1 Kata Koolent 14:2 - Jola-Kasa

² Li mal̥egenamu, an alobe silob sahaasuti, alobut li bukanabuku, bale li Ateemit lalobe, mata let baj an ammuu ajam waa lalobe. Fan álobum wah wan an ahaasut li sembaasu sata Buyinumabu.

1 Kata Koolent 14:2 Referencias Cruzadas

Máciya 13:11

Yéesu li aaniil: — Mata bukuluul, Ateemit lakaanuukaan min jihaas wahawu wahaasutimuu wata Jáyiiyaju jata haatiya. Bale umbuku áhiisutiil wo.

Maak 16:17

Bújaahalenumabu umbe káyinenumuu lí ínje kommuu li kukaan: — Fan kukesoo uyinumawu wajakutumuu li kajawaku kúmbaam. Fan kulob silob sábuto li sooliil.

Maak 4:11

Yéesu li aaniil: — Bukuluul, Ateemit lakaanuukaan min jihaas wahawu wahaasutimuu wata Jáyiiyaju joola. Bale bukan kaabuku buko fan kújamum wahawu feh li bukittenoolum,

Bakaanelabu 10:46

Li mal̥egenamu kujanjam bukanabuku umbuku li kulob silob san kuhaasut. Li kujamiil foof li kusal maluukamu mata Ateemit. Muñeˈe Fiyeel li aaniil:

Bakaanelabu 19:6

Fool li aŋa’ kuŋenool awalen li buko, Buyinumabu Banabaabu li bubil bulako li buko. Muñeˈe li kulob silob sahaasuti, ban Ateemit li álobum li buko.

Bakaanelabu 22:9

Bukanabuku kan jinaboomuu li kujuk mawuŋaamu, bale kujamut hulimahu hata anawu alobumuu lí ínje.

Kata Lom 16:25

Usalaal Ateemit! Layilo alitenum káyinenaku kooluul li Hulimahu Hásuumaahu han iyiiŋenemuu. Ho hommuu hulimahu han iwaaleyemuu mata Yéesu Kilisita. Fan aliten káyinenaku kooluul naboo foof li kahaasaku kata mal̥egenamu mahaaseenutimuu, mayolimuu naanaŋ fiyo ŋáa’.

1 Kata Koolent 12:10

Akee Buyinumabu li busenool kayile min anaak akaan bújaahalenum, aahu li busenool káji kata min naak Ateemit álobum li akila, akee foof li busenool káji min anaak ahaas wah wabilumulo li Buyinumabu Banabaabu li wah wabilumulo li uyinumawu wajakutumuu. Akee Buyinumabu li busenool káji kata min alob silob sahaasuti, aahu li busenool káji kata min ayili akitten bukanabuku waa silobasu unsu silobe.

1 Kata Koolent 12:28

Mó mújimuu, Ateemit li ajand akaan li Ejanguwayi kufootal, fúlum tó, kuliikena bukan hulimahu hoola, ban kakaanemuu wah wájaahaleniye, ban kabajumuu káji kata kafaken bukan li úsomutawu wooliil, fúlum tó, kabajumuu káji kata kalamben bukan, ban kabajumuu káji kata kaaken ejangu, ban kit kabajumuu káji kata elob silob sahaasuti.

1 Kata Koolent 13:1

Nokoomuu loon lilobelob silobasu feh sata bukanabuku li sata kumalakaabuku ban ibajut húbooli, linokoonokoo li mañ mawele mantee foof li hujeleleŋ hafiiŋene.

1 Kata Koolent 13:2

Li bil nokoo loon libabbaj káji kata min ilob hulim han Ateemit asenom, li ibaj káji kata kahaas mahaasutimuu ban li ihaas wahoowah feh, li ibil ibaj káyinenaku feh kammuu li kújiwom li iyili iyinnen kuyuuy, ban ibajut húbooli, ilet wahoowah.

1 Kata Koolent 14:16

Mata nokoomuu loon luŋaŋŋa’ buyinumi bale min usal Ateemit, an ahine áami li huwoogahu min aano li bajanten let ahaas waa lulobe. Muñowu buu lammuu li akaan min ayili aan «Aameen» li kal̥awaku kooli kata kasalaku?

1 Kata Koolent 14:26

Kutuyom, kama muñeˈe boot min een buu? Nan jiwoogemuu, an li bukuluul abajumuu kakijen, layilo akijen ko. An li abaj wah wan áami li aliiken bukanabuku, li alob wo. An li abaj wah wan Ateemit áhiisool boot li bukanabuku, li alob wo. An foof li abaj hulim han áami li asen bukanabuku li elob yahaasuti, li alob ho. Li bil nokoo loon an ayilo átiiw hulim halobi li elob yahaasuti min bukanabuku kuhaas ho, li átiiw hó. Wahawu unwumaa feh, woote ukaani boot kalamben Ejanguwayi min yank.

1 Kata Koolent 15:51

Boot min ilobuul wah wahaasuti: let ololaal foofolaal feh óomi li uketaal, bale alolaal foofolaal feh siniilasu soololaal fan síbutoo.

1 Kata Koolent 2:10

Li mal̥egenamu, alolaal Ateemit áhiisumuu wahawu unwu wayolomuu, ban li Buyinumabu Banabaabu láhiisumolaal wo. Buyinumabu buhaase wahoowah feh, maayeet uyinoola wahaŋumuu mayolo wata Ateemit.

1 Kata Koolent 2:7

Alóli bújallowabu ban jiliikenemuu ésukayi, bo bommuu bújallowabu bata Ateemit ban bukanabuku kuliitikenutumuu, bayolimuu bukanabuku. Ateemit lafalefale bújallowabu umbu akat to boot li máyiineniyamu moololaal, tówum adunaayi ejuul̥i.

Kata Efées 6:19

Jil̥aw foof boot lí ínje bájum Ateemit li asenom kulim kacole nan emmuu li ilako elob, mantee jakum ibaj kákolí ínje li kakitten bukanabuku mal̥egenamu mahaasutimuu mata Hulimahu Hásuumaahu.

Kata Kolos 2:2

Wahawu wan ifañumuu, wo wommuu min bukuluul jibaj kawankulen li uyinumuul, ban li jijokoo lit loon an ano li húbooliwoo ló, imban li jibaj butuuko báamak. Muñowu jommuu jikaan, li jiyili jihaas mahaaseenutimuu mata Ateemit, mammuu Kilisita.

1 Tímote 3:16

Mal̥egen, ban an ayilaat aceeŋ, Mahaasutimuu mata káyinenaku koololaal mululluuk! Kilisita láfuluufulul ajuki loon an, Buyinumabu Banabaabu búhihhiis kaanaku lacoccol, ban Kumalakaaku kujukoojuk. Li kulob foof moola bata kaletumuu kusuwif, li kúyinen li akila li adunaayi feh, ban li ájowetumi boot li emitayi li máyiineni ló.

1 Tímote 3:9

Koote kujok jak mal̥egenamu man Ateemit áhiisumuu ban li úyinenaal li mó li buyinum bajake.

Búhiisenumabu 10:7

Bale nan amalakaawu atoken li ál̥ubutawu ammuu li al̥ok kasiinaku koola, wahawu wahaasutimuu wan Ateemit alobumuu kakaan, fan ubaj loon akila humumool alob womuu kulokaabuku koola kammuu kufulofetaku.»