Bakaanelabu 14:23 - Jola-Kasa Li kul̥us li ejangu yanooyan bukan kulako kunahaan, ban nan kumommomuu min kul̥aw kuban, li kuŋaliil kukat li kuŋen kata Amaaŋenawu an kúyinenumuu li akila. |
Yéesu li al̥us to li buko bukan koono kuŋen li kúl̥uba [kan kuhooñemuu foof Kufootal] boot min kulako li akila min aboñiil foof kujow kuwaale Hulimahu Hásuumaahu hata Ateemit,
Fúlum tó, Aana li ahok áyinool ban li alako to boot yok nan abajumuu simit kúyii kubakii li sibakii. Anaakut áfu’ li Eluufayi yata Ateemit, min inaak alok boot li Ateemit etihunaka aban ehuka, li kamommo li kal̥aw ló.
Yéesu li akaaw butiya aan: — Faafa, iŋa’ yaalom iseni ooken. Nan Yéesu alobumuu kulimaku unku aban, li aket.
Nan kusenumuu ujawawu kuban, buko foofiil feh li kul̥aw loon muñeˈe: «Amaaŋen, awu luhaase wahawu wammuu li buyinumabu bata anoowan feh. Uhíisoli ayi li umbuke kúl̥uba lul̥usumuu,
Mal̥egen li kukaan loon kulobumuu, min kuboñ wahawu wan kusenumuu Balunabaas buko li Sóol kújowetum kujow kusen kunahaanaku kata Súde.
Li kújufowum tó Atali li ébato boot Antiyok, yammuu ésukayi tan kuŋaliilumuu kukat li kájiyaku kata Ateemit boot kakaan bulokabu ban kukaanumuu.
Muñeˈe li kukiic kulimaku unke kuseniil kújowetum: «Kufootalaku li kunahaanaku kata ejanguwayi, li kutuyuul kusaafuluul feh, bukuluul jammuu kutuyiil káfummulomuu li kákaanumutumuu li Ateemit balewool, kakinumuu Antiyok, li etaamayi yata Siili li yata Silisi.
Nan kúliiŋumuu Yeelusalem, ejanguwayi, li kufootalaku li kuhaanabuku li kuyabiil. Li kukitteniil wahawu feh wan Ateemit ákaanummuu li buko.
«Ban muñeˈe boot min ikatuul li kuŋen kata Ateemit, li hulimahu hata kájiyaku koola. Ateemit layilo alitenuul ban li asenuul bútowaabu ban akat tomuu boot li bukanabuku feh kammuu koola.
Bale inti wahawu unwu bale. Sijanguwasu sil̥usool boot min alako anaboola óololi li kañaahoolaku unke kata bulok bata kakaan wah wajake, ban kúsenolimuu boot li kasal kata Amaaŋenawu humumool, li káhiis kaanaku jifanfañ min jilamben.
Jakum uwataten ánayine ahallene li sembe, bale uwankulenool loon atuubayi laam. Ujok bukanabuku kañiilomuu loon kutuyi.
Jakum usommen uŋa’ kuŋeni uwalen li an, jakum uŋa’ butumi ukaan li kahoofoo kata an. Ukaan awu humumi min ulako an anabe.
Wahawu unwu újimuu li eeno li sílaamasu unsu. Bale isuuwut, mata lihaase li ayi líkangummuu, ban líwooluwe kaanaku Ateemit layilo afooy wahawu wan asenommuu eeken boot yok hunakahu hata Batiibabu.
Wahawu wan újamummuu lí ínje hákil bukan kameeŋe, ulob wo bukan kan úwooluwe, kaate kuyili buko humumiil kuliiken wo foof kukee.
Likatikat li étebelemukayi yata Kilet, bánum li uhabel wahawu wasaŋomuu kakaan uwoogen, ban li ul̥us kunahaan kata ejangu li ésuk yanooyan. Uwayil̥o kulimaku kan ilobimuu.
An li bukuluul li ásomut, li áhooñul kunahaanabuku kata ejanguwayi min kuŋa’ éduulij kúyuwool li ukow, min kul̥aw boot li akila li kajawaku kata Amaaŋenawu.
Muñeˈe boot min ilob li kunahaanaku kata ejanguwayi kammuu li bukuluul. Injé humumom anahaan foof leem ata ejangu loon buko. Limammaat sílaamasu sata Kilisita, ban fan ibaj júmbaam li máyiineniyamu mammuu li múhiisi. Injé ummu li kawankulenuul eenuul:
Boot min fan jílaam jakee, bale Ateemit akilumuu káji kanookan, lahooñuuhooñ jijow jilako li máyiineniyamu moola mata boot nanoonan li hujokoolahu hooluul li Yéesu Kilisita. Akila humumool fan akaanuul jilako bukan kanabe, fan alitenuul, fan asenuul sembe, ban li akaanuul tin l̥aal̥e tan wah wootut uyili úhooluluul.
Injé Anahaanawu, ikiiculo boot li Anaalaawu an Ateemit al̥usumuu, li boot li kuñoolool kan íboolimuu li mal̥egen. Inti ínje balewom íbooliwuul, bale bukanabuku feh kahaasumuu mal̥egenamu kúbooliwuubooli foof.
Atuyom Gáyiyis an iboolaatumuu, ínje anahaanawu ikiiculi, awu an íboolimuu li mal̥egen.