Bakaanelabu 15:31 - Jola-Kasa

³¹ Li kujanga eleetalayi, foofiil feh li súumiil ŋáa’ mata kulimaku kata eleetalayi, kulim kata kawankulen.

Bakaanelabu 15:31 Referencias Cruzadas

Bakaanelabu 15:1

Kánayine kukee li kubilum li etaamayi yata Súde boot Antiyok, min kulako kaliiken káyinenumuu li Yéesu kooniil: — Let jiyili jifakeni, bukuluul bateyenuti búkut elobumuu.

Bakaanelabu 15:10

Kama muñeˈe waa wommuu li úji li jifañ jiyoob Ateemit, li bútebabu ban jifañumuu jikaan káyinenumuu kugalo, ban situubawolaal sihaan li alolaal humumolaal uyilaataamuu utebaal?

Bakaanelabu 15:30

Muñeˈe li kukat bukanabuku kan kul̥usumuu min kujow boot Antiyok. Nan kúliiŋumuu, li kuwoogen bukanabuku káyinenumuu, min kuseniil eleetalayi.

Bakaanelabu 15:32

Súd buko li Silaas kulakomuu buko humumiil foof kufulofetaku, li kulob fiyo li kutuyiil káyinenumuu min kuwankuleniil, li kuliteniil li káyinenaku kooliil.

Bakaanelabu 16:5

Sijanguwasu li sihaŋ malit li káyinenaku, ban bukanabuku káyinenumuu li kunaak kuhaŋ mameeŋ hunakoohunak.

Kata Galasi 5:1

Kilisita lafakenolaafaken mantee li úfulaal li mal̥egen li humiikeeleto. Kama jítuk tó lit, ban jakum jilaañen jiŋa’ humiikeeleto jikaanoolo.

Kata Fílib 3:3

Li mal̥egenamu, alolaal uteyaalumuu búkut li mal̥egen, inti buko, mata alolaal umanenaalemuu Ateemit li búlambenum bata Buyinumabu boola, li úsangoolumaal li Yéesu Kilisita, ban ubajutaal kákangum li wah wan an akaane,