Bakaanelabu 15:3 - Jola-Kasa

³ Ejanguwayi li elambeniil li wah wan kóotummuu kuŋa’ min kujow kañaahoolaku. Muñeˈe li kújowum Feniisi li Samali, min kunaak kukitten buu kákaanumutumuu li Ateemit balewool kútiiwomuu kúyinen li Ateemit. Nan kutuyiil feh káyinenumuu kujamumuu loon muñaˈa, li kubaj ésuumahukow yáamak.

Bakaanelabu 15:3 Referencias Cruzadas

Hulimahu Hásuumaahu loon Lík akiic homuu 15:32

Bale lootaale ukaanaal kagaan min ésuumansuum elako li ololaal. Mata atuyi umme laketeene, bale muñeˈe lálaañulo áami li buloŋ. Lájimeene, bale muñeˈe lijukool.”»

Bakaanelabu 1:15

Li kunakaku unkumaa, bukanabuku káyinenumuu li Yéesu li kuwoog. Kalako tomuu kuyilo kúliiŋ téemeel li áyii. Muñeˈe Fiyeel li ayito li tutiil min aaniil:

Bakaanelabu 13:48

Nan bukanabuku kákaanumutumuu li Ateemit balewool kujamumuu kulimaku unku, li kubaj ésuumahukow yáamak, min kulako kasal Hulimahu hata Amaaŋenawu. Bukanabuku feh kan Ateemit al̥usumuu boot min kubaj buloŋabu bábaneliitumuu, li kúyinen li akila.

Bakaanelabu 13:52

Kúgoomaku kata ésukayi yata Antiyok, li kubaj ésuumahukow yáamak, ban Buyinumabu Banabaabu li bulako li buko ŋáa’.

Bakaanelabu 14:27

Nan kúliiŋumuu Antiyok, Fool buko li Balunabaas li kuwoogen ejanguwayi, min kukitteniil wahawu feh wan Ateemit ákaanummuu li buko, li buu lasenumuu bútin kákaanumutumuu li okila balewool min buko foof kúyinen.

Bakaanelabu 15:1

Kánayine kukee li kubilum li etaamayi yata Súde boot Antiyok, min kulako kaliiken káyinenumuu li Yéesu kooniil: — Let jiyili jifakeni, bukuluul bateyenuti búkut elobumuu.

Bakaanelabu 15:12

Muñeˈe ésukayi feh li elu min ejanten Balunabaas buko li Fool min kukitten wahawu feh wájaahalenimuu, li wajuulelutimuu wan Ateemit ákaanummuu li buko hákil bukanabuku kákaanumutumuu li Ateemit balewool.

Bakaanelabu 15:22

Muñeˈe kufootalaku. Buko kúl̥uba kukankaan bukan kan kutuyiil kuluukene ŋáa’.

Bakaanelabu 15:32

Súd buko li Silaas kulakomuu buko humumiil foof kufulofetaku, li kulob fiyo li kutuyiil káyinenumuu min kuwankuleniil, li kuliteniil li káyinenaku kooliil.

Bakaanelabu 15:4

Nan kúliiŋumuu Yeelusalem, ejanguwayi, li kufootalaku li kuhaanabuku li kuyabiil. Li kukitteniil wahawu feh wan Ateemit ákaanummuu li buko.

Bakaanelabu 17:15

Bukanabuku kájowetummuu Fool li kujow li akila boot Ateen. Ban, li kúlaañumul bó boot Beele li kúheben ló kan Fool áhebenuliil kujow koon Silaas buko li Tímote, kukaan wahoowah min kujow cab kujowubenool.

Bakaanelabu 20:38

Buyina báamak li bujokiil mata Fool, háŋum min aaniilumuu let kulaañen kujukool buul. Fúlum tó, li kútiŋenool ajow ájufo li ébato.

Bakaanelabu 21:5

Bale nan jikaan tomuu kunakaku unku hutok li kúl̥uba jiban, li jilaañ jinab li bútinabu bóololi bata kañaahoolaku. Li kútiŋenoli foofiil feh buko li kuseekiil boot li bañooliil ló jijow jífu’ li ésukayi. Jíliiŋ bó, lí jíkuntuŋ li katantaku kata halahu min jil̥aw.

Bakaanelabu 28:15

Kútuyoli li káyinenaku kata Lom, li kujam móololi, li kubil boot yok tin emalisaayi yata Afíyis, li boot tin koonemuu Ufóoyum Uháaji, kubil jifam to. Nan Fool ajukiilumuu, li asal Ateemit ban li abaj kawankulen.

Bakaanelabu 8:14

Muñeˈe kufootalaku li kujam kaanaku kata Samali kuyayyab Hulimahu hata Ateemit, li kuboñiil Fiyeel buko li Saŋ.

Kata Lom 15:24

Lifañe min ibil nan emmuu li ilako li ijow boot li etaamayi yata Esifaañ, ibil ijukuul min ilako li bukuluul jatit min jilambenom, mantee li iyili ijow boot bo.

1 Kata Koolent 16:11

Jakum an li bukuluul abesool. Bale jilambenool min ajow kañaahoolaku koola li kásuumaay, mantee li aban li álaañul atookulom, mata ínje li kutuyolaal jumbuku li kakobool.

1 Kata Koolent 16:6

Nakee fan ilako booluul kunak kafamut, mantee foof li ikaan bo taŋayi feh yata kutontaku, bájum li jilambenom min iyili ijow banooban ban emmuu li ifañ min ijow.

2 Kata Koolent 1:16

Ifúlummuu booluul, fan ihaaŋ boot li etaamayi yata Maseduwaan, ban li ílaañumum bó boot booluul, mantee li jilambenom li wahawu wan jokommuu li wo boot li kañaahoolaku kan ijowemuu boot li etaamayi yata Súde.

Eleetalayi yan Fool akiicumuu Tit 3:13

Ukaan manooman min ulamben Senaas ammuu akooŋena buko li Afolos li kañaahoolaku kooliil, ban li ujuke to jakum bil kúbajaati wah wan jokiil li wo.