1 Tímote 2:1 - Jola-Kasa

¹ Boot min ijand iwankulenuul min jinaak jil̥aw Ateemit boot li bukanabuku feh, li jiyaakoolool ban li jilobool wah wan jokuul li wo, li jinaak foof jisalool.

1 Tímote 2:1 Referencias Cruzadas

Bakaanelabu 17:30

Bale Ateemit li ajok min akat bo taŋayi nan bukanabuku kuhaasutumuu wahoowah. Muñeˈe Ateemit laane bukanabuku feh kammuu tanootan kukat baloŋeliil buhaan, min kútiiwo kuŋa’ buloŋ buwunkul.

Kata Lom 1:8

Boot min ijand ísalum Ateemit úmbaam li kajaw kata Yéesu Kilisita humum hooluul, mata bukanabuku kulobelob mata káyinenaku kooluul tanootan li etaamayi.

Kata Lom 6:17

Ateemit ajow asali: bukuluul jalakomuu naanaŋ emiikeel yata kahoofoo, muñeˈe jítuttuul li uyinumuul feh hulimahu han kuliikenuulumuu.

1 Kata Koolent 15:3

Li mal̥egenamu, bukuluul lijandumuu iliiken wahawu wan ínje humumom iyabumuu, wammuu: Kilisita lakeeket mata uhoofoolawu woololaal úji, loon Bakiicelabu bulobumuu.

2 Kata Koolent 8:6

Tit okila anaake ayabumuu booluul wahawu wan bukanabuku kunaake kusenumuu. Wahawu unwu újimuu áloli li jiyaakoolool min ahabel akaan booluul bulokabu umbu bajakumuu ŋáa’, loon átoŋ bomuu.

Kata Efées 3:13

Mó mújimuu, ínje ummu li kaanuul jakum jíyeko mata min emmee li sílaam boot li bukuluul. Sílaamasu unsu so sommuu máyiineniyamu mooluul.

Kata Efées 5:20

Jisal nanoonan Ateemit Atuubaawu mata wahawu feh wan akaanumuu boot li bukuluul, li kajawaku kata Amaaŋenawu oololaal Yéesu Kilisita.

Kata Efées 6:18

Jil̥aw nanoonan li búlambenum bata Buyinumabu Banabaabu. Jil̥aw Ateemit min alambenuul li wahoowah feh. Jíkaanum min jijooŋoo to li kal̥awaku, ban li jinaak jil̥aw boot li bukanabuku feh kata Ateemit.

Kata Fílib 1:3

Nanoonan nan iyinooluul, li isal Ateemit.

Kata Fílib 4:6

Jakum jiyina wahoowah, bale li wahoowah feh, jíjowum li kal̥aw, li kayaakoo li kasal ló, min jíhiis Ateemit wahawu wan jokuulumuu li wo.

1 Kata Tesalonik 3:12

Amaaŋenawu akaan min húbooliyahu han jíbooliwoomuu li han jíboolimuu bukanabuku feh huhaŋ maluuk huyinno bo, loon áloli foof jíbooliwuulumuu.

2 Kata Tesalonik 1:3

Kutuyom, óloli joote jisal nanoonan Ateemit mata bukuluul jíji. Jaajak min óloli jikaan mo, mata káyinenaku kooluul li Yéesu Kilisita kunku min kuhaŋemuu malit, ban húbooliyahu han anoowan li bukuluul abajumuu li kaabuku hunhu foof min huhaŋemuu maluuk.

1 Tímote 2:4

afañumuu min bukanabuku feh kufak ban li kuhaas mal̥egenamu.

1 Tímote 5:5

Anaale ahoke áyinool ban abajut an áami li acookoolool, li Ateemit lákangume. Let akat kal̥awool li kayaakoolool etihunaka aban ehuka min alambenool.

2 Tímote 2:24

Ban aloka ata Amaaŋenawu aatut ámuy li an, bale laate ásuum li bukanabuku feh, ban li ayili aliikeniil hulimahu li ayili foof ámuñ kulimaku kajakutumuu.

Eleetalayi yan Fool akiicumuu Tit 2:11

Mata Ateemit láhihhiis kájiyaku koola bájum bukanabuku feh li kúfakum li ko.

Eleetalayi yan Fool akiicumuu Tit 3:2

Jakum kulob majakut kuya li an. Kootut kunaak kúmuyiten bukan, ban koote kukaan bukan kásuume. Koote kulako bukan kájoobiye uyinum nanoonan hákil bukanabuku feh.

Eébulo 6:11

Bale áloli jifañeene min anoowan li bukuluul abaj káyikil̥owaku kanolaku boot yok li húbanumahu, bájum wahawu wan jíkangummuu lí wó li ubaj boot to.

Saak 5:16

Mó mújimuu anoowan li bukuluul laate alob afaalool uhoofoolawu wan okila humumool akaanumuu, ban anoowan li bukuluul foof li al̥aw boot li afaalool, mantee Ateemit li afakenuul. Kal̥aw kata an akaane loon Ateemit afañumuu kubabbaj sembe.