu foof bajumuu ánayine akee aan koone Suseef alakowe aŋatak, ban li abuki li étebelemukayi yata Ciif. Kufootalaku li kukaanool kajawaku kaaneyimuu Balunabaas, (yo yommuu, an awankulene bukan). Suseef li abaj etaam,

Bakaanelabu 9:31

Muñeˈe bukanabuku feh káyinenumuu li Yéesu, li kubaj kásuumaay li etaamayi feh yata Súde, li yata Gálile, li yata Samali. Li kuhaŋ malit li káyinenaku, ban li kútuul Amaaŋenawu. Li kunaak kuhaŋ mameeŋ kuyinno bo li búkaanum bata Buyinum Banabaabu.

Kata Lom 12:8

Li nokoo loon an abaje káji kata kawankulen bukan, li awankuleniil. An li abaj káji kata naak kasen bukan wah, jakum anaak atii baseniil wo. Li bil nokoo loon an abaje káji kata kaaken ésuk, li ajooŋoo to min ajokiil jak. An li abaj káji kata káyiyen bukan, li akaan mo li ésuumansuum ló.

Kata Lom 14:19

Wahawu unwu újimuu, lootaale uŋesaal wahawu wayilimuu úŋalul kásuumaay, li wahawu wayilimuu ukaanolaal min ulitenoolaal li káyinenaku.

Kata Lom 15:2

Anoowan li alolaal laate aŋes min akaan afaalool súum boot li majake moola, min alitenool li káyinenaku.

1 Kata Koolent 10:23

Kukee li bukuluul koone: «An layilo akaan wah wásuumool.» Mal̥egen! Bale inti wahawu feh ujake kakaan. «An layilo akaan wah wásuumool», bale inti wahawu feh uyilo ukaan bukanabuku min kank li káyinenaku kooliil.

1 Kata Koolent 14:12

Bukuluul foof mo manolamu! Emmuu jifanfañ ŋáa’ újiyawu wata Buyinumabu Banabaabu, jihaŋ maŋes újiyawu wayilimuu ulamben Ejanguwayi feh min yank li káyinenaku.

1 Kata Koolent 14:17

Li mal̥egenamu, maayeet min kal̥awaku kooli kata kasalaku kukite kujak majak, bale aahu kal̥awaku kooli let kulambenool min ank li káyinenaku koola.

1 Kata Koolent 14:26

Kutuyom, kama muñeˈe boot min een buu? Nan jiwoogemuu, an li bukuluul abajumuu kakijen, layilo akijen ko. An li abaj wah wan áami li aliiken bukanabuku, li alob wo. An li abaj wah wan Ateemit áhiisool boot li bukanabuku, li alob wo. An foof li abaj hulim han áami li asen bukanabuku li elob yahaasuti, li alob ho. Li bil nokoo loon an ayilo átiiw hulim halobi li elob yahaasuti min bukanabuku kuhaas ho, li átiiw hó. Wahawu unwumaa feh, woote ukaani boot kalamben Ejanguwayi min yank.

1 Kata Koolent 14:31

Bukuluul foofuul feh jiyilo jilob ano li ano hulim han Ateemit asenuul, bájum bukuluul foofuul feh li jiliikenum to wah, ban li jíbajum to kawankulen.

1 Kata Koolent 8:1

Muñeˈe mata eliwayi yata sínuukuleŋasu sasilayimuu kuteemit kalet mal̥egen, luhaasaale kaanaku «alolaal foofolaal feh lubajaale kahaasemiñ», loon jilobemuu. Bale kahaasemiñ lakaanekaan an min atebenoolo, húbooli li akaan an min ank li káyinenaku.

2 Kata Koolent 1:4

Látintimbenewolaatintimben li sílaamasu soololaal feh, bájum li uyiliyaal újowumaal li kátintimbenaku kan alolaal humumolaal ubajaalumuu li akila, min útintimbenaal bukanabuku kammuu li sílaam sanoosan.

2 Kata Koolent 2:7

Mó mújimuu muñeˈe joote kama jibonket anawu ummu ban li jiwankulenool, jakum bil abaj buyina bahaŋool sembe yok áyeko.

Kata Efées 4:29

Jakum kulim kajakut kúfulumul li utumawu wooluul, bale jinaak jilob kulim kásuume kata kawankulen bukan li káyinenaku kooliil. Koote kulako kulim kata kalamben anawu ajantenemuu li ko.

Kata Efées 6:22

Líboñulooboñul boot booluul min abil alobuul buu áloli joono, min átintimbenuul foof.

Kata Kolos 4:8

Boot min iboñuluul okila humumool, bájum li abil alobuul mata buloŋabu bóololi baabe, ban li awankulenuul foof.

1 Kata Tesalonik 2:11

Jihaase buu jiloŋumuu li anoowan li bukuluul loon atuuba aloŋemuu li kuñoolool.

1 Kata Tesalonik 2:3

Li mal̥egenamu, kawankulenaku kan áloli jiwankulenemuu bukanabuku mata min kúyinen, kubilumuloot li émalimiñ mantee foof li uyinoo wajakut, ban jilet li huŋes min jibunt an.

1 Kata Tesalonik 3:2

ban li jíboñuluul átuyolaal Tímote ammuu li bulok li áloli boot li Ateemit, li kawaaleyaku kata Hulimahu Hásuumaahu hata Kilisita. Jiboñulooboñ boot min alitenuul ban li awankulenuul min jijooŋoo to li káyinenaku kan jibajumuu li Yéesu,

1 Kata Tesalonik 4:1

Mo emmuu, bukuluul kutuyom, li áloli jiliikenummuu buu jommuu li jiloŋ min súum Ateemit. Ban li mal̥egen, mo foof jommuu li buloŋ. Bale muñeˈe jil̥awuul ban li jiyaakooluul li kajawaku kata Amaaŋenawu Yéesu: jiloŋ haŋ majak min jilobuulumuu.

1 Kata Tesalonik 4:18

Mó mújimuu joote jítintimbenoolum li kulimaku unku.

2 Kata Tesalonik 3:12

Bukanabuku umbuku áloli jumbuku li kal̥awiil ban li jiwankuleniil li kajaw kata Amaaŋenawu oololaal Yéesu Kilisita, min kubeben min kulok min kúbajum to buko humumiil wahawu wan kóotummuu kutiñ.

1 Tímote 1:4

Ulobiil min kukat elob mata ukoŋawu unwu, li elob mata uland waakut húwuñenum. Wahawu unwu búwonnoo babajut jáliŋ bale úŋalewul, bale ulambenut bukanabuku li káyinenaku kooliil, min kuhaas wahawu wan Ateemit ammuu li kakaan.

1 Tímote 4:13

Ujuke to min ujanga Bakiicelabu hákil ésukayi feh, uwankuleniil ban li uliikeniil bo tówum ibil.

1 Tímote 6:2

Emiikeelayi yabajumuu kunahaan káyinene li Yéesu, jakum kubes kunahaanaku kooliil mata waa kutuyiil koom. Bale koote kuhaŋ malok jak boot li buko, mata kunahaanaku kooliil kammuu li kúbajum wah li bulokabu booliil, bukan káyinene li Yéesu koom, ban Yéesu lafañiifañ ŋáa’. Wahawu unwu lommuu li uliiken bukanabuku ban li ulobiil min kukaan wo.

2 Tímote 4:2

uhanken min uwaale bukanabuku Hulimahu hata Ateemit, súum súumut. Uceeŋiil, li uwatateniil ban li uwankuleniil, ban li ubeben min uliikeniil ho.

Eleetalayi yan Fool akiicumuu Tit 1:9

Laate átuk lit hulimahu hammuu hata mal̥egen, hanabumuu li wahawu waliikeneyimuu. Muñowu láatummuu ayili aŋa’ baliikenelabu bajakaabu min awankulen kaabuku, ban li ayili foof áhiis káhoogulewoolumuu kaanaku kulet li mal̥egen.

Eleetalayi yan Fool akiicumuu Tit 2:15

Ujówum li huhaanaahu huya min ulob wahawu unwu, boot kawankulen mantee foof kawataten bukan, ban jakum ukat an min abesi.

Eleetalayi yan Fool akiicumuu Tit 2:6

Uwankulen foof báfulabu min kubaj uyinum.

Eleetalayi yan Fool akiicumuu Tit 2:9

Bukanabuku kammuu emiikeel koote kútuul li wahoowah feh kunahaanaku kakiliilumuu. Koote kuŋes min kukaaniil súumiil, ban jakum kunaak kuceeŋiil.

Eébulo 10:25

Jakum ukataal bo kuwoogaku koololaal loon kukee kukaanemuu, bale unaak uwankulenoolaal, emmuu kama jijuke kaanaku hunakahu hata Amaaŋenawu húkoojulo.

Eébulo 13:22

Kutuyom, ínje ummu li kal̥awuul min jibeben beb min jijanten kulimaku unke kammuu kata kawankulen. Ban fimaa kulim katoge likiiculuul.

Eébulo 3:13

Joote kama jinaak jiwankulenoo nanoonan nan uyiliyaale oonaal «síyaat» yan Bakiicelabu bulobemuu mata yo, bájum jakum an li bukuluul ahoy bánaanum, min akat kahoofoolaku min kubuntool.

1 Fiyeel 5:12

Kulimaku unke kan ikiiculuumee itogen, Silaas alambenom ikiic ko. Lijokoojok loon atuyaay al̥egene li káyinenaku. Likiiculuukiic boot min iwankulenuul ban li íhiisuul kaanaku, bukuluul li kájiyaku kata mal̥egen kata Ateemit jijokumuu lit.

Eleetalayi yan Súd akiicumuu 1:20

Bale bukuluul jammuu kufaalom kan iboolaat, jiwankulenoo li káyinenaku kooluul kanabaaku. Jíl̥awum li Buyinumabu Banabaabu.