1 Kata Koolent 1:8 - Jola-Kasa

⁸ Ateemit ammuu li asenuul sembe min jítuk lit boot yok li húbanumahu, jakum bil an ayili ajuk li bukuluul majakut li hunakahu nan Amaaŋenawu oololaal Yéesu Kilisita ammuu li abil.

1 Kata Koolent 1:8 Referencias Cruzadas

Hulimahu Hásuumaahu loon Lík akiic homuu 17:24

Mata loon kawiwijenaku kata emitayi kuwuŋenemuu kageb kaake kata yo boot li kaaka, mo foof emmuu li bil nokoo li hunakahu nan Añool-An ammuu abil.

Hulimahu Hásuumaahu loon Lík akiic homuu 17:30

Muñaˈa foof emmuu bil nokoo li hunakahu nan Añool-An ammuu álaŋul.

Kata Lom 14:4

Kama awu ommuu ayi, mata min utiib aloka ata an? Atúkumuu lit, mantee foof li alo, anahaanawu oola bale ayilo alob to wah. Ban fan átuk lit, mata Amaaŋenawu labaje sembe sata min akaanool átuk lit.

Kata Lom 16:25

Usalaal Ateemit! Layilo alitenum káyinenaku kooluul li Hulimahu Hásuumaahu han iyiiŋenemuu. Ho hommuu hulimahu han iwaaleyemuu mata Yéesu Kilisita. Fan aliten káyinenaku kooluul naboo foof li kahaasaku kata mal̥egenamu mahaaseenutimuu, mayolimuu naanaŋ fiyo ŋáa’.

Kata Lom 8:19

Li mal̥egenamu, búwuwenumabu foof bo feh bumbu li kakob li esommen ló taŋayi nan Ateemit ammuu li áhiis máyiineniyamu mata bañoolool.

1 Kata Koolent 3:13

bulokabu boola fan bubil búfulul bujuki li hunakahu hata batiibabu. Li hunakahu unhu, Ateemit fan aŋa’ sambun min ayoob bulokabu bata anoowan, min anoowan ahaas bulok buu lakaane.

1 Kata Koolent 5:5

jibet anawu ummu li kuŋen kata Sayitaane min ábuj eniilayi yoola, mantee yaalayi yoola li ebil efak li hunakahu nan Amaaŋenawu ammuu li abil.

2 Kata Koolent 1:13

Li mal̥egenamu, bajut li sileetalasu san jikiiculuumuu wah ukee wábuto li wan jíjangaye lómuu li wan jínaanummuu. Ban lenseen jínaanunnaanum wo jak,

2 Kata Koolent 1:14

maayeet min kite eenimuu muñeˈe bugeb bale jínaanumoli joon: li hunakahu hata ebilayi yata Amaaŋenawu oololaal Yéesu, bukuluul fan súumuul li áloli, loon áloli foof emmuu súumoli li bukuluul.

2 Kata Koolent 1:21

Ateemit humumool akila álitenolimuu boot li bukuluul ló, li hujokoolahu hoololaal li Kilisita. Ateemit al̥usolaamuu boot li akila humumool,

Kata Efées 5:27

Lakankaan loon muñaˈa mata lafanfañ min aŋa’ Ejanguwayi áhiisoolo akila humool, loon anaale li matiineniyamu moola feh, mabajut humaw, mañootoolut, ban matilut foof tanootan, mantee li elako Ejangu yanabe, yan an ayilaat ajuk wah wajakut li yo.

Kata Fílib 1:10

mantee li jiyili jihaas wahawu wajakumuu. Muñowu jommuu li jikaan li jilako bukan kajake kan an ayilaat alob majakut li bukuluul li hunakahu nan Kilisita ammuu li álaañul.

Kata Fílib 1:6

Líyinene li mal̥egenom kaanaku Ateemit, átoŋumuu kakaan li bukuluul bulokabu umbu bajak muñowu, fan akaan bo boot yok nan ammuu li ahabel bo li hunakahu nan Yéesu Kilisita ammuu li álaañul.

Kata Kolos 1:22

Bale muneˈe Ateemit lájowunjowum li eketayi yata eniilayi yata Añoolool, min akaanuul jijamoo li akila humumool. Lakankaan mo mantee li abil akaanuul jiyito hákilool manabe, maakut butila banooban ban an let ayili alob majakut aya li bukuluul.

Kata Kolos 2:7

Jiya kuhaa’ kalite li akila, ban li jánkum li akila, min jihaŋ malit li káyinenaku kooluul loon kuliikenuulumuu. Jinaak jisal Ateemit ŋáa’.

1 Kata Tesalonik 3:13

Ateemit ajow aliten uyinumawu wooluul mantee li jilako bukan kanabe, li bukan kan Ateemit ammuu Atuubawolaal ajukut majakut manooman li buko, nan Amaaŋenawu oololaal Yéesu ammuu li abil li bukanabuku koola feh kanabaaku.

1 Kata Tesalonik 5:2

Bukuluul humumuul jihaase jak kaanaku hunakahu hata Amaaŋenawu fan hubil an bahaasut loon ákuu abilemuu li huk.

2 Kata Tesalonik 2:2

Jijamumuu an li aanuul hunakahu hata élaañulayi yata Amaaŋenawu húliiŋulo, jakum jiyaan jihi li kaliiwo, jakum foof jíkoli. Nakee an fan alobuul mo min lako búlobum Ateemit, nakee li bawaaleye, mantee foof li lako áloli jikiiculuul kulimaku unku li eleetal.

2 Kata Tesalonik 3:3

Bale Amaaŋenawu alobumuu kakaan wah, fan akaan wo, fan asenuul sembe ban li afooyuul li Majakutamu.

2 Tímote 1:12

Wahawu unwu újimuu li eeno li sílaamasu unsu. Bale isuuwut, mata lihaase li ayi líkangummuu, ban líwooluwe kaanaku Ateemit layilo afooy wahawu wan asenommuu eeken boot yok hunakahu hata Batiibabu.

2 Tímote 1:18

Amaaŋenawu ajow akaan min Ateemit ásuum li akila li hunakahu hata Batiibabu. Luhaase foof jak buu lalambenommuu eeno li ésukayi yata Efées.

1 Fiyeel 5:10

Boot min fan jílaam jakee, bale Ateemit akilumuu káji kanookan, lahooñuuhooñ jijow jilako li máyiineniyamu moola mata boot nanoonan li hujokoolahu hooluul li Yéesu Kilisita. Akila humumool fan akaanuul jilako bukan kanabe, fan alitenuul, fan asenuul sembe, ban li akaanuul tin l̥aal̥e tan wah wootut uyili úhooluluul.

2 Fiyeel 3:10

Hunakahu hata Amaaŋenawu fan hubil loon ákuu. Li hunakahu unhu, emitayi fan éjim li kawel ló kákoyileniye. Wahawu feh wammuu li emitayi fan uleem li sambun. Etaamayi fan ébujo boot li wahawu feh wáami lómuu.

2 Fiyeel 3:14

Kutuyom kan iboolaat, wahawu unwu újimuu, li kakobaku kata hunakahu unhu, joote jikaan manooman min jilako bukan kasete, bukan kan an aatut ayili alob majakut aya li buko hákil Ateemit, ban li jibaj kajamoo li Ateemit.