Bakaanelabu 13:1 - Jola-Kasa

¹ Li ejanguwayi yata Antiyok, babbaj ló kufulofet, li Sóol.

Bakaanelabu 13:1 Referencias Cruzadas

Máciya 27:32

Nan kulakomuu káfululaku li ésukayi, li kufam li ánayine akee ata ésukayi yata Siilen an koone Simoŋ. Muñeˈe kusollaaliyaku li kutuuŋool ateb ekuluwaayi yata Yéesu.

Hulimahu Hásuumaahu loon Lík akiic homuu 3:1

Muñeˈe li emitayi ekaatenayi yata Jáyiiyaju jata áyiiyawu áamakawu Tibeel, nan Fons Filat alako nomuu águubelunaalawu ata etaamayi yata Súde, Elod li alako anahaanawu ata etaamayi yata Gálile. Atuyool Fílib li alako anahaanawu ata etaamayi yata Itúle li yata Talakonit. Lisaniyaas li alako anahaanawu ata etaamayi yata Abilen.

Bakaanelabu 11:30

Mal̥egen li kukaan loon kulobumuu, min kuboñ wahawu wan kusenumuu Balunabaas buko li Sóol kújowetum kujow kusen kunahaanaku kata Súde.

Bakaanelabu 12:25

Nan Balunabaas buko li Sóol kukaanumuu bulokabu booliil Yeelusalem kuban, li kulako li kulaañ li kújowetumoo Saŋ an koonemuu Maak.

Bakaanelabu 13:9

Muñeˈe Sóol an koonemuu foof Fool, Buyinumabu Banabaabu li bumeeŋenool, li ajuke Elimaas súy,

Bakaanelabu 15:32

Súd buko li Silaas kulakomuu buko humumiil foof kufulofetaku, li kulob fiyo li kutuyiil káyinenumuu min kuwankuleniil, li kuliteniil li káyinenaku kooliil.

Bakaanelabu 15:35

Fool buko li Balunabaas li kulako Antiyok. Li kunaak kuwaale ban li kuliiken ésukayi Hulimahu hata Amaaŋenawu, buko li bukan foof kukee kameeŋe.

Bakaanelabu 19:6

Fool li aŋa’ kuŋenool awalen li buko, Buyinumabu Banabaabu li bubil bulako li buko. Muñeˈe li kulob silob sahaasuti, ban Ateemit li álobum li buko.

Bakaanelabu 21:9

Li abaj básungute bubakii bahaasut kánayine, ban Ateemit anaake álobum li buko.

Bakaanelabu 4:36

Muñowu foof bajumuu ánayine akee aan koone Suseef alakowe aŋatak, ban li abuki li étebelemukayi yata Ciif. Kufootalaku li kukaanool kajawaku kaaneyimuu Balunabaas, (yo yommuu, an awankulene bukan). Suseef li abaj etaam,

Bakaanelabu 9:1

Bale no unnu, Sóol baloŋe li anaak ayinoo kákoyilen, li huŋes kúgoomaku.

Kata Lom 16:21

Tímote ammuu afaalom aloka lasaafuluul, buko li Lísiyis, li Jaasoŋ buko li Sosifateel, kammuu bukanom.

1 Kata Koolent 11:4

Anáyine áhimenumuu húkowool akila li kal̥aw mantee foof akila li elob ésukayi hulim han Ateemit asenool, ánayinaawu ummu lasuuwensuuwen Kilisita.

1 Kata Koolent 13:2

Li bil nokoo loon libabbaj káji kata min ilob hulim han Ateemit asenom, li ibaj káji kata kahaas mahaasutimuu ban li ihaas wahoowah feh, li ibil ibaj káyinenaku feh kammuu li kújiwom li iyili iyinnen kuyuuy, ban ibajut húbooli, ilet wahoowah.

1 Kata Koolent 13:8

Húbooli ábaneliit. Ateemit fan abil akat élobum li bukan. Kájiyaku kata elob silob sahaasuti fan kubil kuban. Kahaasemiñ fan kubil kumoj.

1 Kata Koolent 14:29

Muñeˈe kufulofetaku, bukan kúl̥uba mantee kúhaaji li buko koote kuŋa’ hulimahu min kulob min kaabuku kutiib wahawu wan kulobumuu.

1 Kata Koolent 14:32

Kufulofetaku koote kuhaŋ sembe kájiyaku kooliil unku kan Ateemit aseniilumuu.

1 Kata Koolent 9:6

Mantee ínje li Balunabaas bale jóotimuu jilok li kúŋenoli min jiloŋ?

Kata Galasi 2:13

Kusuwif kaabuku káyinenumuu li kunab foof li búhoolowabu bata Fiyeel. Maayeet Balunabaas humumool li ahin akatiil min kuñakool kubet li búhoolowabu booliil.

Kata Galasi 2:9

Muñeˈe Saak buko li Fiyeel li Saŋ, kajokimuu loon buko kommuu siyiilasu sata Ejanguwaayi, kuhahhaas koon Ateemit lasenonsen káji min ikaan bulokabu umbu. Mó mújimuu, li kúyaboli kuŋen ínje li Balunabaas, min kúhiis kaanaku dín dáno joom li buko, min lako áloli jijow jilok li bukanabuku kaletumuu kusuwif, buko li kujow kulok li kusuwifaku.

Kata Efées 4:11

Akila Kilisita humumool akaanumuu kukee kulako kufootal, kukee foof li kulako kuwaaleya kata Hulimahu Hásuumaahu, kaabuku li kulako kumata kata bukanabuku kata Ateemit, ban li kunaak foof kuliikeniil Hulimahu hata Ateemit.

Kata Fílib 4:22

Bukanabuku feh kata Ateemit kusaafuluul, háŋum kammuu li eluufayi yata áyiiyawu áamakawu Sesaal.

1 Kata Tesalonik 5:20

jakum jibes kulimaku kabilummuu li Ateemit.